ភ្នំពេញ៖ លោក ជែក ម៉ា (Jack Ma) មហាសេដ្ឋីលំដាប់ពិភពលោករបស់ចិន ដោយសារលក់ផលិតផលតាមអនឡាញឈ្មោះ Alibaba បានមកដល់ខេត្តសៀមរាប ព្រះរាជាណាចក្រកម្ពុជា កាលព្រលប់ថ្ងៃទី១១ ខែមិនានេះ ដើម្បីទស្សនាប្រាង្គប្រាសាទខ្មែរ និងស្វែងយល់សក្តានុពលវិនិយោគនៅកម្ពុជា។
វត្តមានរបស់មហាសេដ្ឋីចិនរូបនេះ ពេលមកដល់ព្រលានយន្តហោះអន្តរជាតិ សៀមរាបអង្គរភ្លាម លោកបានផ្តល់កិត្តិយសឲ្យមានការថតរូបលោកបង្ហោះតាមបណ្ដាញទំនាក់ទំនងសង្គម ហ្វេសប៊ុក។
មិនមានប្រភពណាមួយអាចបញ្ជាក់ថា មហាសេដ្ឋីនេះ នឹងមកទស្សនកិច្ចក្នុងរាជធានីភ្នំពេញ ឬយ៉ាងណាទេ ប៉ុន្តែ មន្រ្តីខេត្តសៀមរាបបានបញ្ជាក់ថា លោក ជែក ម៉ា នឹងទស្សនាប្រាសាទអង្គរវត្ត មុននឹងបន្តដំណើរទៅកាន់ក្រុងប៉ោយប៉ែត ខេត្តបន្ទាយមានជ័យ ដើម្បីស្វែងយល់ពីសក្តានុពលវិនិយោគនៅកម្ពុជា៕
