ព័ត៌មានទាន់ហេតុការណ៍

ភ្នំពេញ:ថ្ងៃទី១០ ខែធ្នូ ឆ្នាំ២០២៥ — ក្រុមហ៊ុន សុីធី រ៉ាយស៍​ អុីមផត​ អិចផត​ ខូ​ អិលធីឌី City Rice Import Export Co., Ltd (រោងម៉ាស៊ីនកិនស្រូវ ឡាយសែ) បានធ្វើការបរិច្ចាគអង្ករ​ចំនួន ៥ តោន ដល់ #ក្រុមស្ត្រីមនុស្សធម៌ស្ម័គ្រចិត្ត ក្នុងគោលបំណងជួយសង្គ្រោះជនភៀសសឹក និងគ្រួសារដែលកំពុងប្រឈមភាពលំបាក។ ការបរិច្ចាគនេះ បានដឹកនាំដោយ លោកស្រី ឡាយ ឈុនឡាំង និង​ លោកជំទាវ ហុក ឈីវយី ដែរជា​នាយកក្រុមហ៊ុន។ អង្ករត្រូវបានទទួលដោយ លោក ដួង សុីណែត ស្នងការរងនគរបាលខេត្ត​បាត់ដំបង​ ដែលជាតំណាងក្រុមស្ត្រីមនុស្សធម៌ស្ម័គ្រចិត្ត។ លោកស្រីឡាយ ឈុនឡាំង បានបញ្ជាក់ថា ក្រុមហ៊ុនមានបំណងចូលរួមផ្នែកមនុស្សធម៌ជាបន្តបន្ទាប់ ជាពិសេសក្នុងការគាំទ្រលើកទឹកចិត្តដល់អ្នករងគ្រោះដែលត្រូវការជំនួយបន្ទាន់។ “ការចែករំលែកជាមួយ​ក្រុម​ស្ត្រី​មនុស្ស​ធម៌​ស្ម័គ្រចិត្ត​ គឺជាការងារសង្គមដែលយើងតែងតែចូលរួម,” លោកស្រីបាន​អគុណ​ខ្លាំណាស់​ដែល​បាន​ផ្តល់​ឱកាស​ក្នុង​ការ​ចូលរួ...

ក្រុមហ៊ុនវិរៈ ប៊ុនថាំ អេចប្រេសរបស់អ្នកឧកញ៉ា សួរ វីរៈ នៅល្ងាចថ្ងៃទី០៩ ខែធ្នូ ឆ្នាំ២០២៥នេះ បានប្រកាសដឹកជញ្ជូនបញ្ញើជាអំណោយដោយឥតគិតថ្លៃ គ្រប់សាខាទូទាំងប្រទេស សម្រាប់ជូនដល់កងទ័ពជួរមុខ និងប្រជាជននៅតាមព្រំដែន។ តាមសេចក្តីជូនដំណឹង ក្រុមហ៊ុនវិរៈ ប៊ុនថាំ ចាប់បើកទទួលការដឹកជញ្ជូនបញ្ញើជាអំណោយដោយឥតគិតថ្លៃ គ្រប់សាខាទូទាំងប្រទេស សម្រាប់ជូនដល់កងទ័ពជួរមុខ និងប្រជាជននៅតាមព្រំដែន។ រាល់ការបញ្ញើមានជាអំណោយទាំងឡាយណាដូចជាស្បៀងអាហារ ថ្នាំសង្កូវ និងគ្រឿងបរិក្ខាប្រើប្រាស់ផ្សេងៗ។ ការចូលរួមចំណែករបស់លោកអ្នក ជាការលើកទឹកចិត្តដ៏ធំធេង ផ្ដល់កម្លាំងចិត្តទៅដល់កងទ័ពកម្ពុជា និងប្រជាជននៅតាមព្រំដែន!លោកអ្នកអាចទំនាក់ទំនងទៅកាន់សាខាណាមួយដែលនៅជិតលោកអ្នកបំផុត ឬតាមរយៈលេខទូរសព្ទ៖ 010 522 522។...

ភ្នំពេញ៖ ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) នាព្រឹកថ្ងៃទី១១ ខែធ្នូ ឆ្នាំ២០២៥ បានអញ្ជើញដឹកនាំកិច្ចប្រជុំប្រចាំឆ្នាំ ដោយមានការធ្វើបទបង្ហាញពីនាយកដ្ឋាននីមួយៗនៃធនាគារARDBអំពីលទ្ធផលការងារសម្រេចបាន និងការប្រឈម ក្នុងឆ្នាំ២០២៥ ព្រមទាំងលើកទិសដៅការងារសម្រាប់ឆ្នាំ២០២៦។ កិច្ចប្រជុំនេះបានប្រារព្វឡើងនៅការិយាល័យកណ្តាលនៃធនាគារ ARDB ដែលមានរយៈពេលពីរថ្ងៃ គឺថ្ងៃទី១១ និងទី១២ ខែធ្នូ ឆ្នាំ២០២៥។ ដោយមានការអញ្ជើញចូលរួមពីឯកឧត្តមអគ្គនាយករង និងលោក លោកស្រីជាប្រធាននាយកដ្ឋាន/អង្គភាព សាខា ទាំងអស់ នៃធនាគារ ARDB ផងដែរ។...

