រាជរដ្ឋាភិបាលកម្ពុជានិងអ្នកវិនិយោគផ្នែកឯកជនមានក្តីសង្ឃឹមច្រើនពីគម្រោងផ្លូវមួយខ្សែក្រវ៉ាត់មួយរបស់រដ្ឋាភិបាលចិន ដែលគម្រោងនេះត្រូវបានគេពិព័រណ៌នាថា នឹងជំរុញឲ្យកម្ពុជាដែលជាប្រទេសកំពុងតែមានការអភិវឌ្ឍទទួលបានឱកាសវិនិយោគថ្មីៗច្រើនជាងមុន បង្កើតបរិយាកាសអភិវឌ្ឍខឿនសេដ្ឋកិច្ចជាតិនិងបង្កើតឲ្យមានទីផ្សារកាន់តែធំទូលាយ។
អ្នកវិនិយោគកម្ពុជាបានចាត់ទុកថា បច្ចុប្បន្ននេះ ប្រទេសចិនដែលជាមហាមិត្តរបស់ កម្ពុជាគ្រប់ជ្រុងជ្រោយបានជួយប្រទេសកម្ពុជាយ៉ាងច្រើន តាមរយៈការជំរុញលំហូរ វិនិយោគិនចិនលើវិស័យអចលនទ្រព្យនឹងធ្វើឲ្យខេត្តមួយចំនួនទទួលបានផលនៃការ វិនិយោគនេះ ជាពិសេសការជំរុញកំណើនសេដ្ឋកិច្ចជាតិ។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាមានសុទិដ្ឋិនិយមថា បច្ចុប្បន្ននេះវិនិយោគិនចិនមកកាន់ប្រទេសកម្ពុជាច្រើន គឺដោយសារតែប្រទេសទាំងពីរមានទំនាក់ទំនងជិតស្និទ្ធនិងគ្នាតាំងពីសម័យសង្គមរាស្រ្តនិយមមក ហើយចំណុច ពិសេសនោះកម្ពុជាបានស្ថិតក្នុងគម្រោងផ្លូវមួយខ្សែក្រវ៉ាត់មួយរបស់ចិន ដែលជា គោលដៅក្នុងការអភិវឌ្ឍរួម ហេតុដូច្នោះលំហូរវិនិយោគចិនពេលនេះជាសញ្ញាដ៏ល្អដើម្បីអភិវឌ្ឍប្រទេសកម្ពុជា។
លោកបានមានប្រសាសន៍ទៀតថា «ចំណុចយើងគួរឲ្យចាប់អារម្មណ៍នោះវិនិយោគិនចិនបានចូលមកអភិវឌ្ឍនៅខេត្តព្រះសីហនុមុនគេធ្វើឲ្យខេត្តមួយនេះមានការរីកចម្រើនខ្លាំង និងមានអគារខ្ពស់ៗរីកដូចផ្សឹត ដែលទាំងហើយនេះជាសមិទ្ធផលរបស់ វិនិយោគ ចិនមកប្រទេសកម្ពុជា ហើយទៅមុខទៀតយើងនឹងមានវិនិយោគពីបណ្តាប្រ ទេសដទៃ ទៀតចូលមកជាបន្តបន្ទាប់»។
អ្នកវិនិយោគខាងលើបន្ថែមថា ប្រទេសចិនមិនត្រឹមតែរកស៊ីននៅកម្ពុជានោះទេ គឺអ្នក វិនិយោគចិនបានទៅវិនិយោគនៅបណ្តាប្រទេសជាច្រើនទៀតក្នុងតំបន់អាស៊ាន និងនៅលើពិភពលោក ហើយប្រទេសទាំងនោះក៏ទទួលបានផលច្រើនពីការវិនិយោគនោះ ផងដែរ។
សម្រាប់ ប្រធានសម្ព័ន្ធសមាគមសហគ្រាសធុនតូចនិងមធ្យមកម្ពុជា លោកឧកញ៉ា តែ តាំងប៉ បានមានប្រសាសន៍ថា តាមពិតទៅគម្រោងផ្លូវមួយខ្សែក្រវ៉ាត់មួយនេះពិត ជា ផ្តល់ផលប្រយោជន៍ច្រើនដល់ប្រទេសកម្ពុជា ដែលជំរុញនូវគម្រោង វិនិយោគ ជាច្រើន ទៀតលើគ្រប់វិស័យ ហើយក្រៅពីនេះធ្វើឲ្យប្រព័ន្ធដឹកជញ្ជូនកាន់តែសម្បូរបែបនឹងងាយ ស្រួលក្នុងការដឹកជញ្ជូនទំនិញទៅទីផ្សារអន្តរជាតិ។
