Author: user03

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្ដុះបណ្ដាលវិជ្ជាជីវៈ បានអញ្ជើញចូលរួមក្នុងកិច្ចប្រជុំរដ្ឋមន្ត្រីការងារអាស៊ានលើកទី២៩ (29th ALMM) និងកិច្ចប្រជុំពាក់ព័ន្ធ ក្រោមមូលបទ “ការលើកកម្ពស់មូលធនមនុស្សអាស៊ាន៖ វិញ្ញាបនបត្រជំនាញឆ្ពោះទៅរកការទទួលស្គាល់ជាសកល” នាថ្ងៃទី២៦ ខែសីហា ឆ្នាំ២០២៦ តាមប្រព័ន្ធវីដេអូ ខណៈដែលកិច្ចប្រជុំនេះរៀបចំឡើងនៅទីក្រុងបាងកក ប្រទេសថៃ។ នាឱកាសនោះ ឯកឧត្តមរដ្ឋមន្រ្តីមានប្រសាសន៍ថា ប្រធានបទនេះពិតជាមានសារៈសំខាន់ និងចំពេលវេលា ដោយឯកឧត្តមគូសបញ្ជាក់ថា ការទទួលស្គាល់ជំនាញ និងការបញ្ជាក់វិញ្ញាបនបត្រជំនាញ គឺជាកត្តាគ្រឹះដ៏សំខាន់សម្រាប់ជំរុញការចល័តកម្លាំងពលកម្ម។ ក្រៅពីនេះ ការធានាអត្ថប្រយោជន៍សន្តិសុខសង្គមអាចផ្ទេរតាមពលករបាន គឺជាយន្តការដ៏សំខាន់មួយទៀត ដែលគាំទ្រនិងពន្លឿនការចល័តពលករទេសន្តរប្រវេសន៍ក្នុងតំបន់ផងដែរ។ ដូច្នេះ សេចក្តីប្រកាសរបស់អាស៊ានស្តីពី ”ការផ្ទេរអត្ថប្រយោជន៍សន្តិសុខសង្គម...

កំពង់ផែស្វយ័តក្រុងព្រះសីហនុ (កសស) ៖ នាវេលាម៉ោង ៩ ព្រឹក ថ្ងៃសុក្រ ៨ កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែសីហា ឆ្នាំ២០២៦ នៅសាលប្រជុំតូច កសស ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ និងថ្នាក់ដឹកនាំ កសស បានទទួលស្វាគមន៍ ដំណើរទស្សនកិច្ច សម្តែងការគួរសម និងពិភាក្សាការងារ នៃគណៈប្រតិភូកងទ័ពជើងទឹកអង់គ្លេស ដឹកនាំដោយ លោកមេបញ្ជាការ Tom Lindsey មេបញ្ជាការនាវា HMS Tamar ក្នុងគោលបំណងពង្រឹងចំណងមិត្តភាពរវាង ព្រះរាជាណាចក្រកម្ពុជា និងចក្រភពអង់គ្លេស។ ដំណើរទស្សនកិច្ច សម្តែងការគួរសម និងពិភាក្សាការងារនេះ មានការចូលរួមអមដំណើរពី កងទ័ពជើងទឹកអង់គ្លេស អនុព័ន្ធយោធាអង់គ្លេស រួមទាំង មន្ត្រីស្ថានទូតអង់គ្លេសប្រចាំកម្ពុជា។...

