សង្គម និងកម្សាន្ត

ថ្ងៃទី​ ២១​ ខែ​ ធ្នូ​ ឆ្នាំ​ ២០២០​ លោក ឧកញ៉ា វណ្ណ សុខហេង ប្រធានសភាពាណិជ្ជកម្ម​ ខេត្ត​ព្រះសីហនុ​ និងសហការី បានយក​ថវិកា​ ចំនួន​ ៤០៦០​ ដុល្លារ​អាមេរិក​ ដែល​ថវិកាទាំងនេះ​ បានពីការ​បរិច្ចាគ​របស់​សមាជិក​ សមាជិកា​ សភាពាណិជ្ជកម្ម​ខេត្ត​ព្រះសីហនុ​ ដេីម្បី​ចូលរួម​ជាមួយ​រាជរដ្ឋាភិបាល ដើម្បីទិញវ៉ាក់សាំង​ប្រឆាំង​ជំងឺ​ កូវីដ​ ១៩​ តាម​រយៈ​ លោក​ គួច​ ចំរេីន​ អភិបាល​នៃ​គណៈអភិបាល​ខេត្ត​ព្រះសីហនុ​ ។ លោក គួច ចំរើន អភិបាល នៃគណៈអភិបាលខេត្តព្រះសីហនុ បាន​ថ្លែង​អំណរគុណ​យ៉ាងជ្រាលជ្រៅ​ជូនចំពោះ​ សភាពាណិជ្ជកម្មខេត្តព្រះសីហនុ ដែលបានចូលរួមឧបត្ថម្ភនូវថវិកា តាមរយៈរដ្ឋបាលខេត្តព្រះសីហនុ ជូនដល់រាជរដ្ឋាភិបាលដើម្បីទិញវ៉ាក់សាំងការពារជម្ងឺ COVID-19 សម្រាប់ចាក់ជូនប្រជាពលរដ្ឋកម្ពុជា ៕ ​...

ប៉ៃលិន៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានណែនាំដល់អាជ្ញាធរពាក់ព័ន្ធទូទាំងប្រទេស ត្រូវទទួលយកព័ត៍មានតិទៀន និងព័ត៍មានសរសើរ ដើម្បីជាមូលដ្ឋានគ្រឹះក្នុងការដោះស្រាយជូនប្រជាពលរដ្ឋឱ្យមានប្រសិទ្ធភាព និងតម្លាភាព ជាពិសេស អាជ្ញាធរគ្រប់ជាន់ថ្នាក់ ត្រូវបកស្រាយបំភ្លឺជូនប្រជាពលរដ្ឋឱ្យបានទាន់ពេលវេលាចំពោះការផ្សព្វផ្សាយព័ត៌មានមិនពិត។  សម្ដេចក្រឡាហោម ស ខេង មានប្រសាសន៍បែបនេះក្នុងពិធីប្រកាសចូលកាន់មុខតំណែង អភិបាល នៃគណៈអភិបាលខេត្តប៉ៃលិន នាព្រឹកថ្ងៃទី២១ ខែធ្នូ ឆ្នាំ២០២០ នៅសាលាខេត្តប៉ៃលិន ។ សម្ដេចក្រឡាហោម ស ខេង បានបញ្ជាក់ថា អាជ្ញាធរគ្រប់ជាន់ថ្នាក់ ត្រូវយកចិត្តទុកដាក់អប់រំ និងបកស្រាយបំភ្លឺជូនប្រជាពលរដ្ឋឱ្យបានទាន់ពេលវេលាចំពោះការបំផុសបំផុល ផ្សព្វផ្សាយព័ត៌មានមិនពិត និងសកម្មភាពផ្សេងៗ ដែលមានចរិតអុជអាល បង្កឲ្យមានហិង្សាក្នុងសង្គម។ សម្ដេចក្រឡាហោម បានបន្ថែមថា ត្រូវខិតខំបំផុសកា...

(ខេត្តព្រះវិហារ)៖ មន្ត្រីសាខា ក.ប.ប. ខេត្តព្រះវិហារ ដោយមានកិច្ចសហការចូលរួមជាមួយពីមន្ត្រីមន្ទីរពាណិជ្ជកម្មខេត្ត និងអាជ្ញាធរដែនដី នៅថ្ងៃសៅរ៍ ទី១៩ ខែធ្នូ ឆ្នាំ២០២០ នេះ បានបន្តចុះត្រួតពិនិត្យ និងផ្សព្វផ្សាយអំពីគុណភាព សុវត្ថិភាពម្ហូបអាហារ ម្ហូបអាហារវេចខ្ចប់ស្រាប់ នៅតាមផ្ទះលក់ទំនិញនានា ក្នុងឃុំពោធិ ស្រុកត្បែងមានជ័យ ខេត្តព្រះវិហារ។ ជាលទ្ធផល មន្ត្រីជំនាញបានរកឃើញ អំបិល មានសារៈធាតុអ៊ីយ៉ូតតាមស្ដង់ដាដែលបានកំណត់។ តែបានរកឃើញការដាក់តាំងលក់ទំនិញ ខូចគុណភាព និងហួសកាលបរិច្ឆទប្រើមួយចំនួន រួមមាន៖ មីខគោ ៤៤កញ្ចប់ ស្មើនឹង ២.៨គីឡូក្រា ភេសជ្ជៈប៉ូវកម្លាំង ៦កំប៉ុង ស្មើនឹង ១.៥ លីត្រ ទឹកស៊ីរ៉ូ ៦ដប ស្មើនឹង ៤.៥០លីត្រ ទឹកដោះគោ កញ្ចប់ ៣០កញ្ចប់ ស្មើនឹង ៣.៧៥លីត្រ មីកំប៉ុង ៦៥កំប៉ុង ស្មើនឹង ៣.៩០គីឡូក្រាម សរុបទំនិញដកហូតបានចំនួន ៦.៧គីឡូក្រាម និង ៩.៧៥លីត្រ។ បន្ទាប់មកមន្ត្រីជំនាញ បានធ្វើកំណត់ហេតុដកហូតទំនិញទាំងនោះយកមកកម្ទេចច...

