ប៉េកាំង៖ រដ្ឋមន្ត្រីក្រសួងការពារជាតិចិន លោក Li Shangfu បានឲ្យដឹងថា ប្រទេសចិន និងសហរដ្ឋអាមេរិក គួរតែដោះស្រាយភាពខ្វែងគំនិតគ្នានិងស្វែងរកវិធីត្រឹមត្រូវ ដើម្បីចុះសម្រុងគ្នា។
លោកបានអំពាវនាវឲ្យ ប្រជាជាតិទាំងពីររស់នៅតាមការរំពឹងទុក របស់ប្រទេសក្នុងពិភពលោក ហើយដើរតាមនិន្នាការនៃសម័យកាល ដោយសារតែភាគីទាំងពីរនាពេលបច្ចុប្បន្ននេះ មានការតានតឹងកាន់តែខ្លាំងឡើង។
លោក Li បានលើកឡើងថា សហគមន៍អន្តរជាតិស្វែងរកសន្តិភាព និងស្ថិរភាពទំនាក់ទំនងចិន-អាមេរិក និងព្រួយបារម្ភ អំពីជម្លោះដែលអាចកើតមាន ឬការប្រឈមមុខគ្នា ដែលនឹងក្លាយជាគ្រោះមហន្តរាយ ដែលមិនអាចទ្រាំទ្របាន សម្រាប់ពិភពលោក។
លោកបានបន្តថា ការប្រឈមមុខដាក់គ្នា ក្នុងប្លុកដើម្បីផលប្រយោជន៍ខ្លួនឯង ប្រទេសធំៗគួរគិតគូរពី ផលប្រយោជន៍ទាំងអស់គ្នា ដោះស្រាយការខ្វែងគំនិតគ្នាតាមរយៈការផ្លាស់ប្តូរ និងកិច្ចសហប្រតិបត្តិការ ។
លោក Li បានទទួលស្គាល់ថា ប៉ុន្មានឆ្នាំកន្លងមកនេះបានឃើញថា ទំនាក់ទំនងចិន-អាមេរិក ស្ថិតក្នុងកម្រិតទាបបំផុតចាប់តាំងពី ការបង្កើតទំនាក់ទំនងការទូតមក ប៉ុន្តែគេជឿថា “ពិភពលោក គឺធំល្មមសម្រាប់ប្រទេសនានា រួមទាំងចិន និងសហរដ្ឋអាមេរិក ដើម្បីរីកចម្រើនជាមួយគ្នា”៕