ភ្នំពេញ៖ របាយការណ៍របស់នាយកដ្ឋានចរាចរណ៍ផ្លូវគោក និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ បានឲ្យដឹងថា រយៈពេល៣០ថ្ងៃ ក្នុងខែមេសា ឆ្នាំ២០១៩ ដោយគិតចាប់ពីថ្ងៃទី០១-៣០ ខែមេសា ឆ្នាំ២០១៩ ប្រៀរបធៀបរយៈពេលដូចគ្នាខែមីនា ឆ្នាំ២០១៩ មានគ្រោះថ្នាក់ចរាចរណ៍កើតឡើងចំនួន៤០៥លើក/៣៧៤លើក កើន៣១លើក ស្មើ ៨% បណ្តាលឲ្យមានមនុស្សស្លាប់ ២០០នាក់/២០០នាក់ របួសសរុប ៦៣៦នាក់/៤៩៨នាក់ កើន១៣៨នាក់ ស្មើ ២៨% របួសធ្ងន់ ៤៣៦នាក់/៣០៤នាក់ កើន ១៣២នាក់ ស្មើ៤៣% និងរបួសស្រាល ២០០នាក់/១៩៤នាក់ កើន៦នាក់។
យោងតាមរបាយការណ៍ដដែលបន្តថាមូលហេតុដែលបណ្តាលឲ្យមានគ្រោះថ្នាក់រួមមាន៖ ល្មើសល្បឿន ១៥៨លើក, មិនគោរពសិទ្ធ ៨៦លើក, មិនប្រកាន់ស្តាំ ៥៥លើក, ប្រជែង ២៩លើក, បត់គ្រោះថ្នាក់ ៣៧លើក, ស្រវឹង១៨លើក, ងងុយដេក ៥លើក, កត្តាផ្លូវ ១លើក, កត្តាយាន ១៦លើក។
រាជធានី-ខេត្តដែលគ្រោះថ្នាក់ និងរងគ្រោះច្រើនរួមមាន៖ កំពង់ធំ ២១លើក ស្លាប់ ២៣នាក់ របួស២៥នាក់, រាជធានីភ្នំពេញ ៨៣លើក ស្លាប់ ២៣នាក់ របួស ៩៧នាក់, ស្វាយរៀង ២២លើក ស្លាប់ ១៣នាក់ របួស ១៩នាក់, កណ្តាល ១៧លើក ស្លាប់ ១៣នាក់ របួស៣១នាក់, បាត់ដំបង ៣៦លើក ស្លាប់ ១៣នាក់ របួស ៥៧នាក់, បន្ទាយមានជ័យ ២៤លើក ស្លាប់ ១១នាក់ របួស ៤៨នាក់, កំពង់ស្ពឺ ១១លើក ស្លាប់ ១១នាក់ របួស ៣៤នាក់, ក្រចេះ ១៣លើក ស្លាប់ ១០នាក់ របួស១៦នាក់ និងខេត្តកំពង់ឆ្នាំង ៩លើក ស្លាប់៨នាក់ របួស១០នាក់ ៕
