លោកហូ សិទ្ធី នាយកខុទ្ទកាល័យសម្តេចអគ្គមហាសេនាបតីតេជោ ហ៊ុន សែន បានផ្ញើលិខិតចំនួន២ច្បាប់ ទៅរដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់ និងរដ្ឋមន្ត្រីក្រសួងយុត្តិធម៌ ឲ្យពិនិត្យស្រាវជ្រាវ រឿងក្តីរបស់ឈ្មោះមាស សុផាត ជាមន្ត្រីយោធាពិការ នឹងឲ្យផ្អាកការអនុវត្តដោយបង្ខំរបស់អាជ្ញាសាលាដំបូងរាជធានីភ្នំពេញ ។
សូមបញ្ជាក់ថា នៅថ្ងៃទី១៦ ខែឧសភាឆ្នាំ២០១៩ គឺជាថ្ងៃដែលអាជ្ញាសាលាដំបូងរាជធានីភ្នំពេញ ចុះអនុវត្តសាលដីកា របស់តុលាការកំពូល យកដីពីឈ្មោះមាស សុផាត ទំហំ១៣ ៧២០ ម៉ែត្រក្រឡា ប្រគល់ឲ្យទៅឈ្មោះឈ្មោះកើត សារ៉េត និងប្រពន្ធឈ្មោះ ហ៊ឹម សុធន់អ៊ូ ដែលបាន ឃុបឃិតជាមួយអាជ្ញាធរលួចធ្វើប្លង់រំលោភយក ។
ដោយចាញ់ក្តីទាំងអយុត្តិធម៌លោកមាស សុផាត ជាមន្ត្រីយោធាពិការ កំពុងស្វែងរកយុត្តិធម៌ដោយសារដីគាត់មួយកន្លែងស្ថិនៅភូមិឌួង សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ត្រូវបានឈ្មោះកើត សារ៉េត និងប្រពន្ធឈ្មោះ ហ៊ឹម សុធន់អ៊ូ ឃុបឃិតជាមួយអាជ្ញាធរលួចធ្វើប្លង់រំលោភយកដីរបស់គាត់ទំហំ១៣ ៧២០ ម៉ែត្រក្រឡា មិនតែប៉ុណ្ណោះបានប្តឹងទៅស្ថាប័នតុលាការគ្រប់ជនថ្នាក់ហើយតុលាការក៏បានកាត់ក្តីឲ្យគាត់ចាញ់ទាំងយុតិ្តធម៌។
លោកស្រីហ៊ុន ស៊ីណាត ដែលជាប្អូនស្រីបង្កើតសម្តេចតេជាហ៊ុន សែន បានសរសេរក្នុងផេកហ៊្វេសបុករបស់លោកស្រីដោយបញ្ជាក់ថា« សូមបងប្រុសកំុអាលអស់សង្ឃឹមបើតាមខ្ញុំមើលក្នុងដីកាបញ្ជូនចេញពីឧទ្ទកាល័យរបស់សម្តេចតេជោរទៅក្រសួងយុតិ្តធម៌នេះ។ខ្ញុំមិនចង់និយាយទេរឿងដីធ្លីតែឃើញរឿងដីប្អូន មាស សុផាត ជាយោធិនពិការរស់នៅយូរហើយហេតុបានជាលោក កើត សារ៉េត គាត់ធ្វើប្លង់យក អញ្ចឹង? ឮថាគាត់ជាមន្ត្រីជនខ្ពស់នៅក្រសួងរៀបចំដែនដី នគរូបនីយកម្ម និងសំណង់»។
លោកស្រីហ៊ុន ស៊ីណាត ក៏បានស្នើរឲ្យលោកជា សុផារ៉ា មេត្តាជួយរកយុត្តិធម៌ឲ្យរាស្ត្រផង។ ក្នុងបច្ចុប្បន្ននេះ បើតាមខ្ញុំមើលឃើញរឿងដីធ្លីភាគច្រើនទឹកទន្លេ បំពានទឹកអណ្តូងច្រើនណាស់ វាតិចតូចណាស់ ដែលទឹកអណ្តូងបំពានទឹកទន្លេនោះ ។
