ភ្នំពេញ: លោក តាន់ ផាន់ណារ៉ា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយក នៃអគ្គនាយកដ្ឋានសុខភាពសត្វនិងផលិតកម្មសត្វនៅវេលម៉ោង០៨ និង១៥ នាទីព្រឹក នាថ្ងៃទី១០ ខែសីហា ឆ្នាំ២០២២។
ប្រតិបត្តិការនេះ ដោយមានការបញ្ជាដោយផ្ទាល់ពីបានឲ្យក្រុមការងារអន្តរាគមន៍បង្ក្រាបបទល្មើសចលនាសត្វនៃអគ្គនាយកដ្ឋានសុខភាពសត្វ និងផលិតកម្មសត្វ សហការជាមួយការិយា ល័យផលិតកម្ម និងបសុព្យាបា លនៃមន្ទីរកសិកម្មខេត្តបន្ទាយមានជ័យ ចុះស្ទាក់ចាប់រថយន្ត០១ គ្រឿង ម៉ាក HYUNDIA ពណ៌សលាយក្រហម ជាប្រភេទរថយន្ត ដឹកឣ្នកដំណើរ២៥កៅឣី ពាក់ស្លាកលេខ សៀ មរាប៣ A-៣០០០។
រថយន្តនេះ គឺ ដឹកផលិតផលមានដើមកំណើតពីសត្វ( ស៊ុតមាន់) ចំនួន២៧០ដុំស្មើនឹង៨១០០០គ្រាប់ ដោយនាំចូលពីប្រទេសថៃ មកកាន់ប្រទេសកម្ពុជា តាមច្រករបៀង ខេត្តបាត់ដំបង បម្រុងនឹងយកទៅចែកចាយនៅខេត្តសៀមរាប(តាមការឆ្លើយបញ្ជាក់ពីម្ចាស់) ដោយគ្មានលិខិតអនុញ្ញាតអ្វីទាំងអស់។
ក្រុមការងារបានឃាត់នៅភូមិស្រេះគោកស្រុក ឃុំព្រះ នេត្រព្រះ ស្រុកព្រះនេត្រព្រះ ខេត្តបន្ទាយមានជ័យ។
ក្រុមការងារបាននាំយកបទល្មើស និងវត្ថុតាងទាំងនោះទៅរក្សាទុកនៅមន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យដើម្បីចាត់ការទៅតាមនីតិវិធីច្បាប់ ។