(កំពង់ស្ពឺ)៖ ជនជាប់ចោទឈ្មោះ ហ៊ុយ សេង ជាមន្ត្រីឃុំព្រះស្រែ ដែលសម្បូររឿងអាស្រូវ និងជាមន្ត្រីចូលចិត្តអួតក្អេងក្អាង ត្រូវបានតុលាការខេត្តកំពង់ស្ពឺ ផ្តន្ទាទោសដាក់គុក ៦ខែ និងបង្គាប់ឲ្យសងជំងឺចិត្តពលរដ្ឋចំនួន ៦លានរៀល។ ការសម្រេចរបស់តុលាការខេត្តកំពង់ស្ពឺ នេះ បានធ្វើឡើងកាលពីរសៀលថ្ងៃ១៨ ខែធ្នូ ឆ្នាំ២០២០ កន្លងទៅ។ សូមរម្លឹកថា តុលាការខេត្តកំពង់ស្ពឺ បានបើកសវនាការកាត់ទោស ជនជាប់ចោទឈ្មោះ ហ៊ុយ សេង ជាមន្ត្រីស្មៀនឃុំព្រះស្រែ ស្រុកឧដុង្គ ខេត្តកំពង់ស្ពឺ កាលពីរសៀលថ្ងៃទី០៧ ខែធ្នូ ឆ្នាំ២០២០ ប៉ុន្តែជនជាប់ចោទឈ្មោះ ហ៊ុយ សេង ពុំហ៊ានចូលខ្លួនតតាំងជាមួយពលរដ្ឋដើមបណ្ដឹង នៅចំពោះមុខតុលាការឡើយ។ គួរជម្រាបជូនថា ជនជាប់ចោទ ហ៊ុយ សេង ជាមន្ត្រីស្មៀនឃុំព្រះស្រែ នៃស្រុកឧដុង្គ ខេត្តកំពង់ស្ពឺ ត្រូវបានតុលាការចោទប្រកាន់ពីបទ បរិហារបង្កាច់កេរ្ដិ៍ យោងតាមមាត្រា ៣១១ និងមាត្រា ៣១២ នៃក្រមព្រហ្មទណ្ឌ។ កាលពីពេលកន្លងទៅ តុលាការខេត្តកំពង់ស្ពឺ ...

ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រព្រះរាជាណាចក្រនៃកម្ពុជា បានចេញព្រះរាជក្រឹត្យ២ ដាច់ដោយឡែកពីគ្នា ដោយតែងតាំង លោកស្រី​​ បាន ស្រីមុំ អតីតតំណាងរាស្រ្តមណ្ឌលប៉ៃលិន ជាអភិបាលខេត្តប៉ៃលិន ជំនួស លោក​​ ផាន់ ចាន់ធុល ដែលត្រូវបានដំឡើងជា អនុរដ្ឋលេខាធិការ នៃក្រសួងមហាផ្ទៃ។  ...

(រាជធានីភ្នំពេញ)៖ ក្រុមការងារចំពោះកិច្ច ក.ប.ប. ថ្ងៃទី១៧ ខែធ្នូ ឆ្នាំ២០២០ នេះ​​​ ដោយមានការសហការពីមន្ត្រីមន្ទីរពាណិជ្ជកម្មរាជធានី និងអាជ្ញាធរដែនដី បានបន្តចុះផ្សព្វផ្សាយអំពីសុវត្ថិភាពម្ហូបអាហារ និងត្រួតពិនិត្យគុណភាព នៅផ្សារសាមគ្គី ស្ថិតក្នុងសង្កាត់ផ្សារដេប៉ូ ៣ ខណ្ឌទួលគោក និងផ្សារអូរឬស្សី ក្នុងសង្កាត់អូរឬស្សី ២ ខណ្ឌ៧មករា រាជធានីភ្នំពេញ។ ក្នុងសកម្មភាពនេះ មន្ត្រីជំនាញបានធ្វើវិភាគបឋមទៅលើគំរូម្ហូបអាហារមួយចំនួន រួមមាន មី គុយទាវ លត បាញ់កាញ់ គ្រឿងសមុទ្រ និងពពុះសណ្តែក ដើម្បីស្វែងរកសារធាតុគីមីហាមឃាត់ ដែលអាចធ្វើឱ្យប៉ះពាល់ដល់សុខភាពប្រជាពលរដ្ឋ។ ជាមួយគ្នានោះ មន្ត្រីជំនាញក៏បានធ្វើការត្រួតពិនិត្យរកភាពមិនអនុលោមរបស់ទំនិញនៅលើសម្បកវេចខ្ចប់ផងដែរ។ ជាលទ្ធផលមន្ត្រីជំនាញបានរកឃើញផលិតផល ពពុះសណ្តែក មានផ្ទុកសារធាតុគីមីហាមឃាត់ បូរ៉ាក់ សរុបចំនួន ២២.៥ គីឡូក្រាម ពីផ្សារសាមគ្គី និងផ្សារអូរឬស្សី។ បន្ទាប់មកមន្ត្រីជំនាញ...

