(ភ្នំពេញ)៖ លោក ឡូវ នីកូវឌ្ឍនា ប្រធានអង្គភាពផ្តល់បណ្ណ័បើកបរ និងសុវត្ថិភាពចរាចរណ៏ផ្លូវគោក នៃមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងនៅថ្ងៃទី០៧ ខែឧសភា ឆ្នាំ២០២០នេះថា ក្នុងរយៈពេលតែ២ថ្ងៃ គឺថ្ងៃចន្ទ និងថ្ងៃអង្គារកន្លងមកនេះ ប្រជាពលរដ្ឋ ដែលជាអ្នករត់ម៉ូតូកង់បី និងម៉ូតូធំ បាននាំគ្នាសម្រុកដាក់ពាក្យ និងប្រឡងយកប័ណ្ណបើកបរ ជាង២៥០០នាក់ ខណៈបន្ទប់អាចទទួលបានតែពី១៦០ទៅ១៨០នាក់ប៉ុណ្ណោះ។
លោកបន្តថា ក្នុងរយៈពេល២ថ្ងៃ គឺកាលពីថ្ងៃច័ន្ទ និងថ្ងៃអង្គារ ដើមសប្តាហ៍នេះ ក្រុមអ្នកម៉ូតូកង់បី និងម៉ូតូធំ បានប្រឡងយកបណ្ណ័បេីកបរចំនួន២៨០នាក់ ប្រឡងជាប់១២៤នាក់ និងប្រឡងធ្លាក់ចំនួន១៥៨នាក់។
លោក ឡូវ នីកូវឌ្ឍនា បានឲ្យដឹងទៀតថា ទោះបីចំនួនអ្នកដាក់ពាក្យប្រឡង មានចំនួនច្រេីន និងការប្រឡងជាក់ស្តែងមានកំណត់ក្តី ប៉ុន្តែក្រុមការងារនៅតែបន្តទទួលពាក្យ ដេីម្បីរៀបចំការប្រឡងទៅតាមលេខរៀងជាបន្តបន្ទាប់រហូតដល់អស់។
សម្រាប់លក្ខខណ្ឌ ក្នុងការប្រឡងបេក្ខជន ត្រូវមានអត្តសញ្ញាណបណ្ណ័ជនជាតិខ្មែរ លិខិតបញ្ជាក់កាយសម្បទា ឬសុខភាពមួយសន្លឹក រូបថត សខ្មៅ៤x៦ចំនួន៤សន្លឹក និងត្រូវបង់តម្លៃចំនួន៤១០០០រៀល៕
