លោក ប៉ាត់ ចំណាន អ្នកគ្រប់គ្រងរមណីដ្ឋាន បងប្អូនសិត្បូ បានមានប្រសាសន៍ឲ្យដឹងកាលពីថ្ងៃទី៥ខែសីហានេះថា នៅក្នុងសប្តាហ៍នេះ ភ្ញៀវទេសចរមកលេងកម្សាន្តចុងសប្តាហ៍ ថ្ងៃសៅរ៍ និងអាទិត្យភ្ញៀវទេសចរក្នុងស្រុកមកលេងកម្សាន្តច្រើនស្ទើរតែរកកន្លែងអង្គុយគ្មាន ហើយមានទីតាំងស្ថិតនៅ ភូមិកំពង់ព្រីង ឃុំសិត្យូ ក្រុងតាខ្មៅ ខេត្តកណ្តាល មិនឆ្ងាយប៉ុន្មានទេ ពីរាជធានីភ្នំពេញ។
លោកបានមានប្រសាសន៍ទៀតថា ថ្មីបើមិនទាន់រៀបចំរួចរាល់ក៏ពិតមែ តែពួកយើង នឹងបម្រើសេវាកម្មឲ្យបានល្អ និងមានអនាម័យ ដល់អស់លោកអ្នកមទទួលទានអាហារនិងភេសជ្ជៈ ហើសូមទោសអតិថិជន ដែលបានបំរើសេវាមិនបានដិតដល់ ដោយសារនេះជាការបើកសាកល្បង។
លើសពីនេះអ្នកវិនិយោគខាងលើបន្ថែមថា«សូមបងប្អូនអាធ្យាស្រ័យបើសេវាកម្មយើងខ្ញុំមានភាពយឺតយ៉ាវនោះ ដោយសារតែបុគ្គលិកតិច ហើយសន្យាថា នឹងបង្កើនលទ្ឋភាពនូវសេវាកម្មជូនបងប្អូនបន្ថែមទៀត»។
យោងតាម ទស្សនវិស័យរបស់ម្ចាស់រមណីដ្ឋាន បងប្អូនសិត្បូ«ចង់ប្តូរបរិយាកាសថ្មី» សម្រាកលំហែកាយឆ្ងាយពីទីក្រុងដ៏អ៊ូអរខ្លាំងពេកនោះ ហើយមិនសូវមានពេលវេលាទៅណាឆ្ងាយ ពេលនេះគឺមិនពិបាកទៀតនោះទេ ដោយទីកន្លែងកម្សាន្តដែលជិតបើកសាកល្បងមួយកន្លែងក្បែរទីក្រុងភ្នំពេញ នឹងផ្តល់អារម្មណ៍ស្រស់ស្រាយដល់អ្នកដែលមកកម្សាន្តនោះគឺ រមណីយដ្ឋានបងប្អូនសិត្បូ។
រមណីយដ្ឋាន បងប្អូនសិត្បូ គឺជារមណីយដ្ឋានកែច្នៃ ដែលផ្តល់ខ្យល់អាកាសបរិសុទ្ធ មានខ្យុះស្បូវសម្រាប់សម្រាកលំហែកាយទទួលទានអាហារបែបស្រុកស្រែឆ្ងាញ់ៗ មានកន្លែងស្ទួចត្រីកម្សាន្ត ថែមទាំងមានអាងហែលទឹកសំរាប់មនុស្សធំ និងងកូនក្មេងផងដែរ មានទីតាំងនៅភូមិកំពង់ព្រីង ឃុំសិត្យូ ក្រុងតាខ្មៅ ខេត្តកណ្តាល ទល់មុខមណ្ឌលសុខភាព ឬអាចទំនាក់ទំនងតាមរយៈលេខទូរស័ព្ទ 016 90 22 06/ 088 8 25 25 28 ៕
