លោក អោម សេងបូរ៉ា ស្ថាបនិក CEO Master Club ទទួលបានពានជ័យលាភីOutstanding Founder Award ទទួលស្គាល់ស្នាដៃស្ថាបនិកឆ្នើមពីលោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទនិងជាមេបញ្ជាការកងទ័ពជើងគោក។
ពិធីប្រគល់ពានជ័យលាភីនេះប្រព្រឹតិ្តទៅនាចុងសប្ដាហ៍នេះក្នុងកម្មវិធីរាត្រីសមោសរជួបជុំម្ចាស់អាជីវកម្មកម្ពុជាCEO Award 2019 នៅសណ្ឋាគារសុខាភ្នំពេញកាលពីថ្ងៃ២៦ខែតុលានេះ។
ក្នុងរយៈពេល១០ឆ្នាំដែលលោក អោម សេងបូរ៉ាបានចូលរួមបណ្ដុះបណ្ដាលសហគ្រិនកម្ពុជាតាមរយ CEO Master Club បានចំនួនរាប់ម៉ឺននាក់ និងមានសមាជិកម្ចាស់អាជីវកម្មពេញមួយជីវិតចំនួនប្រមាណ១,១០០នាក់ដែលពួកគាត់កំពុងគ្រប់គ្រងអាជីវកម្មប្រមាណ២,០០០ក្រុមហ៊ុន។
លើសពីនេះបានបង្កើតប្រតិបត្តិការអាជីវកម្មជាទឹកប្រាក់ប្រមាណជាង ១,០០០ លានដុល្លារក្នុង១ឆ្នាំនិងបានជួយបង្កើតការងារជូនប្រជាពលរដ្ឋបានប្រមាណ១០ម៉ឺននាក់។
លោក អោម សេងបូរ៉ា បានដឹកនាំ CEO Master Clubឱ្យមានការទទួលស្គាល់និងឱ្យតម្លៃខ្ពស់ពីបណ្ដាសហគ្រិនថ្នាក់ជាតិនិងអន្តរជាតិនិងបានជម្រុញឱ្យមានCEO Master Clubនៅបណ្ដាប្រទេសផ្សេងៗទៀត។
ជាក់ស្ដែងCEO Master Clubបានបង្កើតការិយាល័យតំណាងរបស់ខ្លួននៅសហរដ្ឋអាមេរិកក្នុងរដ្ឋតិចសាស់ដើម្បីជួយជ្រោម ជ្រែងសមាជិកក្នុងការពង្រីកអាជីវកម្មក៏ដូចជាជម្រុញទំនាក់ទំនងពាណិជ្ជកម្មកម្ពុជាជាមួយពិភពលោកនិងលើកមុខមាត់ប្រទេសកម្ពុជានៅលើឆាកអន្តរជាតិ។
OutstandingFounderAwardគឺជាពានជ័យលាភីសម្រាប់ទទួលស្គាល់ស្នាដៃស្ថបនិកឆ្នើមដែលបានបង្កើតសហគ្រាសសង្គមក្នុងការជួយសហគ្រិនកម្ពុជាឱ្យមានការអភិវឌ្ឍការដឹកនាំគ្រប់គ្រងចាត់ចែងអាជីវកម្មរបស់ខ្លួនពីតូចទៅធំពីលក្ខណៈគ្រួសារទៅស្ដង់ដារ។
លើសពីនេះបានបង្កើនប្រាក់ចំណូលបង្កើតការងារធ្វើបណ្ដុះបណ្ដាលធនធានមនុស្សនិងបានចូលរួមចំណែកអភិវឌ្ឍវិស័យឯកជននិងសេដ្ឋកិច្ចក្នុងស្រុកឱ្យកាន់តែមានភាពរីកចម្រើនរឹងមាំបានឆាប់រហ័ស៕