ភ្នំពេញ៖នារសៀលថ្ងៃទី ២៥ ខែសីហា ឆ្នាំ២០២៦ ឧកញ៉ា សុង សារ៉ន អគ្គនាយកក្រុមហ៊ុន អេមរុ រ៉ាយស៍ (AMRU Rice) បានអញ្ជើញចូលរួមជាវាគ្មិនកិត្តិយស ក្នុងកម្មវិធី កិច្ចសន្ទនាពហុភាគីពាក់ព័ន្ធរបស់សភា ស្តីពីការវិនិយោគប្រកបដោយការទទួលខុសត្រូវសម្រាប់សន្តិសុខស្បៀង និងសន្តិសុខអាកាសធាតុ ដែលរៀបចំដោយ អន្តរសភាអាស៊ាន (AIPA) នៅវិមានរដ្ឋសភាជាតិ។ កម្មវិធីនេះមានការចូលរួមពីសមាជិក សមាជិកានៃបណ្តាប្រទេសអាស៊ាន តំណាងស្ថានទូតបរទេសប្រចាំព្រះរាជាណាចក្រកម្ពុជា ព្រមទាំងតំណាងក្រសួង ស្ថាប័នរដ្ឋ និងភាគីពាក់ព័ន្ធនានា។ តបតាមការអញ្ជើញរបស់ AIPA ឧកញ៉ា សុង សារ៉ន បានចែករំលែកបទពិសោធន៍ និងការអនុវត្តជាក់ស្តែងរបស់ AMRU Rice ក្នុងការវិនិយោគលើវិស័យស្រូវអង្ករ តាមរយៈការធ្វើការដោយផ្ទាល់ជាមួយកសិករ ការអភិវឌ្ឍខ្សែច្រវាក់តម្លៃពីកសិដ្ឋានទៅទីផ្សារ និងការផលិតអង្ករប្រណិត សរីរាង្គ និងប្រកបដោយចីរភាព សម្រាប់ទីផ្សារអន្តរជាតិ។ ក្នុងកិច្ចសន្ទនា ឧកញ៉ា សុង ស...

ក្រសួងការងារ និងក្រុមហ៊ុនដឹកជញ្ជូនឈានមុខចំនួន ៦ ចាប់ដៃគ្នាលើកកម្ពស់ការផ្សព្វផ្សាយព័ត៌មានទីផ្សារការងារ និងសេវាការងារដល់សាធារណជនឱ្យកាន់តែទូលំទូលាយ (ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ បានទទួលជួបសម្តែងការគួរសម និងពិភាក្សាការងារ ព្រមទាំងអញ្ជើញជាសក្ខីភាពក្នុងពិធីចុះហត្ថលេខាលើអនុស្សរណៈនៃការយោគយល់គ្នា (MoU) រវាងក្រសួង និងក្រុមហ៊ុនប្រតិបត្តិករសេវាកម្មដឹកជញ្ជូនអ្នកដំណើរ និងដឹកជញ្ជូនទំនិញ/ម្ហូបអាហារឈានមុខគេនៅកម្ពុជាចំនួន ៦ ស្តីពី “ការលើកកម្ពស់ព័ត៌មានទីផ្សារការងារ និងសេវាការងារ” នាព្រឹកថ្ងៃទី២៥ ខែសីហា ឆ្នាំ២០២៦ នៅទីស្តីការក្រសួង។ គំនិតផ្តួចផ្តើមចុះ MoU ជាមួយក្រុមហ៊ុន (ហ្គ្រេប) ខេមបូឌា ឯ.ក, ក្រុមហ៊ុន អិមវីអិល តាដា (ខេមបូឌា) ឯ.ក, ក្រុមហ៊ុន LM Car Co., Ltd., ក្រុមហ៊ុន ផាសអ៊ែប ថេកណឡជី ឯ.ក, ក្រុមហ៊ុន ឌីលីវើរី ហេរ៉ូ (ខេមបូឌា) ឯ.ក និងក្រុមហ៊ុន អ៊ី-ហ្គេត ថេកណឡជី ឯ.ក ធ...

ខេត្តក្រចេះ៖ យោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយបង្ហាញថា ទឹកជំនន់បណ្តាលមកពីទឹកទន្លេមេគង្គកើនឡើងបានប៉ះពាល់ក្រុង-ស្រុកចំនួន ៦ រួមមាន ស្រុកឆ្លូង, ស្រុកព្រែកប្រសព្វ, ស្រុកសំបូរ, ក្រុងក្រចេះ, ស្រុកចិត្របុរី, ស្រុកអូរគ្រៀងសែនជ័យ ខេត្តក្រចេះ។ក្នុងនោះ ប្រជាពលរដ្ឋរងផលប៉ះពាល់ចំនួន ៨.២១០គ្រួសារ និងជម្លៀសទៅទីទួលសុវត្ថិភាពចំនួន ១០១គ្រួសារ។ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន ទី១ គណៈកម្មាធិការជាតិគ្រប់គ្រងគ្រោះមហន្តរាយបានលើកឡើងថា«ថ្ងៃនេះ ខ្ញុំ បានបន្តធ្វើដំណើរចុះពិនិត្យស្ថានភាពទឹកជំនន់ ដែលបណ្តាលមកពីទឹកទន្លេមេគង្គកើនឡើង និងសួរសុខទុក្ខប្រជាពលរដ្ឋតាមខ្នងផ្ទះរងផលប៉ះពាល់ ក្នុងភូមិព្រែកកូវ ឃុំបុសលាវ ស្រុកចិត្របុរី ខេត្តក្រចេះ។ តាមការពិនិត្យ ផ្ទះប្រជាពលរដ្ឋភាគច្រើនទឹកជំនន់លិចដល់ក្រោមផ្ទះ ជាមួយបញ្ហានេះ ខ្ញុំ បានណែនាំដល់រដ្ឋបាលខេត្ត អាជ្ញាធរមូលដ្ឋានត្រូវតាមដានពីស្ថាន...