យោងតាមលិខិតលេខ៦២៨ខន/០១៩ របស់លោកហូ សិទ្ធី នាយកខុទ្ទកាល័យសម្តេចអគ្គមហាសេនាបតីតេជោ ហ៊ុន សែន ចុះថ្ងៃទី ២៣ ខែ មេសា ឆ្នាំ២០១៩ ផ្ញើទៅរដ្ឋមន្រ្តីក្រសួងយុត្តិធម៌ មេត្តាពិនិត្យសំណើនេះតាមការគួរ។
លិខិតមួយទៀតចុះថ្ងៃទី២៦ ខែធ្នូ ឆ្នាំ២០១៨ ផ្ញើជូនឧបនាយករដ្ឋមន្ត្រីប្រធានអាជ្ញាធរ ដោះស្រាយទំនាស់ដីធ្លីឲ្យមេត្តាពិនិត្យសំណើនេះ ជាសម្ថកិច្ចតាមការគួរ។
ផ្អែកតាមលិខិតចុះថ្ងៃទី ១៩ ខែ មេសា ឆ្នាំ២០១៩ របស់ឈ្មោះ មាស សុផាត ជាយោធិនពិការ មានទីលំនៅបណ្តោយផ្លូវជាតិលេខ៥ ភូមិឌួង សង្កាត់ព្រែកព្នៅ រាជធានីភ្នំពេញ គោរពជូន សម្តេច តេជោនាយករដ្ឋមន្រ្តីសំណើសំរកយុតិ្តធម៌ដល់ រូបគាត់ពាក់ព័ន្ធនិងដីទំហំ១៣ ៧២០ ម៉ែត្រក្រឡា មានទីតាំងស្ថិតភូមិឌួង សង្កាត់ព្រែព្នៅ ខណ្ឌព្រែកព្នៅ រាជធានីភ្នំពេញ ជាមួយឈ្មោះកើត សារ៉េត និងប្រពន្ធឈ្មោះហ៊ឹម សុធន់អ៊ូ និងផ្អាកការអនុវត្តជាបណ្តោះអាសន្ននៅក្នុងសំណុំរឿងអនុវត្តដោយបង្ខំលេខ៥៦ ចុះថ្ងៃទី២២ ខែមិថុនា ឆ្នាំ២០១៨ របស់សាលាដំបូងរាជាធានីភ្នំពេញ ។
សូមបញ្ជាក់ថា កាលពីថ្ងៃទី៨ ខែ មេសា ឆ្នាំ២០១៩ សាលាដំបូងរាជធានីភ្នំពេញ បានចេញលិខិតជូនដំណឹងអំពីកាលបច្ឆេទនៃការអនុវត្តជូនឈ្មោះ មាស សុផាត ហៅ កុយ និងប្រពន្ធឈ្មោះ យ៉ាវ គឹមឆេង មានអស័យដ្ឋានស្ថិតនៅភូមិឌូង សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ត្រូវជាកូនបំណុលនៃកាអនុវត្ត នៅក្នុងសំណុំរឿងអនុវត្តលេខ៥៦ ចុះថ្ងៃទី២២ ខែមិថុនា ឆ្នាំ២០១៨ ។
លិខិតដដែលបានបញ្ជាក់ថា អាជ្ញាសាលាប្រចាំសាលាដំបូងរាជធាណីភ្នំពេញ នឹងដឹកនាំគណៈកម្មការចម្រុះចុះអនុវត្តប្រគល់អចលនព្រទ្យដោយបង្ខំដោយផ្អែកតាមលិខិតចម្លងយថាភូតនៃសាលដីកាលេខ៨៨ “ខ” ថ្ងៃព្រហស្បត្តិ៍ ១៣កើត ខែពិសា ឆ្នាំកុរ ឯកស័ក ព.ស ២៥៦៣ ត្រូវនិងថ្ងៃទី១៦ ខែឧសភា ឆ្នាំ២០១៩ វេលាម៉ោង ៨ និង ៣០ នាទីព្រឹក។
ដើម្បីជៀសវាងនូវការបាត់បង់ ឫ ខូចខាតនូវទ្រព្យសម្បត្តិ ជៀសវាងនូវការប៉ះទង្គិចដោយប្រកាណាមួយជាមួយនិងនគរបាលមានសមត្ថកិច្ចនាពេលអនុវត្តនោះ អាជ្ញាសាលាប្រចាំសាលាដំបូងរាជធានីភ្នំពេញ សូមធ្វើដាស់ឲ្យ កូនបំណុលនៃកាអនុវត្តឈ្មោះ មាស សុផាត និងឈ្មោះ យ៉ាវ គឹមឆេង ធ្វើការុះរើសសម្ភារៈទាំងឡាយដែលជាកម្មសិទិ្ធខ្លួន និងប្រគល់អចលនវត្ថុ ខាងលើនេះ ឲ្យទៅម្ចាសបំណុលនៃកាអនុវត្ត ឈ្មោះ ហ៊ឹម សុធន់ និង ឈ្មោះ កើត សារ៉េត ឲ្យស្របតាមខ្លឹមសារនៃសាលដីកាខាងលើ ឲ្យបានមុនកាលបរិច្ឆេទនៃការអនុវត្ត។
