តូក្យូ៖ប្រជាពលរដ្ឋខ្មែរនៅខេត្តGunma ប្រទេសជប៉ុនជិត១០០នាក់ កាលពីថ្ងៃទី១ ខែតុលា កន្លងទៅនេះ ស្ថិតនៅក្នុងស្រុកOizumi ខេត្តGunmaបានអញ្ជើញចូលរួមពិធីសំណេះសំណាលទទួលទានអាហារសាមគ្គីជាគ្រួសារខ្មែរនឹងពន្យល់ពីគោនយោបាយបក្ស ដើម្បីទាក់ទាញសមាជិកថ្មីៗ ជាកម្លាំងស្នូលបម្រើផលប្រយោជន៍នយោបាយគណបក្សប្រជាជនកម្ពុជានៅក្រៅប្រទេស។
កិច្ចប្រជុំនៅនេះធ្វើឡើងដោយមានការអញ្ជើញចូលរួមពីលោក ទុយ រី ប្រធាគណៈកម្មការបក្សប្រជាជនកម្ពុជាប្រចាំប្រទេសជប៉ុន លោក ឃុន សារឿន ប្រធានសាខាបក្សក្រុង អាហ្គាវ៉ា ខេត្តណាហ្គាវ៉ាក់ សហការជាមួយ និងសមាគមខ្មែររស់នៅប្រទេសជប៉ុនមានការទទួលទានអាហារសាមគ្គីជុំគ្នាជាលក្ខណៈគ្រួសាររបស់ក្រុមការងារបក្សប្រជាជនខេត្តGunmaផងដែរ។
លោក ហោ សុខឡី ជាជនបង្គោលគណបក្សប្រជាជនកម្ពុជា និងអនុប្រធានគណបក្សប្រជាជនប្រចាំនៅតំបន់Oizumi ស្រុកOraខេត្ដGunma និងលោក សួស សុវត្ថិ ជាប្រធានក្នុងនាមសមាជិកពង្រឹងដ៏សកម្មក្នុងខេត្ត Gunmaបានសម្តែងនូវក្តីសង្ឃឹមថា ជំនួបទទួលទានអាហារសាមគ្គីលើកនេះបានបង្ហាញពីក្តីសង្ឃឹមទៅថ្ងៃអនាគតសម្រាប់គណបក្សប្រជាជនប្រចាំប្រទេសជប៉ុនហើយលើកនេះយើងបានគៀងគរសមាជិកថ្មីៗបន្ថែមទៀតមកចូលរួមជាមួយគណបក្សប្រជាជនកម្ពុជា ដើម្បីបង្កើនការគាំទ្របន្ថែមទៀត។
បន្ថែមពីនេះ អ្នកចូលរួមនៅក្នុងពិធីខាងលើ និងប្រធានគណៈកម្មការបក្សប្រជាជនកម្ពុជាប្រចាំប្រទេសជប៉ុនបានផ្សព្វផ្សាយពីដំណើរការប្រជាធិបតេយ្យនៅកម្ពុជា ក្រោមការដឹកនាំរបស់សម្តេចតេជោ ហ៊ុន សែន ធ្វើឲ្យប្រទេសជាតិមានការរីកចម្រើន ក្នុងសុខសន្តិភាព នឹងការកសាងសន្តិភាពបានយូរអង្វែងរបស់ថ្នាក់ដឹកនាំជាតិជូនប្រជាជនកម្ពុជារហូតដល់សព្វថ្ងៃនេះ។
