ខាន់ ជេមស៍ ប្រកាសឈប់ច្រៀងបទចម្លងពីគេទៀតហើយ
លោក ខាន់ ជេមស៍ តារាម្រៀងប្រចាំផលិតកម្មសាន់ដេ ដែលជាម្ចាស់សំនៀងសំលេងផ្អែមបំពេបងប្អូនប្រិយមិត្តឲ្យស្តាប់មិនណាយ ហើយបណ្តែតអារម្មណ៍កម្សាន្តទៅតាមបទ ចម្រៀង ហើយពេលនេះ លោកប្រកាសឈប់ច្រៀងបទចម្លងពីគេទៀតហើយ។
តារាចម្រៀងប្រុសមានសមត្ថ ភាពខ្ពស់ ដែលអាចច្រៀងបានទាំងសម័យ និងបុរាណរូបនេះ បានធ្វើឲ្យប្រិយមិត្តចាប់អារម្មណ៍ជាខ្លាំងក្រោយពីបានចាប់ដៃគូច្រៀងជាមួយតារាចម្រៀងស្រីដែលកំពុងមានឈ្មោះល្បី បាន មុន្នីល័ក្ខ។
មុននេះបន្តិចលោក ខាន់ ជេមស៍ បានធ្វើឲ្យប្រិយមិត្តភ្ញាក់ផ្អើលនឹងចាប់អារម្មណ៍សារជាថ្មីម្តងទៀត ក្រោយពីបានប្រកាសថា លោកនឹងឈប់ច្រៀងបទចម្លងពីបរទេសទៀតហើយ។ ដោបញ្ជាក់ថា«ចាប់ពីថ្ងៃនេះតទៅខ្ញុំបាទ ខាន់ ជេមស៍ ឈប់ច្រៀងបទចម្រៀងចម្លងពីគេទៀតហើយ»។
យ៉ាងណាមិញប្រិយមិត្តនិងអ្នកគាំទ្រច្រើននិងកំពុងរង់ចាំតាម ដានស្នាដៃចម្រៀងថ្មីៗរបស់រូបលោកផងដែរ៕