សារព័ត៌មានដេលីខ្មែរ

ភ្នំពេញ៖ សេចក្តីព្រាងច្បាប់ចំនួន៧ ដែលទាក់វិស័យសេដ្ឋកិច្ច ពាណិជ្ជកម្ម និងសេវាដឹក ជញ្ជួនតាមផ្លូវអាកាស រដ្ឋសភា នឹងលើកយកទៅពិភាក្សាដើម្បីអនុម័តនៅព្រឹកថ្ងៃទី២៥ ខែវិច្ឆិកា ឆ្នាំ២០២០ខាងមុខនេះ ។ នេះយោងតាមកិច្ចប្រជុំគណៈកម្មាធិការអចិន្រ្តៃយ៍រដ្ឋសភា នៅព្រឹកថ្ងៃទី១៩ ខែវិច្ឆិកា ឆ្នាំ២០២០នេះ បានអនុម័តកាលបរិច្ឆេទបន្តសម័យប្រជុំរដ្ឋសភា លើកទី៥ នីតិកាលទី៦ ។ សេចក្តីព្រាងច្បាប់ទំាង៧ ដែលកិច្ចប្រជុំគណៈកម្មាធិការអចិន្រ្តៃយ៍រដ្ឋសភា ស្ថិតក្រោមអធីបតីភាពដ៏ខ្ពង់ខ្ពស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអនុម័តដាក់ចូលក្នុងរបៀបវារៈសម័យប្រជុំរដ្ឋសភាលេីកទី៥​ នីតិកាលទី៦ ពិភាក្សានិងអនុម័ត នោះរួមមាន៖ - សេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២១។ - សេចក្តីព្រាងច្បាប់ស្តីពី ការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០១៩។ - សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព...

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្រ្តី​នៃកម្ពុជា បានថ្លែងថា ព្រឹត្តិការណ៍ ៣វិច្ឆិកា ត្រូវបានបិទបញ្ចប់ចាប់ ពេលនេះតទៅ គ្រាន់​តែ​ប្រជាពលរដ្ឋរស់នៅដោយមាន អនាម័យ រក្សាគម្លាត និងពាក់ម៉ាស ជាដើម ដែលហៅថា «រស់នៅធម្មតា តាមរបៀបថ្មី»។ តាមរយៈ​សារ​សំឡេង​ផ្ញើរ​ទៅ​កាន់​អភិបាល​រាជ​ធានី​ ខេត្ត​នៅយប់ថ្ងៃទី១៨ ខែវិច្ឆិកា ឆ្នាំ២០២០ សម្ដេចតេជោ ហ៊ុន សែន បានមានប្រសាសន៍ថា «ខ្ញុំសូមជ ម្រាបជូន ឯកឧត្តម អភិបាលរាជធានី-ខេត្ត ទាំងអស់ រយៈពេលកន្លងទៅគឺយើងមានការប្រុងប្រយ័ត្ន គឺជារឿងត្រឹមត្រូវ ហើយ។ប៉ុន្ដែឥឡូវនេះ គឺសភាពការណ៍បានធូរស្រាល ដែលយើងប្រកាសបញ្ចប់ព្រឹត្តិការណ៍ ៣វិច្ឆិកា»។ សម្ដេចតេជោ បន្ដថា នៅរាជធានីភ្នំពេញសាលារៀនទាំងអស់ នឹងបើកដំណើរការឡើងវិញ នៅថ្ងៃទី២៣ ខែវិច្ឆិកា ឆ្នាំ២០២០ ខាងមុខនេះ តាមសំណើររបស់ក្រសួងអប់រំ យុវជន និងកីឡា ។ជាងនេះទៅទៀត សម្ដេច ក៏បានប្រាប់ រដ្ឋមន្ដ្រីក្រសួងអប់រំឲ្យបើកដំណេីរការស្តាតអូឡាំពិកឡើងវិញ ផងដ...

(ភ្នំពេញ)៖ ថ្លែងក្នុងសុន្ទរកថាគន្លឹះ ស្តីពីការលើកកម្ពស់ការយល់ដឹងអំពីការបង្កើនផលិតភាព ក្នុងអំឡុងពេលរីករាលដាលជំងឺឆ្លងកូវីដ-១៩ នៃពិព័រណ៍ការងារ និងផលិតភាពជាតិឆ្នាំ២០២០ ដែលរៀបចំតាមប្រព័ន្ធអនឡាញ នារសៀលថ្ងៃទី១៤ ខែវិច្ឆិកា ឆ្នាំ២០២០ លោក​​បណ្ឌិត ពេជ សោភ័ន រដ្ឋលេខាធិការប្រចាំការ នៃក្រសួងការងារ និងបណ្តុះបណ្តាលវិជ្ជាជីវៈ បញ្ជាក់ថា កំណើនផលិតភាពនឹងជួយពង្រឹងភាពប្រកួតប្រជែង ព្រមទាំងជំរុញការធ្វើពិពិធកម្មសេដ្ឋកិច្ចជាតិនៅក្នុងល្បឿន និងជវភាពកាន់តែខ្ពស់។ លោក​ថ្លែងទៀតថា ​ដើម្បីធានាចីរភាពកំណើន និងការបង្កើតការងារកាន់តែល្អគ្រប់គ្រាន់សម្រាប់ប្រជាជន តាមរយៈការរៀនពីការអនុវត្តជោគជ័យ និងបច្ចេកវិទ្យាថ្មីៗពីប្រទេសអភិវឌ្ឍ ព្រមទាំងរៀនពីគ្នាទៅវិញទៅមក និងការបណ្តុះឡើងនូវផ្នត់គំនិតអំពីផលិតភាពក្នុងចំណោមប្រជាជនកម្ពុជាទាំងមូល ជាពិសេសក្នុងចំណោមកម្មករនិយោជិត យុវជន សិស្ស និស្សិត, ព្រមទាំងជំរុញឱ្យមានការផ្លាស់ប្តូរផ្នត់គំនិតរបស់និយោ...