លោក អ៊ឹម ឈុនលឹម ជាបេក្ខជនឈរឈ្មោះជា ប្រធានក្រុមប្រឹក្សាធម្មនុញ្ញសម្រាប់អាណត្ដិ៣ឆ្នាំលើកទី៨(២០១៩-២០២២) ត្រូវបានសមាជិក សមាជិកា បោះឆ្នោតគាំទ្រដែលមានសន្លឹកឆ្នោត០៩សម្លេងគាំទ្រ លើ៩សម្លេង។
ក្រោយពីបានជាប់ឆ្នោតជាប្រធានក្រុមប្រឹក្សាធម្មនុញ្ញលោក អ៊ឹម ឈុនលឹម បានប្ដេជ្ញាចិត្ដ ថ្លែងទៅកាន់សមាជិក សមាជិកាថា នឹងគោរពតាមរដ្ឋធម្មនុញ្ញ ច្បាប់ បទបញ្ជាផ្ទៃក្នុងរបស់ក្រុមប្រឹក្សាធម្មនុញ្ញ ការកសាងកាពារព្រះរាជាណាចក្រកម្ពុជាឲ្យក្លាយទៅជានីតិរដ្ឋ និងអភវឌ្ឍន៍។
ក្រុមប្រឹក្សាធម្មនុញ្ញ ក៏បានរៀបចំពិធីផ្ទេរតំណែងសមាជិក សមាជិកា ក្រុមប្រឹក្សាធម្មនុញ្ញចំនួន៣រូបដែលបានចប់អាណត្ដិ (២០១០-២០១៩)គឺៈ សម្ដេចនរោត្ដម សិរី វុឌ្ឍ លោកមិន ស៊ាន និងលោក ហ៊ី សោភា។
ក្នុងអណត្ដិថ្មី ដែលសមាជិកសមាជិកាចូលកាន់តំណែង ថ្មី(២០១៩-២០២៨)មានចំនួន០៣រូបគឺៈ ១-លោក ហ៊ី សោភា ត្រូវបានឧត្ដមក្រុមប្រឹក្សា នៃអង្គចៅក្រមបោះឆ្នោតជ្រើសតាំងជាថ្មី ជាសមាជិកក្រុមប្រឹក្សាធម្មនុញ្ញ សម្រាប់អាណត្ដិទី៩(២០១៩-២០២៨), ២-លោកស្រី លី វួចឡេង ដែលត្រូវរដ្ឋសភាជាតិបោះឆ្នោតជ្រើសតាំងជាសមាជិកក្រុមប្រឹក្សាធម្មនុញ្ញសម្រាប់អាណត្ដិទី៩(២០១៩-២០២៨)។ ៣-លោក កែវ ពុទ្ធរស្មី ដែលទទួលបានការតែងតាំងដោយអង្គព្រះមហាក្សត្រ ជាសមាជិកក្រុមប្រឹក្សាធម្មនុញ្ញសម្រាប់អាណត្ដិទី៩(២០១៩-២០២៨)៕
