មេបញ្ជាការកងនាវាចម្បាំងរបស់សហរដ្ឋអាមេរិកប្រចាំតំបន់ អាស៊ីប៉ាស៊ីហ្វិក លោក Phillip Sawyer បាននិយាយនៅថ្ងៃព្រហស្បតិ៍ ទី២៣ ខែឧសភានេះថា កងកម្លាំងយោធា និងនាវាចម្បាំងមកពី៤ប្រទេស គឺមានប្រទេសជប៉ុន អាមេរិក កូរ៉េខាងត្បូង និងប្រទេសអូស្ត្រាលី នឹងបើកធ្វើសមយុទ្ធយោធានៅភាគខាងលិចនៃមហាសាគរប៉ាស៊ីហ្វិកនៅពេលខាងមុខនេះ ។
លោក Phillip Sawyer បានបន្ថែមថា សមយុទ្ធយោធារួមគ្នានៃប្រទេសទាំង៤នេះ គឺជាសមយុទ្ធយោធាលើកដំបូង និងត្រូវបានធ្វើឡើងរយៈពេល៦ថ្ងៃ ដោយមានការចូលរួមពីកងកម្លាំងយោធាប្រមាណជាង៣០០០នាក់មកពីប្រទេសទាំង៤ ។
សមយុទ្ធយោធានេះមានការចូលរួមផងដែរ ពីនាវាពិឃាតចំនួន២គ្រឿងរបស់ជប៉ុន នាវាចម្បាំងបំពាក់ប្រព័ន្ធមីស៊ីល២គ្រឿងរបស់អូស្ត្រាលី នាវាពិឃាតមួយគ្រឿងរបស់កូរ៉េខាងត្បូង នាវាចម្បាំង៥គ្រឿង និងយន្តហោះល្បាតជាច្រើនគ្រឿងរបស់អាមេរិក ៕