ចំណែក លោក មាស សុផាត បានលើកឡើងក្នុងសាររបស់ខ្លួនថា« ថ្ងៃទី ១៦ ឧសភា ២០១៩ ជាថ្ងៃតុលាការអនុវត្តសាលដីកា ជាថ្ងៃខ្ញ៉ំត្រូវបាត់បង់ជីវិត។ លាហើយ! បងប្អូនអ្នកស្រុកអ្នកភូមិព្រែកព្នៅ លាហើយ!អជ្ញាធរ ភូមិ សង្កាត់ ខណ្ឌព្រែកព្នៅដែលតែងតែជួយការពារ លាហើយ!បងប្អូន អ្នកកាសែតដែលបានអាណិត និងខំប្រឹងរកយុត្តិធម៌អោយលាហើយ!គណបក្សប្រជាជនដែលខ្ញុំបានបោះឆ្នោះគាំទ្រជាង៣០ឆ្នាំកន្លងមកនេះ!»។
លោកបានមានប្រសាសន៍ថា អាណត្តិក្រោយៗលែងបានបោះឆ្នោតជូនសម្តេចទៀតហើយ តែអត់តែខ្ញុំម្នាក់ទេ កូនៗនៅតែបោះជូនសម្តេចហ៊ុន សែន រហូតលុះក្ស័យ នេះជាបណ្តាំមុនស្លាប់របស់ខ្ញុំចំពោះកូន។
លើសពីនេះលោកអះអាងថា លិខិត ស.ជ.ណ របស់ខុទ្ទកាល័យសម្តេច ហ៊ុន សែន ចេញរហូតដល់ទៅ២ដងទៅហើយ ទី១អន្តរាគមន៍ទៅក្រសួងដែនដី និងទី២ អន្តរាគមន៍ទៅក្រសួងយុត្តិធម៌ បែរជាអត់មានន័យ គ្មានការដោះស្រាយជួយរកយុត្តិធម៌បន្តិចសោះ។ រឿងនេះបើសម្តេចទ្រង់ជ្រាបលោកប្រាកដជាជួយកូនចៅហើយ ទោះបី កើត សារ៉េត មានអំណាចធំប៉ុណ្ណាក៏ដោយ។
យោធិនពិកាខាងលើបានលើកឡើងទៀតថា កាលធ្វើសង្គ្រាមច្បាំងនៅភូមិភាគបូព៌ា រាប់រយដងមិនស្លាប់ បែរជាត្រូវស្លាប់ក្នុងការការពារដីខ្លួនឯង ស្លាប់ដោយសារ លោក កើត សារ៉េត ប្លន់យកដីរបស់ខ្ញុំ ខ្ញុំ ស្លាប់បិទភ្នែកមិនជិតទេ! បិទភ្នែកមិនជិតទេ! បិទភ្នែកមិនជិតទេ! ស្លាប់ទៅជាខ្មោចក៏មករក កើត សារ៉េត ទាមទាដីខ្ញុំដែរ។
លោកបានបន្ថែមថា«បើបងប្អូនអាណិតយោធិនពិកា សូមបងប្អូនជួយShare ឲ្យរឿងនេះបានជ្រាបដល់សម្តេចផង ព្រោះរឿងខ្ញុំ សម្តេចអត់បានដឹងទេ ទើបមន្ត្រីគ្រាប់ល្ពៅធ្វើបានតាមចិត្តបែបនេះ»។
ពាក់ព័ន្ធករណីចោទប្រកាន់ខាងលើនេះ នៅថ្ងៃទី៣ខែឧសភាឆ្នាំ២០១៩នេះសារព័ត៌មានដេលីខ្មែរមិនបានទាក់ទងសុំការពន្យល់ពី លោក កើត សារ៉េត បាននៅឡើយទេ ទាក់ទងនិងករណីដែលរងការចោទប្រកាន់ពីសាច់ញាត្តិរបស់ខ្លួននោះ៕