ភ្នំពេញ៖ និយ័តករធានារ៉ាប់រងកម្ពុជា នៅព្រឹកថ្ងៃទី១១ ខែធ្នូនេះ បានប្រកាសដាក់ឱ្យដំណើរការជាផ្លូវការនូវប្រព័ន្ធទទួលបណ្ដឹងធានារ៉ាប់រងតាមកម្មវិធីទូរសព្ទដៃ ឈ្មោះ “បណ្ដឹងធានារ៉ាប់រង” ដើម្បីបង្កើនទំនុកចិត្តដល់សាធារណជន និងពង្រឹងគុណភាពសេវាធានារ៉ាប់រង។ ថ្លែងក្នុងឱកាសប្រកាសដាក់ឱ្យដំណើរការនេះ ឯកឧត្តម ប៊ូ ច័ន្ទភីរូ អគ្គនាយកនៃនិយ័តករធានារ៉ាប់រងកម្ពុជា បានគូសបញ្ជាក់ថា ប្រព័ន្ធទទួលបណ្ដឹងធានារ៉ាប់រងតាមកម្មវិធីទូរស័ព្ទ ដៃ (Apps) មានឈ្មោះថា “បណ្ដឹងធានារ៉ាប់រង” អាចឱ្យប្រជាពលរដ្ឋដាក់បណ្ដឹងចំពោះ ក្រុមហ៊ុនធានារ៉ាប់រងណាដែលមិនបានបំពេញតួនាទីតាមលក្ខខណ្ឌនៃកិច្ចសន្យាធានារ៉ាប់រង ។ ការរៀបចំ និងដាក់ឱ្យប្រើប្រាស់ប្រព័ន្ធនេះ មានគោលបំណងផ្តល់យន្តការងាយស្រួលដល់អតិថិជនធានារ៉ាប់រងក្នុងការធ្វើបណ្ដឹងធានារ៉ាប់រង និងដើម្បីលើកកម្ពស់ការប្រើប្រាស់បច្ចេកវិទ្យា ធានារ៉ាប់រង (InsurTech) ស្របតាមយុទ្ធសាស្ត្របញ្ចកោណ ដំណាក់កាលទី១។ ឯកឧត្តម...

(ស្វាយរៀង)៖ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជាអធិបតីក្នុងពិធីបិទយុទ្ធនាការ ១៦ថ្ងៃ ប្រឆាំងអំពើហិង្សាផ្អែកលើយេនឌ័រ ក្រោមប្រធានបទ «រួមគ្នាលើកកម្ពស់សុវត្ថិភាព និងការគោរពសិទ្ធិគ្នានៅកន្លែងការងារ» និងអបអរសាទរ ខួបអនុស្សាវរីយ៍លើកទី៧៧ នៃទិវាអន្តរជាតិសិទ្ធិមនុស្ស ដែលត្រូវបានរៀបចំឡើងនារសៀលថ្ងៃទី១០ ខែធ្នូ ឆ្នាំ២០២៥ នៅតំបន់សេដ្ឋកិច្ចពិសេសស្វាយរៀង ហ្គីហ្គា រីសស៍ ខេត្តស្វាយរៀង។ ថ្នាក់ដឹកនាំក្រសួង និងក្រសួងស្ថាប័នពាក់ព័ន្ធ រដ្ឋបាលខេត្តស្វាយរៀង រួមជាមួយអង្គការជាតិ អន្តរជាតិជាដៃគូពាក់ព័ន្ធ សរុបប្រមាណ ១៤០០នាក់ បានចូលរួមក្នុងពិធីនេះ។ ថ្លែងក្នុងពិធីនេះ ឯកឧត្ដមរដ្ឋមន្ត្រី ហេង សួរ បានលើកឡើងពីសារសំខាន់នៃការយល់ដឹងអំពីសុវត្ថិភាព និងការគោរពសិទ្ធិគ្នានៅកន្លែងការងារ ដែលជាផ្នែកមួយនៃលក្ខខណ្ឌការងារ ដើម្បីឱ្យនិយោជក កម្មករនិយោជិត និងភាគីពាក់ព័ន្ធបន្តចូលរួមជំរុញការលើកកម្ពស់សិ...

