ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជា នៅព្រឹកថ្ងៃសុក្រទី ២៤ ខែមករា ឆ្នាំ ២០២០ ដែលត្រូវនឹងថ្ងៃនៃពិធីសែនបុណ្យចូលឆ្នាំប្រពៃ ណី ចិននេះ បានអំពាវនាវឲ្យបងប្អូនប្រជាពលរដ្ឋកាត់សែ ស្រឡាយ ចិនទាំងអស់សូមប្រុងប្រយ័ត្នចំពោះគ្រោះអគ្គសភ័យ និងបើកបរដោយគោរពច្បាប់ចរាចរណ៍នៅពេលបើកបរទៅគ្រប់ទីកន្លែង។
សម្ដេចតេជោ ហ៊ុន សែន បានលើឡើងតាម Page Facebook បើមានខ្លឹមសារដើមទាំងស្រុងយ៉ាងដូច្នេះថា ៖
« ជូនពរចូលឆ្នាំចិន Gong Xi Fa Cai ២០២០ ខ្ញុំនិងភរិយាសូមចូលរួមអបអរសាទរក្នុងថ្ងៃសែនចូលឆ្នាំចិននៅថ្ងៃទី ២៤ មករា នេះ ។ ទន្ទឹមនឹងនេះដែរ សូមបងប្អូនមានការប្រុងប្រយ័ត្នខ្ពស់ចំពោះការចម្អិនម្ហូបអាហារ ដុតក្រដាស់សែន ធូប និង ទៀន… ដើម្បីចៀសវាងកុំឲ្យមានអគ្គីសភ័យកើតឡើងដែលធ្វើឲ្យរំខានក្នុងថ្ងៃចូលឆ្នាំ ព្រោះតែការធ្វេសប្រហែស។
ក្នុងថ្ងៃនេះ ក៏មានបងប្អូនមួយចំនួនធ្វើដំណើរទៅកាន់បណ្តាខេត្តផ្សេងៗ។ សូមបើកបរគោរពច្បាប់ចរាចរណ៍ កុំផឹកស្រវឹងក្នុងពេលបើកបរ ត្រូវមានការយោគយល់គ្នា និងប្រុងប្រយ័ត្នខ្ពស់ជានិច្ច ទោះបីបើកបរជិតឬឆ្ងាយ ដើម្បីសុវត្ថិភាពក្នុងថ្ងៃចូលឆ្នាំទាំងអស់គ្នា។
ខ្ញុំនិងភរិយា សូមជូនពរបងប្អូនជនរួមជាតិជួបតែសំណាល្អ ជោគជ័យ និងហេងហេងគ្រប់ៗគ្នាចាប់ពីឆ្នាំថ្មី ២០២០ នេះតទៅ! អរគុណសន្តិភាព»៕