​(ព្រះវិហារ)៖​ ពីការស្វែងរកការងារឆ្ងាយពីគ្រួសារ មកជាការចាប់យកឱកាសការងារស្របច្បាប់ក្នុងស្រុក គឺជាជម្រើសដែលក្រសួងការងារនិងបណ្តុះបណ្តាលវិជ្ជាជីវៈ កំពុងលើកទឹកចិត្តដល់ប្រជាពលរដ្ឋ ជាពិសេសអតីតពលករដែលត្រឡប់មកពីប្រទេសថៃ។ ជាក់ស្តែង ក្រសួងបាននាំយកឱកាសការងារចំនួន ​២ ៤០០កន្លែង​ មកជូនប្រជាពលរដ្ឋជិត ​៦០០នាក់​ ក្នុងវេទិកាការងារ សន្តិសុខសង្គម និងបណ្តុះបណ្តាលវិជ្ជាជីវៈ ក្រោមប្រធានបទ ​«ខ្មែរជួយរកការងារ និងផ្តល់ការងារឱ្យខ្មែរ»​ នៅបរិវេណសាលារវៀង ខេត្តព្រះវិហារ នាព្រឹកថ្ងៃទី២២ ខែសីហា ឆ្នាំ២០២៦។ វេទិកានេះបាននាំអ្នកស្វែងរកការងារ និងតំណាងនិយោជកមកជួបគ្នាដោយផ្ទាល់នៅក្នុងមូលដ្ឋាន ដោយអ្នកស្វែងរកការងារអាចចុះឈ្មោះ សម្ភាស និងឈ្វេងយល់ពីមុខតំណែង ប្រាក់ឈ្នួល លក្ខខណ្ឌការងារ និងអត្ថប្រយោជន៍ មុនសម្រេចចិត្តចូលបម្រើការងារ។ ការនាំឱកាសការងារមកដល់មូលដ្ឋាននេះ ក៏ជួយកាត់បន្ថយពេលវេលា និងការចំណាយរបស់ប្រជាពលរដ្ឋក្នុងការធ្វើដំណើរទៅស្វែងរ...

កំពង់ផែស្វយ័តក្រុងព្រះសីហនុ (កសស) ៖ នាវេលាម៉ោង ១១ ព្រឹក ថ្ងៃអង្គារទី១៨ ខែសីហាឆ្នាំ២០២៦នៅសាលប្រជុំតូច កសស ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយកកំពង់ផែស្វយ័តក្រុងព្រះសីហនុនិងថ្នាក់ដឹកនាំ កសសបានទទួលស្វាគមន៍ ដំណើរទស្សនកិច្ចរបស់ លោក ICHIGUCHI Tomohide អគ្គនាយក នៃនាយកដ្ឋានវិស្វកម្មហេដ្ឋារចនាសម្ព័ន្ធ នៃទីស្នាក់ការកណ្តាល នៃទីភ្នាក់ងារសហប្រតិបត្តិការអន្តរជាតិជប៉ុន (JICA) និងក្រុមការងារ ក្នុងគោលបំណងផ្លាស់ប្តូរយោបល់ទៅលើ ការអភិវឌ្ឍវិស័យឡូជីស្ទីក និងកំពង់ផែរបស់កម្ពុជា ក៏ដូចជា ពិភាក្សាអំពី វឌ្ឍនភាព និងទិសដៅនាពេលអនាគត នៃការអភិវឌ្ឍកំពង់ផែ និងហេដ្ឋារចនាសម្ព័ន្ធ នៅ កសស។...