គម្រោងជិត៣០០នៅខេត្តព្រះសីហនុ មានទុនជាង៧ពាន់លានដុល្លារ ទទួលបានលើកទឹកចិត្តពីរាជរដ្ឋាភិបាល
យោងតាមសេចក្ដីប្រកាសព័ត៌មានក្រោយកិច្ចប្រជុំលើកទី១៦របស់ក្រុមការងារជំរុញការវិនិយោគខេត្តព្រះសីហនុបានឱ្យដឹងថា គិតចាប់តាំងពីឆ្នាំ២០២៤ រហូតដល់ខែឧសភា ឆ្នាំ២០២៥នេះ ក្រុមការងារជំរុញការវិនិយោគក្នុងខេត្តព្រះសីហនុ បានសម្រេចជា គោលការណ៍ផ្តល់ការលើកទឹកចិត្តដល់គម្រោងចំនួន ២៩៧ គម្រោង មានទុនវិនិយោគប៉ាន់ស្មានសរុប ៧០២៩ លានដុល្លារអាម៉េរិក និងប៉ាន់ស្មានអាចបង្កើតការងារ ៥៣ ១៨៧ កន្លែង ។
កិច្ចប្រជុំដែលបានប្រព្រឹត្តទៅកាលពីថ្ងៃទី២៨ ខែឧសភា ក្រុមការងារជំរុញការវិនិយោគខេត្តព្រះសីហនុក៏បានសម្រេចជាគោលការណ៍លើកទឹកចិត្តដល់គម្រោងវិនិយោគចំនួន១០ មានទុនវិនិយោគប៉ាន់ស្មាន សរុប១៥៤លានដុល្លារ ដែលនឹងអាចបង្កើតការងារបានប្រមាណ ១ ១៨៧កន្លែង ។ គម្រោងវិនិយោគទាំងនោះរួមមាន គម្រោងពាក់ព័ន្ធនឹងអគារជាប់គាំងចំនួន៤ គម្រោងថ្មីចំនួន៤ គម្រោងពង្រីកចំនួន១ និងគម្រោងមានស្រាប់ចំនួន១ ។ គម្រោង...
