លោក Firdous Faramaz អ្នកនាំពាក្យប៉ូលីសនៅទីក្រុង កាប៊ុល ប្រទេសអាហ្វហ្កានិស្ថាន បាននិយាយថា មនុស្សរាប់សិបនាក់បានរងរបួស ក្នុងការបំផ្ទុះគ្រាប់បែកដ៏មានឥទ្ធិពលមួយគ្រាប់នៅព្រឹកថ្ងៃចន្ទ ទី០១ ខែកក្កដានេះ ។
លោក Firdous Faramaz បានបន្ថែមថា ខ្មាន់បំផ្ទុះគ្រាប់បែកមិនស្គាល់អត្តសញ្ញាណ បានបង្កប់គ្រឿងផ្ទុះនៅតំបន់ដែលជាទីតាំងរបស់ស្ថានទូតបរទេស និងការិយាល័យក្រុមហ៊ុនដែលមានមនុស្សច្រើនក្នុងទីក្រុងកាប៊ុល ។
រហូតមកដល់ពេលនេះ នៅមិនទាន់មានក្រុមណាមួយអះអាងទទួលខុសត្រូវចំពោះការវាយប្រហារដោយបង្កប់គ្រាប់បែកនេះទេ ហើយព័ត៌មានលំអិតពាក់ព័ន្ធនឹងការបាត់បង់ជីវិតមនុស្ស និងខួចខាតក៏មិនទាន់ត្រូវបានបង្ហាញដែរ ៕
