លិខិតមមិត្តអ្នកអាន! ប្រធានមន្ទីរធនធានទឹកខេត្តព្រះវិហារ ចាប កុយ ត្រូវមន្រ្តីរបស់ខ្លួនដាក់ការសង្ស័យថា ចំណេញធំពីការចំណាយលុយរដ្ឋរបស់ក្រសួងនិងមន្ទីរខ្លួន ខណៈមន្ត្រីខ្លះបានត្រឹមស្រក់ទឹកម៉ាត់ !
ព្រះវិហារ៖ លោក ចាប កុយ ប្រធានមន្ទីរធនធានទឹក និងឧត្តុនិយមខេត្តព្រះវិហារនៅក្នុងឆ្នាំ២០២២នេះត្រូវមន្ត្រីនៅក្នុងខេត្តខ្សឹបឲ្យដឹងថា លោកប្រធានមន្ទីររូបនេះទទួលបានប្រាក់ចំណេញពីការចំណាយលុយរដ្ឋពីចន្លោះពី៧០០ទៅដល់ជិត៨០០លានរៀល លើការចំណាយថវិកាសរុបខ្ទង១ពាន់លានរៀល ដែលជាគម្រោងថែទាំប្រព័ន្ធធារាសាស្រ្តរបស់ក្រសួងសាមុី និងគម្រោងរបស់មន្ទីរ រួមនិងការជុសជុលអគារ ចាក់សាប រៀបចំប្រព័ន្ធ លូបង្ហូទឹកនៅក្នុងមន្ទីរផងដែរ។
លើសពីនេះមន្រ្តីមួយចំនួន ដែលនិយាយសុំលក្ខណ្ឌមិនបញ្ចេញឈ្មោះបាននិយាយថា នៅឆ្នាំ២០២២ ក្រសួងធនធានទឹក និងឧត្តុនិយមបានប្រគល់កិច្ចសន្យាអោយមន្ទីរ ធនធានទឹក និងឧត្តុនិយម ខេត្តព្រះវិហារអនុវត្តន៏ការងារជុសជុលនូវប្រព័ន្ធធារាសាស្រ្តចំនួន៧កន្លែងក្នុងតមលៃជាង៦០០លានរៀល។
ក្រៅពីនោះមន្ទីរ ធនធានទឹកនិងឧត្តុនិយមខេត្តព្រះវិហារមានគម្រោងផ្ទាល់ខ្លួនក្នុងការថែទាំនិងជុសជុលប្រព័ន្ធធារាសាស្រ្តទំនប់នាគ ឃុំទឹកក្រហម ស្រុកជាំក្សាន្ត តម្លៃជាង២៣០លានរៀល ដោយដាក់ដេញថ្លៃ តែមិនប្រក្រតី។
ករណីនេះ រដ្ឋមន្ត្រីក្រសួងធនធានទឹក និងឧត្តុនិយម ស្នើឲ្យលោកទេសរដ្ឋមន្ត្រី ឳម យិនទៀង ប្រធានអង្គភាពប្រឆាំងអំពើពុករលួយ និងគ្រសួងពាក់ព័ន្ធមេត្តាពិនិត្យតាមដានផង។ តើលុយចំណាយមានរបាយការណ៏លំអិតដែរ ឬ ទេ ?។
ទាក់ទងព័ត៌មាននេះ សារព័ត៌មាន ដេលីខ្មែរ មិនអានអាចសុំការបំភ្លឺពី លោកចាប កុយ ប្រធានមន្ទីរ មន្ទីរធនធានទឹកខេត្តព្រះវិហារបានទេនៅថ្ងៃទី១៩ខែធ្នូនេះ។ ប៉ុន្តែកន្លងទៅលោកប្រធានមន្ទីរធ្លាប់បញ្ជាក់ថា ការងារទាំងនេះគឺ មានការត្រួតពិនិត្យត្រឹមត្រូវពីហិរញវត្ថុ និងអភិបាលខេត្ត។
