ភ្នំពេញ៖ សម្តេចតេជោ ហ៊ុន សែន បានព្រមានដល់ពេទ្យឯកជន សុំកុំដណ្តើមអ្នកជំងឺគ្នាយកទៅព្យាបាល ដល់ពេទ្យព្យាបាលមិនជា ជិតស្លាប់ ទើបបញ្ជូនទៅមន្ទីរពេទ្យរដ្ឋ ជាពិសេសយកទៅមន្ទីរ ពេទ្យកាលម៉ែត្រ ដល់កាល់ម៉ែត្រ ស្លាប់តែម្តង រួចទម្លាក់កំហុសមកមន្ទីរពេទ្យ ទទួលចុងក្រោយ។
សម្តេចតេជោ ហ៊ុន សែន បានបញ្ជាក់បែបនេះ ក្នុងពិធីប្រគល់សញ្ញាបត្រដល់និស្សិត នៃសាកលវិទ្យាល័យ វិទ្យាសាស្រ្តសុខាភិបាល ចំនួន ២៥៨៨ នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ កាលពីព្រឹកថ្ងៃទី១៦ ខែធ្នូ ឆ្នាំ២០១៩ ។
សម្តេចតេជោ បានបញ្ជាក់ថា ប្រសិនបើមន្ទីរពេទ្យណា មិនអាចព្យាបាលបានទេ សុំមានភាពទទួលខុស ត្រូវ ហើយបញ្ជូនទៅពេទ្យណា ដែលគេមានសមត្ថភាពព្យាបាល៕
