ក្រសួងការងារនិងបណ្តុះបណ្តាលវិជ្ជាជីវៈនឹងរៀបចំពិព័រណ៍ការងារនិងផលិតភាពលើកទី៣ឆ្នាំ២០១៩ខាងមុខនេះ​

ក្រសួងការងារនិងបណ្តុះបណ្តាលវិជ្ជាជីវៈ នឹងរៀបចំពិព័រណ៍ការងារ និងផលិតភាពសៀមរាប លើកទី៣ ឆ្នាំ២០១៩ (Career and Productivity Fair-Siem Reap 2019)ចាប់ពីថ្ងៃទី១២ ដល់ថ្ងៃទី១៣ ខែកក្កដា ខាងមុខនេះ។​

កម្មវីធីពិព័រណ៍ការងារ និងផលិតភាពក្រោមកិច្ចគាំទ្រពីសាលាខេត្ដសៀមរាប សហភាពសហព័ន្ធយុវជនកម្ពុជាខេត្តសៀមរាប (ស.ស.យ.ក) និងអង្គការអន្ដរជាតិខាងការងារ (ILO)។ពិព័រណ៍ការងារ និងផលិតភាពសៀមរាប ឆ្នាំ២០១៩នេះ ចូលរួមដោយមិនគិតថ្លៃចាប់ផ្តើមពីម៉ោង ០៨:០០ នាទីព្រឹក ដល់ម៉ោង ២០:០០ នាទីយប់ នៅសួនច្បារព្រះអង្គចេកព្រះអង្គចម។ លោកអ្នកនឹងមានឱកាស ជួបស្ថាប័ន ក្រុមហ៊ុនធំៗក្នុងវិស័យកំពុងមានតម្រូវការក្នុងខេត្ត។
– ជួបបេក្ខជនមានសមត្ថភាពជាច្រើនពាន់នាក់
– ផ្សព្វផ្សាយពីតម្រូវការកម្លាំងពលកម្ម
– ដាក់ពាក្យសម្ភាស និងជ្រើសរើសបុគ្គលិកផ្ទាល់
– ទទួលបានការណែនាំអាជីព បទពិសោធន៍ ជំនាញទីផ្សារការងារ កំពុងត្រូវការ និងឱកាសបណ្តុះបណ្តាលគ្រប់ប្រភេទ
– ទទួលបានបទពិសោធន៍ពីវាគ្មិនល្បីៗពីសិក្ខាសាលា។