ឧកញ៉ា កែវ មុំ ប្រធានក្រុមប្រឹក្សាភិបាលក្រុមហ៊ុន លីលីហ្វូត ត្រូវបានគណៈសង្ឃនាយក គណៈមហានិកាយនៃព្រះរាជាណាចក្រកម្ពុជានិងផ្តល់គោរម្យងារជា" មហាឧបាសិកាពុទ្ធសាសនូបត្ថមក៍"។ ឧកញ៉ា កែវ មុំ មានប្រសាសន៍ថា"ទូលបង្គំជាខ្ញុំសូមក្រាបថ្វាយបង្គំ និងអរព្រះគុណ សម្ដេចព្រះមហាសង្ឃរាជ ទេព វង្ស និង សម្ដេចព្រះសង្ឃនាយក នន្ទ ង៉ែត បានសព្វព្រះរាជហឬទ័យ តែងតាំងនាងខ្ញុំ ជាទីប្រឹក្សា គណៈសង្ឃនាយក គណៈមហានិកាយ នៃព្រះរាជាណាចក្រកម្ពុជា និង ផ្តល់ គោរម្យងារជា "" មហាឧបាសិកាពុទ្ធសាសនូបត្ថមក៍ " ។ លើសពីនេះ"ខ្ញុំព្រះករុណាខ្ញុំម្ចាស់សូមលំអោនកាយ ក្រាបថ្វាយបង្គំ បួងសួងដល់វត្ថុសាកសិទ្ធលើលោក បារមីព្រះស្វេតឆ័ត្រ បារមីព្រះមហាក្សត្រគ្រប់ព្រះអង្គ សូមតាមថែរក្សា សម្ដេចព្រះមហាសង្ឃរាជ និង សម្តេចព្រះសង្ឃនាយក សូមមានព្រះរាជសុខភាពល្អ មាំមួន ព្រះជន្មាយុយឺនយូរ ជាងរយព្រះវស្សា ដើម្បីទ្រទ្រង់ព្រះពុទ្ធសាសនាជាអង្វែងតរៀងទៅ "។...

(រាជធានីភ្នំពេញ)៖ ស្ថិតក្នុងទីស្នាក់ការកណ្ដាលនៃអគ្គនាយកដ្ឋនការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.»នៅថ្ងៃទី១៧ ខែធ្នូ ឆ្នាំ២០២០ ក្រុមការងារបច្ចេកទេសរវាងក្រសួងពាណិជ្ជកម្ម និងក្រសួងយុត្តិធម៌ បានបន្តបើកកិច្ចប្រជុំលើសេចក្តីព្រាងច្បាប់ស្តីពីការប្រកួតប្រជែង ត្រង់ជំពូកទី៤ ជំពូកទី៦ និងមាត្រាពាក់ព័ន្ធដែលទាក់ទងនឹងនីតិវិធីនៃការប្តឹងនិងការស៊ើបអង្កេត និងទោសប្បញ្ញត្តិ។ កិច្ចប្រជុំនេះ គឺរៀបចំតាមរយៈប្រព័ន្ធអនឡាញ (Video Conference) ដែលដឹកនាំសម្របសម្រួលដោយ លោក ផាន អូន អគ្គនាយក នៃអគ្គនាយកដ្ឋាន ក.ប.ប. លោក ពេជ ច័ន្ទ អគ្គនាយករង ក.ប.ប. ព្រមទាំងសហការី នៃនាយកដ្ឋានកិច្ចការប្រកួតប្រជែង និងមានការចូលរួមពីក្រុមការងារបច្ចេកទេសនៃក្រសួងយុត្តិធម៌។ គួររំលឹកផងដែរកិច្ចប្រជុំនេះគឺស្ថិតក្នុងករបខណ្ឌនៃកិច្ចប្រជុំអន្តរក្រសួងនៃទីស្តីការគណៈរដ្ឋមន្ត្រី ដែលបានតម្រូវឱ្យក្រសួងពាណិជ្ជកម្មពិភាក្សាជា...