ប្រទេសកាតា បានទទួលយន្តហោះចម្បាំង មួយគ្រឿងដំបូងពីប្រទេសបារាំង កាលពីថ្ងៃពុធ ទី០៦ ខែកុម្ភៈនេះ ដែលជាយន្តហោះចម្បាំង ប្រភេទ Rafale ពហុជំនាញ (Rafale multi-purpose jet fighters) ។
សូមរំលឹកជូនថា កាលពីឆ្នាំ២០១៥កន្លងទៅ ប្រទេសកាតាបានចុះកិច្ចព្រមព្រៀងទិញ យន្តហោះចម្បាំង Rafale ចំនួន២៤គ្រឿងពីប្រទេសបារាំង និងចុះកិច្ចព្រមព្រៀងទិញបន្ថែម ចំនួន១២គ្រឿងទៀត ដែលសរុបមានចំនួន៣៦គ្រឿង ។
ក្នុងពេលប្រហាក់ប្រហែលគ្នានេះ ប្រទេសបារាំងមិនត្រឹមតែលក់យន្តហោះចម្បាំង Rafale ទៅឲ្យប្រទេសកាតាទេ កាលពីឆ្នាំ២០១៥ បារាំងក៏បានលក់យន្តហោះចម្បាំង Rafale ចំនួន២៤គ្រឿងឲ្យប្រទេសអេហ៊្សីប និងលក់ Rafale ចំនួន៣៦គ្រឿងឲ្យប្រទេស ឥណ្ឌា កាលពីឆ្នាំ២០១៦ ៕