លោកមានសុទិដ្ឋិនិយមថា ចំពោះប្រទេសកម្ពុជាកាន់តែជម្រើសច្រើនជាងមុន ដោយ មិនពឹងផ្អែកតែទីផ្សារតែមួយ ជាពិសេសនោះ ទទួលបានលំហូរវិនិយោគ កាន់តែច្រើន ។ ដូច្នោះតាមរយៈដំណើរទស្សនកិច្ចសម្តេចតេជោនាយក រដ្ឋមន្រ្តីនេះ ទៅចិនកន្លងមកនឹងបើកផ្លូវឲ្យមានវិនិយោគថ្មីៗបន្ថែមទៀតក៏ដូចជាពង្រឹងទំនុកចិត្តដល់អ្នកវិនិយោគិនបរទេស។
សម្រាប់អ្នកវិនិយោគខាងលើអះអាងទៀតថា ចំពោះវិស័យឯកជនគឺពិតជាមានសេចក្តីរីករាយជុំវិញដំណើរទស្សនកិច្ចរបស់ប្រមុខដឹកនាំកម្ពុជាទៅកាន់ប្រទេសចិន ហើយរំពឹង ថា មហាមិត្តចិននឹងជួយដល់ប្រទេសកម្ពុជាកាន់តែច្រើនបន្ថែមទៀតលើផ្នែកពាណិជ្ជកម្មនិងទីផ្សារកសិផលខ្មែរ។
សម្តេចតេជោ ហ៊ុន សែន នាយករដ្ឋមន្រ្តីធ្វើទស្សនកិច្ចទៅកាន់ប្រទេសចិនចំនួន៥ថ្ងៃ រួចដឹកនាំគណៈប្រតិភូអញ្ជើញទៅចូលរួមក្នុង «វេទិកាខ្សែក្រវ៉ាត់ និងផ្លូវលើកទី២ សម្រាប់ កិច្ចសហប្រតិបត្តិការអន្តរជាតិ» និងកិច្ចប្រជុំសំខាន់ៗផ្សេងទៀត ដែលនឹងប្រ ព្រឹត្តទៅ ពីថ្ងៃទី២៥ ដល់ថ្ងៃទី២៩ ខែមេសា ឆ្នាំ២០១៩ នៅទីក្រុងប៉េកាំងប្រទេសចិន។
សម្រាប់ លោកបណ្ឌិត គី សេរីវឌ្ឍន៍ ប្រធានវិទ្យាស្ថានសិក្សាភាសាចិននៃរាជ បណ្ឌិត សភាកម្ពុជាបានចាត់ទុកថា ការវិនិយោគចិនមកកាន់ប្រទេសកម្ពុជាមិនមែនជារឿងមួយមិនល្អដូចការលើកឡើងកន្លងមកនោះទេ ពោលប្រទេសចិនបានវិនិយោគច្រើននៅ ខេត្តព្រះសីហនុលើផ្នែកសណ្ឋាគារ និងភោជនីយដ្ឋាន ដែលជំរុញឲ្យមានការអភិវឌ្ឍសេដ្ឋកិច្ចកម្ពុជាទៅវិញទេ។
លោកបណ្ឌិតបានមានប្រសាសន៍ថា« ទំនាក់ទំនងល្អរវាងចិននិងកម្ពុជាយើងបានធ្វើឲ្យមានការវិនិយោគច្រើនពីប្រទេសចិនដែលជំរុញធ្វើឲ្យមានការរីកចម្រើន និងមានការ អភិវឌ្ឍសេដ្ឋកិច្ចកម្ពុជាឈានឡើង ហើយចិនជាដៃគូរអភិវឌ្ឍប្រទេសក្នុងតំបន់ អាស៊ានក៏ដូចជាប្រទេសកម្ពុជាយើងផងដែរ»។
បច្ចុប្បន្ននេះ អ្នកវិនិយោគចិនវិនិយោគលើវិស័យមួយចំនួនរួមមាន កម្មន្តសាល សំណង់ វាយនភ័ណ្ឌ និងថាមពលអគ្គិសនី និងប៉ុន្មានឆ្នាំចុងក្រោយ នេះចិនវិនិយោគ លើវិស័យ សំណង់ និងអចលវត្ថុកម្ពុជាឈានមុខគេ។
តាមរយៈទំនាក់ទំនងដ៏ល្អរវាងរដ្ឋាភិបាលនៃប្រទេសទាំងពីរកម្ពុជានិងចិនបានធ្វើឲ្យទំ ហំទុនវិនិយោគរបស់ចិននៅកម្ពុជាកើនដល់៦៨០០ លានដុល្លារអាមេរិក កាលពីដំណាច់ឆ្នាំ២០១៨ថ្មីៗនេះ ហើយទំហំវិនិយោគបានស្ ទុះឡើងរហូតដល់ប្រមា ណ៦,៨ពាន់ លានដុល្លា កើនប្រមាណ៧% ធៀប និងឆ្នាំ២០១៧ ក្នុងនោះប្រទេសចិន បន្តស្ថិតនៅជា ប្រទេសនាំមុខ ដែលបានបណ្តាក់ទុនវិនិយោគ ធំជាងគេបង្អស់នៅកម្ពុជាក្នុងឆ្នាំ ២០១៨ ។
