តាមប្រភពព័ត៌មាន Daily Mail បានឲ្យដឹងថា កីឡាករជើងខ្លាំង Cristiano Ronaldo បានបញ្ចេញឈ្មោះកីឡាករ៦រូបដែលនឹងមានអនាគតដូចលោកនៅពេលខាងមុខ ។
ក្រោយពី Ronaldo បានទទួលពានកីឡាករបុរសលេងល្អបំផុតនៅអឺរ៉ុប លោកត្រូវបានអ្នកកាសែតមួយរូបសួរឲ្យប្រាប់ឈ្មោះកីឡាករខ្លះដែលនឹងអាចដើរតាមគន្លងជោគជ័យរបស់លោក ។ លោកបានឆ្លើយតបនឹងសំនួរនេះថា «នេះគឺជាសំនួរល្អ ។ ខ្ញុំឃើញមានកីឡាករ Asensio, Mbappe, Neymar, Dembele, Hazard និង Rashford ដែលសុទ្ធតែជាកីឡាករមានសមត្ថភាពខ្ពស់ ។ នៅជំនាន់ក្រោយអាចនឹងមានកីឡាករខ្លាំងៗយ៉ាងហោចណាស់ក៏ដប់នាក់ដែរ» ។
គួរបញ្ជាក់ផងដែរថា កីឡាករឆ្នើមរបស់ក្លឹបអធិរាជស Real Madrid រូបនេះ បានទទួលពានធំៗជាច្រើនមកហើយដែលរួមមាន ពានកីឡាករបុរសលេងល្អបំផុតនៅអឺរ៉ុប (UEFA Men’s Player of the Year) ពាន Ballon d’Or និង ពាន FIFA ជាដើម ៕