លោក ដូណាល់ ត្រាំ បានចេញសេចក្តីប្រកាសមួយ កាលពីថ្ងៃពុធ ទី២០ ខែមីនា ឆ្នាំ២០១៩ ពាក់ព័ន្ធនឹងការដកកងកម្លាំងយោធាអាមេរិកចេញ ពីប្រទេសស៊ីរីនៅពេលខាងមុខនេះ ។
លោក ត្រាំ បានឲ្យដឹងថា លោកនឹងមិនដកកងទ័ពអាមេរិកទាំងអស់ចេញពីស៊ីរីទេ ដោយរក្សាវត្តមានកងទ័ពចំនួន៤០០នាក់នៅក្នុងប្រទេសនេះដដែល ក្នុងគោលដៅបង្ក្រាបលើ ចលនាភេរវកម្មរបស់ក្រុមរដ្ឋអ៊ីស្លាម ISIS នៅប្រទេសស៊ីរី ។
សូមបញ្ជាក់ថា តាមសេចក្តីប្រកាសចុងក្រោយរបស់លោក ត្រាំ គឺអាមេរិកនឹងដក កងទ័ពចាស់ទាំងអស់ចំនួន២០០០នាក់ចេញពីប្រទេសស៊ីរី ប៉ុន្តែត្រូវដាក់ជំនួសកងទ័ពថ្មីរបស់ អាមេរិកចំនួន៤០០នាក់នៅក្នុងប្រទេសនេះ ៕
