បំណែកយានអវកាសរបស់ក្រុមហ៊ុន ប៊ូអ៊ីងខូ (Boeing Co.) បានវិលត្រឡប់មកចុះចតលើផែនដីបានដោយជោគជ័យ កាលពីថ្ងៃអាទិត្យ ទី២២ ខែធ្នូ ចុងឆ្នាំ២០១៩នេះ ក្រោយពីបានធ្វើដំណើរទៅកាន់ស្ថានីយអវកាសអន្តរជាតិ ។
បំណែកយានអវកាសរបស់ក្រុមហ៊ុន ប៊ូអ៊ីងខូ បានចុះចតនៅលើវាលខ្សាច់នៃរដ្ឋ ញូម៉ិកស៊ីកូ សហរដ្ឋ អាមេរិក ដែលជាការចុះចតបំណែកយានអវកាសដោយជោគជ័យជាលើកដំបូងរបស់ក្រុមហ៊ុននេះ ។
លោក ស្ទីវ ស្ទិច (Steve Stich) អ្នកវិទ្យាសាស្ត្ររបស់អង្គការ ណាសា បាននិយាយថា បំណែកនៃយានអវកាសដែលបានចុះចតលើផែនដីនេះ នឹងត្រូវយកទៅជួសជុលសាជាថ្មី និងបង្ហោះទៅកាន់ទីសុញ្ញា កាសនៅពេលក្រោយម្តងទៀត ។
លោក ស្ទីវ ស្ទិច បានបន្ថែមថា បំបែកនៃយានអវកាសរបស់ក្រុមហ៊ុន ប៊ូអ៊ីងខូ នឹងត្រូវអភិវឌ្ឍន៍ឲ្យទៅជាយានអវកាសដឹកអវកាសយានិក ពីរនាក់ទៅកាន់ទីអវកាសក្នុងបេសកកម្មលើកក្រោយ ៕
