ប្រព័ន្ធផ្សព្វផ្សាយ BBC បានចេញផ្សាយថា លោក Dan Coats នាយកទីភ្នាក់ងារស៊ើបការណ៍សម្ងាត់ជាតិអាមេរិក (US National Intelligence) បានប្រកាសលាលែងចេញពីតំណែងហើយ កាលពីថ្ងៃចន្ទ ទី២៩ ខែកក្កដា ឆ្នាំ២០១៩នេះ ។
លោក Dan Coats មិនបានបញ្ជាក់ពីមូលហេតុពិតប្រាកដក្នុងលិខិតលាលែងចេញពីតំណែងរបស់លោក ដែលបានផ្ញើទៅកាន់លោកប្រធានាធិបតី ដូណាល់ ត្រាំ នោះទេ ដោយនាយកទីភ្នាក់ងារស៊ើបការណ៍សម្ងាត់រូបនេះ គ្រាន់តែរំលឹកពីកិច្ចខិតខំប្រឹងប្រែងរបស់ខ្លួន ក្នុងការងារពាក់ព័ន្ធនឹងស្ថាប័នស៊ើបការសម្ងាត់តែប៉ុណ្ណោះ ។
សូមបញ្ជាក់ថា លោក Dan Coats បានឡើងកាន់តំណែងជានាយកទីភ្នាក់ងារស៊ើបការណ៍សម្ងាត់ជាតិអាមេរិក (US National Intelligence) កាលពីខែមីនា ឆ្នាំ២០១៧កន្លងទៅ ហើយនាយកទីភ្នាក់ងារស៊ើបការណ៍សម្ងាត់រូបនេះ ទំនងជាលាលែងចេញពីតំណែងដោយមានការខ្វែងគំនិតគ្នាជាច្រើនចំណុច ពាក់ព័ន្ធរបាយការណ៍ដែលថា មេដឹកនាំរបស់ប្រទេសរុស្ស៊ី មានជាប់ពាក់ព័ន្ធនឹងការលូកដៃចូលក្នុងការបោះឆ្នោតអាមេរិកកាលពីឆ្នាំ២០១៦កន្លងទៅ ប៉ុន្តែលោក ត្រាំ មិនជឿងរបាយការណ៍នេះ ៕
