សម្តេចតេជោនាយករដ្ឋមន្ត្រី ផ្ញើសារខ្លីនាបិណ្ឌទី១៣ថ្ងៃទី ២៦ កញ្ញានេះ ខណ:នៅតែ២ថ្ងៃទៀត បុណ្យភ្ជុំធំនឹងមកដល់។
ថ្ងៃនេះយើងសង្កេតឃើញបងប្អូនប្រជាពលរដ្ឋ និងក្មួយៗនៅក្នុងរាជធានីភ្នំពេញ និងតាមបណ្តាខេត្តនានាបានសម្រុកចេញដំណើរទៅកាន់ស្រុកកំណើត ដើម្បីជួបជុំក្រុមគ្រួសារធ្វើបុណ្យភ្ជុំបិណ្ឌធំខាងមុខ។
ស្រុកទេសយើងសព្វថ្ងៃកាន់តែសុខសប្បាយ និងរីកចម្រើនទៅមុខ ។ រីឯផ្លូវថ្នល់និងស្ពានតូចធំក៏កាន់តែមានច្រើន ហើយរមណីយដ្ឋាន និងកន្លែងកំសាន្តវិញក៏មានស្ទើរគ្រប់ទីកន្លែង ដែលផ្តល់ឱកាសដល់ប្រជាពលរដ្ឋនិងទេសចរជាតិ និងអន្តរជាតិធ្វើដំណើរទៅកំសាន្ត ដោយគ្មានការភ័យព្រួយដូចសម័យសង្រ្គាមឡើយ។
សូមជូនពរបងប្អូនជនរួមជាតិ និងក្មួយៗធ្វើដំណើរសុខសប្បាយទាំងអស់គ្ នានិងឆាប់បានជួបជុំក្រុមគ្រួសារនៅក្នុងពិធបុណ្យភ្ជុំបិណ្ឌធំខាងមុខនេះ៕
