ភ្នំពេញ៖ អគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន បានប្រកាសថា នៅឆ្នាំ២០១៨ អង្គភាពសារព័ត៌មាន ដែលកំពុងដំណើរការអាជីវកម្ម នៅកម្ពុជា មានចំនួនសរុប ១៦៣៦ អង្គភាព ។
តាមរបាយការណ៍របស់អគ្គនាយកដ្ឋានព័ត៌មាន និងសោតទស្សន៍ បានបង្ហាញក្នុងសន្និបាតបូកសរុបការងារ ឆ្នាំ២០១៨ និងទិសដៅការងារ ឆ្នាំ២០១៩ របស់ក្រសួងព័ត៌មាន នៅព្រឹកថ្ងៃទី២២ ខែកុម្ភៈ ឆ្នាំ២០១៩ បានបញ្ជាក់ថា អង្គភាពសារព័ត៌មាន ដែលកំពុងដំណើរការអាជីវកម្ម នៅកម្ពុជា មានចំនួនសរុប ១៦៣៦ អង្គភាព រួមមាន៖
១.កាសែត ចំនួន ៤៣៩ អង្គភាព
២.ទស្សនាវដ្តី ចំនួន ១៩៤ អង្គភាព
៣.ព្រឹត្តិប័ត្រ ចំនួន ២០ អង្គភាព
៤.គេហទំព័រ និង TV Online ចំនួន ៣១៥ អង្គភាព
៥.រោងពុម្ព ចំនួន ១១៦ អង្គភាព
៦.សៀវភៅ ចំនួន ២២ អង្គភាពព
៧.សមាគមសារព័ត៌មាន ចំនួន ៤០ អង្គភាព
៨.ទីភ្នាក់ងារសារព័ត៌មានបរទេស ចំនួន ២១ អង្គភាពព
៩.ស្ថានីយវិទ្យុ FM ចំនួន ៨៣ ស្ថានីយ និងវិទ្យុ AM ចំនួន ០១ ស្ថានីយ នៅរាជធានីភ្នំពេញ និងតាមបណ្តាខេត្ត ចំនួន ១៣៧ ស្ថានីយ
១០.ទូរទស្សន៍អាណាឡូក ចំនួន ១៩ ស្ថានីយ
១១.ទូរទស្សន៍ Digital ចំនួន ០៨ ស្ថានីយ
១២.ទូរទស្សន៍ខ្សែកាបនៅរាជធានីភ្នំពេញ ចំនួន ០២ ស្ថានីយ និងនៅតាមខេត្ត ចំនួន ២១០ ស្ថានីយ
១៣.ប្រព័ន្ធ OTT ចំនួន ០៧ ក្រុមហ៊ុន
១៤.ទូរទស្សន៍ផ្កាយរណប Satellite ចំនួន ០២ ស្ថានីយ៕
