តំណាងក្រុមហ៊ុនម៉ុងឬទ្ធីគ្រុបបានឲ្យដឹងថា កម្ពុជាមិនទាន់មានទីផ្សារត្រង់នាំចេញស្វាយកែវរមៀតទៅទីផ្សារចិន និងកូរ៉េនៅឡើយទេ ដោយសារតែកន្លងមកពឹងផ្អែកលើទីផ្សារប្រទេសជិតខាង។
លោក លី ឡាវីល នាយកចាត់ការទូទៅក្រុមហ៊ុនម៉ុងឬទ្ធីគ្រុបបានមានប្រសាសន៍ថា បច្ចុប្បន្ននេះ ស្វាយកែវរមៀង ដែលកសិករផលិតបានមិនទាន់មានទីផ្សារនាំចេញត្រង់ទៅកាន់ប្រទេសចិន និងកូរ៉េនៅឡើយ ទេ ដោយសារតែការដាំដុះមិនមានស្តង់ដារនិងបច្ចេកទេសត្រឹមត្រូវ។
លោកបានបញ្ជាក់ទៀតថា កសិករដាំស្វាយកែវរមៀតភាគច្រើនលក់ឲ្យឈ្មួញវៀតណាម ហើយមិនទាន់មានទីផ្សារត្រង់ទៅប្រទេសផ្សេងៗដែលមានតម្រូវធំនៅឡើយទេ។បញ្ហានេះខាងក្រុមហ៊ុនម៉ុងឬទ្ធីបានចុះណែនាំកសិករជាដៃគូរឲ្យការដាំដុះឲ្យមានបច្ចេកទេ ត្រឹមត្រូវ។
លោកបានលើកឡើងថា ក្រុមហ៊ុនម៉ុងឬទ្ធីវិញបាននាំចេញស្វាយកែវរមៀតទៅកាន់ប្រទេសបារាំង ដែលមានការទទួលស្គាល់ត្រឹមត្រូវស្វាយរបស់កម្ពុជា ហើយបញ្ហានេះ កសិករដៃគូរបានមកសហការជាមួយក្រុមហ៊ុនផងដែរ។
លោកបានបន្ថែមថា ដើម្បីឲ្យកសិករអ្នកដាំមានភាពប្រាកដប្រជានោះ និងមានកិច្ចសន្យាទិញលក់ឲ្យបានច្បាស់លាស់នោះ ក្រុមហ៊ុនម៉ុងឬទ្ធីមានកិច្ចសន្យាត្រឹមត្រូវជាមួយកសិករនិងអាចធានាតម្លៃបានត្រឹមត្រូវ។
កាលពីខែមីនា ឆ្នាំ២០១៧ ក្រុមហ៊ុនម៉ុងឬទ្ធីបាននាំចេញផ្លែស្វាយកែវរមៀតចាប់ពីចុងខែវិច្ឆិការ ហូតមកដល់ថ្ងៃទី ២១ ខែមីនា កន្លងទៅបានចំនួន២២ ជើងយន្តហោះហើរស្មើនិង ១៣០ តោន។
យោងតាមសមាគមស្វាយកែវរមៀតបានបង្ហាញថា កាលពីដើមឆ្នាំ២០១៦ កន្លងទៅ សមាគមស្វាយកែវរមៀត នៅខេត្តកំពង់ស្ពឺបាននាំចេញទៅកាន់ទីផ្សារប្រទេសចិន ប្រមាណជាង ១.០០០តោន និងទីផ្សារប្រទេសវៀតណាម និងថៃបានជាង ១ម៉ឺនតោត៕
