មន្ត្រីតំណាងប្រទេសចិន និងសហរដ្ឋអាមេរិក បានប្រកាសកាលពីថ្ងៃព្រហស្បតិ៍ ទី០៧ ខែវិច្ឆិកានេះថា ភាគីទាំងពីរបានព្រមព្រៀងរួចទៅហើយ ក្នុងការដកការដំឡើងពន្ធពាណិជ្ជកម្មពីគ្នាទៅវិញទៅមកនៅពេលខាងមុខ ។ នេះបើយោងតាមការចុះផ្សាយរបស់ Reuters ។
កិច្ចព្រមព្រៀងក្នុងការដកការដំឡើងពន្ធពាណិជ្ជកម្មរវាងចិន និងអាមេរិកនេះ ត្រូវបានធ្វើឡើងក្នុងកិច្ចព្រមព្រៀងពាណិជ្ជកម្មនៃប្រទេសទាំងពីរក្នុងដំណាក់កាលទីមួយ ។ ប្រសិនបើកិច្ចព្រមព្រៀងនេះត្រូវបានធ្វើសព្វគ្រប់ ហើយការដកការដំឡើងពន្ធនេះនឹងត្រូវអនុវត្តដោយភាគីទាំងពីរព្រមគ្នា ។
លោកស្រី Stephanie Grisham អ្នកនាំពាក្យសេតវិមានអាមេរិក បាននិយាយថា កិច្ចព្រមព្រៀងដំណាក់កាលទីមួយនេះ អាចនឹងឈានទៅបញ្ចប់សង្គ្រាមពាណិជ្ជកម្មរវាងចិន និងអាមេរិក ដែលបានអូសបន្លាយអស់រយៈពេលជាង១៦សខែកន្លងមកហើយ ៕
