ប្រភពពីសមត្ថកិច្ចបង្ហើបអោយដឹងថា ចៅក្រមសាលាដំបូងរាជធានីភ្នំពេញ បានចេញដីកាបង្គាប់ឲ្យចាប់ខ្លួនលោកស្រី ចាយ ផានី ពាក់ព័ន្ធបទល្មើសរំលោភលេីទំនុកចិត្ត និង មិនបំពេញកាតព្វកិច្ចចំពោះឧបករណ៍អាចជួញដូរបាន ( ចេញសែកអត់លុយ ) ទឹកប្រាក់សរុបជាង ២លានដុល្លារ ។ ប្រភពបានបន្ថែមថា ខណៈពេលនេះ សមត្ថកិច្ចកំពុងស្រាវជ្រាវតាមស្វែងរកចាប់ខ្លួនលោកស្រី ចាយ ផានី ដេីម្បីបញ្ជូនទៅតុលាការចាត់ការតាមច្បាប់ ។ 
