នៅក្នុងសិក្ខាសាលាស្ដីអំពី ” បរិយាកាសវិនិយោគនៅកម្ពុជា” ដែលបានធ្វើឡើងនៅក្នុងទីក្រុងតូក្យូប្រទេសជប៉ុន កាលពីថ្ងៃ ទី២៩ ឧសភា ២០១៩ សម្ដេចអគ្គមហាសេនាប តីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចដកចេញនូវ “ពន្ធកាត់ទុក” (១%) ដែលបានតម្រូវឲ្យពាណិជ្ជករបង់មុន ទោះបីចំណេញ ឬខាតក៏ដោយ។
“ពន្ឋកាត់ទុក” នេះនឹងត្រូវលុបចោល ព្រោះវាជាប្រភេទបំណុលដែលហាក់ដូចជារដ្ឋទៅខ្ចីពីក្រុមហ៊ុនឯកជនមកទុក។ ដូច្នេះការបញ្ចប់ពន្ធកាត់ទុកនេះ គឺវានឹងបញ្ចប់នូវបំណុលរដ្ឋជាមួយនឹងក្រុមហ៊ុនឯកជនចំនួន (១%) ដែលនឹងកាន់តែជួយជំរុញដល់ការប្រកួតប្រជែងក្នុងការឈានឡើងនៃសេដ្ឋកិច្ចរបស់កម្ពុជា ហើយក៏នឹងជួយដល់ផ្នែកឯកជនក្នុងការរក្សាបាននូវទុនបន្ថែម ដើម្បីពង្រីកនូវអាជីវកម្មរបស់ខ្លួនផងដែរ ។
ចំពោះពេលវេលានៃការអនុវត្ត សម្ដេចតេជោនាយករដ្ឋមន្រ្តី បានស្នើឲ្យរដ្ឋមន្ត្រីក្រសួងសេដ្ឋកិច្ចហិរញ្ញវត្ថុ សិក្សាផ្ដល់យោបល់។ ប៉ុន្តែ សម្ដេចតេជោ ហ៊ុន សែន បានមានប្រសាសន៍ថា ការអនុវត្តគួរចាប់ផ្តើមនៅចុងឆ្នាំ ២០១៩ ឬក៏ឲ្យបានលឿនជាងនេះ តាមដែលអាចធ្វើទៅបាន។
ទន្ទឹមនឹងការដកចេញនូវ “ពន្ឋកាត់ទុក” យើងសង្ឃឹមថាក្រុមហ៊ុនឯកជននានានឹងរកស៊ីបង់ពន្ឋឲ្យបានត្រឹមត្រូវជូនរដ្ឋាភិបាល ដើម្បីយើងរីកចម្រើនទាំងអស់គ្នា៕
