ប្រព័ន្ធផ្សព្វផ្សាយ CNA បានចុះផ្សាយថា មេដឹកនាំមកពីប្រទេសដែលមានឧស្សាហ៍កម្មលូតលាស់ខ្លាំងទាំង៧នៅលើពិភពលោក នៅក្នុងកិច្ចប្រជុំកំពូល G7 នៅប្រទេសបារាំង បានសម្រេចផ្តល់ប្រាក់ជំនួយប្រមាណ២០លានដុល្លារអាមេរិក ឫ១១លានអឺរ៉ូដល់យុទ្ធនាការពន្លត់ភ្លើងឆេះព្រៃនៅតំបន់ អាម៉ាហ្សូន ។
ប្រាក់ជំនួយទាំង២០លានដុល្លារអាមេរិកនេះ នឹងត្រូវផ្តល់ជួនទៅឲ្យប្រទេសចំនួន៨ប្រទេសដែលមានទីតាំងនៅជុំវិញតំបន់ព្រៃអាម៉ាហ្សូន មានប្រទេសប្រេស៊ីល បូលីវី កូឡុំប៊ី ប៉េរូ អេក្វាឌ័រ វេណេស៊ុយអេឡា ហ្គុយយ៉ាណា និងស៊ូរីណាំ ។
សូមបញ្ជាក់ថា ក្នុងរយៈពេលប៉ុន្មានថ្ងៃកន្លងមកនេះ ភ្លើងព្រៃបានលេបត្របាក់តំបន់ព្រៃអាម៉ាហ្សូនអស់ប្រមាណជាងមួយលានហិកតា ស្មើនឹងជាង៦០%ហើយ ហើយភ្លើងព្រៃនៅតែបន្តឆាបឆេះក្នុងល្បឿនលឿនបន្តទៀត ៕