(ខេត្តព្រៃវែង)៖ នាព្រឹកថ្ងៃចន្ទ ទី៩ ខែធ្នូ ឆ្នាំ២០២៥ អគ្គនាយកដ្ឋានកិច្ចការពារអ្នកប្រើប្រាស់ និងការប្រកួតប្រជែង នៃក្រសួងពាណិជ្ជកម្ម ក្រោមគម្រោង EU-German GATE បានរៀបចំសិក្ខាសាលាស្ដីពី «បញ្ជ្រាបចំណេះដឹងអំពីសិទ្ធិ និងអត្ថប្រយោជន៍របស់អ្នកប្រើប្រាស់ជូនដល់និស្សិតសាកលវិទ្យាល័យ (CAMPUS)» ជូនដល់និស្សិតសាកលវិទ្យាល័យជាតិជាស៊ីមកំចាយមារ ក្រោមអធិបតីភាព លោក ង៉ែត ចេក អគ្គនាយករង តំណាង ឯកឧត្តម គឹម មាសសុខសីហា អគ្គនាយកនៃអគ្គនាយកដ្ឋានកិច្ចការពារអ្នកប្រើប្រាស់ និងការប្រកួតប្រជែង និង លោកសាស្ត្រាចារ្យ មាស ធឿន សាកលវិទ្យាធិការរង នៃសាកលវិទ្យាល័យជាតិជាស៊ីមកំចាយមារ។ សិក្ខាសាលានេះត្រូវបានរៀបចំឡើងដោយមានការចូលរួមពីតំណាងគម្រោង EU-German GATE សាស្រ្តចារ្យ និស្សិតនៃសាកលវិទ្យាល័យជាតិជាស៊ីមកំចាយមារ សរុបប្រមាណ ៣៥៦នាក់។ គោលបំណងនៃការរៀបចំសិក្ខាសាលានេះឡើង គឺដើម្បីលើកកម្ពស់ការយល់ដឹងរបស់និស្សិតដែលជាទំពាំងស្នងឬស្សី ឱ្យបានយល់ដឹងអំ...

(ភ្នំពេញ)៖ ក្រុមហ៊ុន អេមរុរ៉ាយស៍ កម្ពុជា Amru Rice Cambodia Co., Ltd បានប្រកាសចូលរួមឧបត្ថម្ភថវិកា ចំនួន៥,០០០ដុល្លារ ជួយដល់កងទ័ពជួរមុខកម្ពុជា ដែលឈរជើងនៅបណ្តោយព្រំដែនកម្ពុជា-ថៃ និងជនភៀសសឹក តាមរយៈសម្តេចតេជោ ហ៊ុន សែន។ ការចូលរួមឧបត្ថម្ភថវិការបស់ ក្រុមហ៊ុន អេមរុរ៉ាយស៍ កម្ពុជា Amru Rice Cambodia Co., Ltd គឺជាការចូលរួមចំណែកលើកទឹកចិត្ត ដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំ ដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។ សម្តេចតេជោ ហ៊ុន សែន ថ្លែងអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នា ជាធ្លង់មួយនៃខឿនការពារជាតិរបស់កម្ពុជា។ ឆ្លៀតឱកាសនេះ យើងខ្ញុំសូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែ...

ភ្នំពេញ: ញត្តិថ្កោលទោសសង្គ្រាមឈ្លានពានរបស់ប្រទេសថៃមកលើអធិបតេយ្យនៃព្រះរាជាណាចក្រកម្ពុជាយើងខ្ញុំទាំងអស់គ្នាជាថ្នាក់ដឹកនាំ និងមន្ត្រីនៃអគ្គលេខាធិការដ្ឋាននៃគណៈកម្មការគ្រប់គ្រងល្បែង ពាណិជ្ជកម្មកម្ពុជា (គ.ល.ក.) សូមប្រកាសថ្កោលទោសយ៉ាងដាច់អហង្ការចំពោះ សង្គ្រាមឈ្លានពានវាយប្រហារ របស់ថៃមកលើអធិបតេយ្យនៃព្រះរាជាណាចក្រកម្ពុជា ដោយយន្តហោះ F-16 អាវុធធុនធ្ងន់ និងផ្សែងពុល កាលពីថ្ងៃទី៧ និងទី៨ ខែធ្នូ ឆ្នាំ២០២៥ នៅក្នុងតំបន់ភូមិសាស្ត្រខេត្តព្រះវិហារ ខេត្តបន្ទាយមានជ័យ និង ខេត្តឧត្តរមានជ័យ ដែលបណ្តាលឱ្យប្រជាជនស៊ីវិលស្លាប់ និងរងរបួសមួយចំនួន ព្រមទាំងខូចខាតទ្រព្យ សម្បត្តិរដ្ឋ និងឯកជនរបស់ប្រទេសកម្ពុជាយ៉ាងច្រើនសន្ធឹកសន្ធាប់។...