សារព័ត៌មានដេលីខ្មែរ

ភ្នំពេញ៖ លោក ចាន់ សុខឃាង សកលវិទ្យាធិការសាកលវិទ្យាល័យន័រតុន រងការចោទប្រកាន់ពីអ្នកស្ត្រីម្នាក់ ប្តឹងទាមទារសំណងជាទឹកប្រាក់ជាងប្រាំមួយម៉ឺនដុល្លារអាមេរិក ដែលការទាមទារនេះមានរយៈពេលជិតពីរឆ្នាំកន្លងមកហើយ ចំពោះការខាតបង់ក្នុងកិច្ចសន្យាបង្កើតហាងកាហ្វេនៅក្នុងបរិវេណសាលា។ យោងតាមបណ្តឹង ចុះថ្ងៃទី២២ ខែមីនា ឆ្នាំ២០២០ របស់អ្នកស្រី ភោគ សុនីតា អាយុ៣០ឆ្នាំ ជាអតីតបុគ្គលិកសាកលវិទ្យាល័យន័រតុន បានបញ្ជាក់នៅក្នុងបណ្តឹងថា នៅដើមឆ្នាំ២០១៧ អ្នកស្រី និងលោក ចាន់ សុខឃាង បានព្រមព្រៀងគ្នាជួលទីតាំងបើកហាងកាហ្វេ នៅជាន់ខាងលើនៃសាកលវិទ្យាល័យន័រតុន ដែលមានទំហំ៥៣ម៉ែត្រក្រឡា ហើយការព្រមព្រៀងនេះត្រូវបានធ្វើឡើងដោយផ្ទាល់មាត់ ហើយចាប់ផ្តើមជួសជុលទីតាំង នៅខែមេសា ដោយគ្រោងបញ្ចប់នៅខែកញ្ញា ឆ្នាំ២០១៧។ ប៉ុន្តែនៅដំណាក់កាលកំពុងតែដំណើការសាងសង់បានប្រហែល៩៥ភាគរយ ស្រាប់តែឈ្មោះចាន់ សុខឃាង បានបញ្ជាឲ្យផ្អាកការជួសជុល ដោយប្រាប់ថា លោកបញ្ឈប់ការជួលហើយ។ អ្នកស្...