ភ្នំពេញ៖បុរសត្រូវចោទម្នាក់កាលពីថ្ងៃទី១៨ខែ ធ្នូឆ្នាំ ២០២២ ត្រូវបានចៅក្រមស៊ើបសួរ នៃ តុលាការខេត្តបន្ទាយមានជ័យសម្រេចឃុំខ្លួននិងបានបញ្ជូនខ្លួនទៅឃុំខ្លួនបណ្ដោះអាសន្ន នៅពន្ធនាគារ ដើម្បីរង់ចាំ សវនាការ តាមផ្លូវច្បាប់ ជាប់ពាក់ព័ន្ធនឹងការចាក់សម្លាប់ ស្រី្តម្នាក់ ដែលត្រូវជាសង្សារ ដោយចោទប្រកាន់ជនរងគ្រោះថា មានទំនាក់ទំនងស្នេហា លួចលាក់ ជាមួយមនុស្សស្រីដូចគ្នា មានចិត្តផិតក្បត់ នឹងខ្លួន ដែលជា ដៃគូស្នេហា និង ជាមនុស្សពេញតួ ប្រព្រឹត្តកាលពីយប់ ថ្ងៃទី១៥ ខែ ធ្នូ ឆ្នាំ ២០២២ នៅចំណុចភូមិទំនប់ក៥ សង្កាត់-ក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចនគរបាលក្រុងប៉ោយប៉ែតបានឱ្យដឹងថាៈ ជនត្រូវចោទរូបនេះ មានឈ្មោះ ឈ្មោះ ហុង ហ៊ាន ភេទប្រុស អាយុ ៣៩ ឆ្នាំ មុខ កម្មករសំណង់ មានទីលំនៅ ភូមិទំនប់ក៥, សង្កាត់-ក្រុងប៉ោយប៉ែត ខេត្តបន្ទាយមានជ័យ។
ចំណែកជនរងគ្រោះដែលត្រូវជាសង្សារមាន ឈ្មោះ រី រឿង អាយុ ២៩ ឆ្នាំ មានទីលំនៅ នៅភូមិទួលព្រំ ឃុំកកោះ ស្រុកមោងឫស្សី ខេត្តបាត់ដំបង។
ជនត្រូវចោទ ត្រូវបានតំណាងអយ្យការចោទប្រកាន់ពីបទ: ឃាតកម្ម តាមបញ្ញត្តិមាត្រា ១៩៩ នៃ ក្រមព្រហ្មទណ្ឌ និង ប្រឈមនឹងការជាប់ពន្ធនាគារ ចន្លោះពី ១០ ទៅ ១៥ ឆ្នាំ ប្រសិនបើ តុលាការរកឃើញ ពិរុទ្ធភាព។
គាត់ត្រូវបាន ត្រូវបានសមត្ថកិច្ចនគរបាល ចាប់ខ្លួន កាលពីយប់ ថ្ងៃទី ១៥ ខែ ធ្នូ ឆ្នាំ ២០២២ នៅចំណុចភូមិទំនប់ក៥ សង្កាត់ ប៉ោយប៉ែត (ចំណុចកើតហេតុ) បន្ទាប់ពីគាត់ស្រវឹងស្រាជោគជាំ និង មានជម្លោះជាមួយជនរងគ្រោះ និង បាន ចាក់សម្លាប់ជនរងគ្រោះនឹងកាំបិត៕
ដោយ ទេព ច័ន្ទ