លោក ផាន អូន ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកនៃអគ្គនាយកដ្ឋាន ក.ប.ប. ថ្ងៃទី ១១ ខែតុលា ឆ្នាំ២០២១ នេះបានអញ្ជើញចូលរួមក្នុងកិច្ចប្រជុំលើកទី១ របស់មន្ត្រីជាន់ខ្ពស់តំណាងស្ថាប័នប្រកួតប្រជែងអាស៊ាន (ASEAN Heads of Competition Agencies Meeting) តាមប្រព័ន្ធ Microsoft Teams។
កិច្ចប្រជុំនេះជាកិច្ចប្រជុំលើកដំបូងដែលជាគំនិតផ្តួចផ្តើមរបស់ប្រទេសឥណ្ឌូនេស៊ី ក្នុងនាមជាប្រធានក្រុមអ្នកជំនាញការប្រកួតប្រជែងអាស៊ាន ហើយមានគោលបំណងរាយការណ៍អំពីវឌ្ឍនភាព និងពិភាក្សាលើផែនការសកម្មភាពការងារប្រកួតប្រជែងរបស់អាស៊ាន។
ឆ្លៀតក្នុងឱកាសនេះលោក ផាន អូន បានអញ្ជើញធ្វើបទអន្តរាគមន៍ជម្រាប អង្គប្រជុំទាំងមូលអំពីវឌ្ឍនភាពនៃសេចក្តីព្រាងច្បាប់ប្រកួតប្រជែងដែលនឹងត្រូវអនុម័ត ប្រកាសឱ្យប្រើក្នុងពេលដ៏ខ្លីខាងមុខនេះ។
គួររំលឹកផងដែរថា កិច្ចប្រជុំខាងលើ ជាកិច្ចប្រជុំមួយ ក្នុងចំណោមកិច្ចប្រជុំចំនួន០៤ នៃកិច្ចប្រជុំលើកទី២៧ របស់ក្រុមអ្នកជំនាញការប្រកួតប្រជែងអាស៊ាន “ASEAN Expert Group on Competition (AEGC)” ដែលប្រព្រឹត្តរយៈពេល០៥ថ្ងៃ ចាប់ពីថ្ងៃទី១១ ដល់ថ្ងៃទី១៥ ខែតុលា ឆ្នាំ២០២១។
