ប្រតិបត្តិការនេះ សមត្ថកិច្ច បានឃាត់ខ្លួនអ្នកបើករថយន្តម្នាក់ ឈ្មោះ គូ លាងចិន ភេទប្រុស អាយុ ២៨ឆ្នាំ រស់នៅភូមិពីរ សង្កាត់កំពង់ស្វាយ ក្រុងសិរីសោភ័ណ ជាម្ចាស់រថយន្តតូយូតា អាល់ហ្វាត ដែលពាក់ស្លាកលេខ បន្ទាយមានជ័យ ២B-៦៧៧៩ ។ សមត្ថកិច្ច ចាប់យកបានជាភស្តុតាងនូវគ្រឿងក្នុងជ្រូកចម្រុះ ចំនួន ១២ កេសស្នោ ស្មើ ៥៧៣ Kg ដែលសុទ្ធតែជាទំនិញខូចគុណភាព និងមានផ្ទុកសាធាតុគីមី មានប្រភពដែលឈ្មួញនាំចូលពីប្រទេសថៃ តាមច្រកអន្តរជាតិប៉ោយប៉ែត។
ក្រោយការឃាត់ខ្លួន ជនសង្ស័យ និងវត្ថុតាង សមត្ថកិច្ចបានបញ្ជូនទៅស្នងការដ្ឋាននគរបាល ខេត្តបន្ទាយមានជ័យ ដើម្បីសួរនិងចាត់ការច្បាប់៕
