ភ្នំពេញ: បណ្ឌិត ហ៊ុន ម៉ាណែត បានអញ្ជើញនិងចំណា យពេលវេលាដ៏មានតម្លៃជួបសំណេះសំណាលជាមួយសមាជិក សមាជិកា ក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជានៅទ្វីបអាស៊ីខាងកើត និងអាគ្នេយ៍នៅថ្ងៃទី១០ ខែកញ្ញាឆ្នាំ២០២២។
លោក ហេង សួរ អនុប្រធានអង្គការចាត់តាំងយុវជនគណបក្សប្រជាជនកម្ពុជានៅទ្វីបអាស៊ីខាងកើត និងអាគ្នេយ៍បានថ្លែងថា យើងខ្ញុំសូមថ្លែងអំណរគុណជាអនេកចំពោះអនុសាសន៍ និងការចែករំលែកចំណេះដឹងដ៏មិនអាចកាត់ថ្លៃបានអំពីការដឹកនាំ និងគ្រប់គ្រងអង្គភាព ឬក្រុមការងារ ដល់យើងខ្ញុំ។
លោកបានយើលើកឡើងថា “យើងខ្ញុំសូមវាយតម្លៃខ្ពស់ចំពោះចក្ខុវិស័យដឹកនាំប្រកដោយយុទ្ធសាស្ត្រ ចិត្តសាស្ត្រ សិល្បៈ ការច្នៃប្រឌិត និងការប្រកាន់នូវគោល ការណ៍គន្លឺះពេលបំពេញការងារ (សច្ចះធម៌ យុត្តិធម៌ ធានាសង្គតភាព តម្លាភាព មានស្មារតីមនុស្សធម៌ មេត្តា ករុណា និងត្រូវធានាចិរភាព និងនិរន្តភាពនៃសកម្មភាព ឬដំណោះស្រាយ)”។
អនុសាសន៍ និងចំណេះដឹង ដែលបងប្រធានបានលើកឡើងគឺកើតចេញពីបទពិសោធន៍ការងារ និងជោគជ័យផ្ទាល់នៃការដឹកនាំ និងគ្រប់គ្រងអង្គភាព ឬគំរោង ឬសកម្មភាពសង្គមរបស់បងប្រធាន។
អនុសាសន៍ ដែលបងប្រធានបានចែករំលែកគឺជាទស្ស នវិទ្យា និងសិល្បៈថ្មីនៃការដឹកនាំ និងគ្រប់គ្រងអង្គភាព ដែលសំយោគចេញពីបទពិសោធការងារជាក់ស្តែងផង និងពីទ្រឹស្តី និងភាពជោគជ័យដែលបានកត់ត្រាទុកដោយប្រវិត្តិវិទូនៃលោកខាងលិចផង និងអាស៊ីផង។
លោក ហេង សួរ បន្ថែមថា” យើងខ្ញុំនឹងចងចាំជានិច្ចនូវអនុសាសន៍ណែនាំរបស់បងប្រធាន គឺទៅបម្រើ ទៅជួយ ទៅស្តាប់-ឆ្លើយតប ទៅស្តាប់-ផ្តល់ដំណោះស្រាយ និងទៅបង្រួបបង្រួមសហគមន៍ខ្មែរយើងឱ្យចេះស្រឡាញ់ខ្មែរ ស្រឡាញ់មាតុភូមិ វប្បធម៌ កិត្តិយស និងសេចក្តីថ្លៃថ្នូរបស់ខ្មែរ។ ខ្មែរគ្រប់រូបមានតម្លៃទាល់តែយើងចេះលើកតម្លៃខ្លួនឯង”។
ក្រុមការងារត្រូវចេះរក្សាសាមគ្គីភាពផ្ទៃក្នុង ចេះយោគយល់គ្នា និងចេះសហការគ្នាជាមួយគ្រប់តួអង្គពាក់ព័ន្ធទាំងអស់ ដើម្បីបម្រើ និងគាំពារប្រជាពលរដ្ឋ ពលករ កម្មសិក្សាការី និងសិក្ខាកាមខ្មែរយើង ឱ្យកាន់តែល្អប្រសើរ និងមានប្រសិទ្ធភាព។
អ្វីដែលល្អ និងមានការគាំទ្រពីសហគមន៍ហើយ សូមយើងបន្តធ្វើ!អ្វីដែលយើងនៅខ្វះខាត និងអ្វីដែលសហ គមន៍យើងបានលើកជាសំណូមពរ ឬបញ្ហា គឺត្រូវខិតខំស្តាប់ឱ្យបានច្បាស់ ស្វែងយល់ពីប្រភពផ្សេងៗនិងសិក្សាជាបន្ទាន់ ដើម្បីរកដោះស្រាយសមស្រប ឬត្រូវពន្យល់តបភ្លាមៗទៅម្ចាស់សំណូមពរ ឬអ្នកលើកបញ្ហា។
