Author: user03

(រាជធានីភ្នំពេញ)៖  មន្រ្តីជំនាញ ក.ប.ប.​ សាខារាជធានីភ្នំពេញសហការជាមួយមន្រ្តីជំនាញសុខភាពសត្វ នៃក្រសួងកសិកម្ម រុក្ខាប្រមាញ់ និងនេសាទ ដែលដឹកនាំដោយលោកអគ្គនាយករង ក.ប.ប. ប្រធានក្រុមការងារចំពោះកិច្ច កាលពី​​ថ្ងៃទី២២ ខែកុម្ភៈ ឆ្នាំ២០២៣ បានធ្វើការកម្ទេចចោលសាច់បង្កកខូចគុណភាពចំនួន ៨ ១៧២គីឡូក្រាម។ សាច់បង្កកដែលមន្រ្តីជំនាញដុតកម្ទេចចោលនាថ្ងៃនេះគឺមានដូចជា បេះ​ដូងជ្រូក អណ្ដាតជ្រូក ជង្គង់មាន់ ត្រីបង្កក ទាបង្កក និងសាច់ផ្សេងៗទៀត ដែលសាច់ទាំងអស់នេះគឺបានមកពីការស្រាវជ្រាវរកឃើញរយៈពេលពីរថ្ងៃកន្លងមកស្ថិតនៅក្នុងខណ្ឌមានជ័យ និងខណ្ឌដង្កោ។ គួររំលឹកផងដែរថាសាច់បង្កកដែលបានរកឃើញទាំងអស់នេះគឺជាសាច់ដែលខូចគុណភាព និងរក្សាទុកពុំបានត្រឹមត្រូវតាមលក្ខណៈបច្ចេកទេសនៃលក្ខខណ្ឌតម្រូវអនាម័យ ដែលជាហេតុបង្កគ្រោះថ្នាក់ធ្ងន់ធ្ងរដល់អ្នកប្រើប្រាស់ប្រសិនទំនិញទាំងអស់នេះចរាចរលក់ទៅដល់ទីផ្សារ។...

ព្រៃវែង៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងម​ហាផ្ទៃ ថ្ងៃទី១៤ ខែមីនា ឆ្នាំ២០២៣នេះ បានអញ្ជើញជាអធិបតីក្នុងពិធីបុណ្យបញ្ចុះខណ្ឌសីមាព្រះវិហារ និងសមិទ្ធផលនានា នៅវត្តមេលប់ ស្ថិតនៅភូមិមេលប់ ឃុំរកា ស្រុកពារាំង ខេត្តព្រៃវែង។ លោក ចេម ប្រា អភិបាលនៃគណៈអភិបាកលស្រុកពារាំង បានធ្វើរបាយការណ៍ជូនសម្ដេចក្រឡាហោម និងអង្គពិធីថា វត្តមេលប់ បង្កើតឡើងនៅឆ្នាំ​១៧៣៥ នៅលើទីតាំងដីទួលព្រះធំ ក្បែរភូមិ ដោយព្រះចៅធិការព្រះនាម មុំ ញ៉ែម បានសាងសង់កុដ្ឋ និងរោងឧបោសថកម្ម រហូតដល់ឆ្នាំ១៧៩០ បានប្ដូរមកទួលព្រៃក្ដី ដោយព្រះចៅអធិការព្រះនាម ម៉ា ឃុន និងព្រះតេជគុណព្រះនាម ប្រាក់ ព្រីង រហូតដល់ឆ្នាំ១៨៨១ ក៏បន្តប្ដូរមកនៅក្បែរភូមិវិញ ដោយឆ្លងកាត់ព្រះចៅអធិការជាបន្តបន្ទាប់។ លោកបន្តថា នៅក្នុងសម័យសង្គ្រាមដើមទសវត្ស ១៩៧០ មានការទំលាក់គ្រាប់បែកបណ្ដាលឱ្យខូចខាតវត្ត និងសុគតព្រះសង្ឃមួយអង្គ ហើយចូលដល់សម័យខ្មែក្រហម សមិទ្ធផលវត្តមេលប់ត្រូវបានកម...

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីបានថ្លែង ក្នុង​​ងឱកាសសម្តេចជួបសំណេះសំណាល ជាមួយប្រជាពលរដ្ឋ ដែលបានផ្លាស់ប្តូរទីលំនៅទៅទីតាំងថ្មី និងត្រួតពិនិត្យការដ្ឋានសាងសង់ វារីអគ្គិសនីស្ទឹងពោធិ៍សាត់១ ស្ថិតនៅឃុំប្រម៉ោយ ស្រុកវាលវែង ខេត្តពោធិ៍សាត់ នៅថ្ងៃអង្គារ ងៃទី១៤ ខែមីនា ឆ្នាំ២០២៣នេះថា  “ឥឡូវប្រទេសជិតខាងកម្ពុជា អគ្គិសនីបានឡើងថ្លៃ ប៉ុន្ដែប្រទេសកម្ពុជា មិនបានឡើងថ្លៃទេ ដោយសាររាជរដ្ឋាភិបាល បានគិតគូរពីកត្តាជីវភាពរបស់ប្រជាពលរដ្ឋ”។​​    ...

ភ្នំពេញ៖ នាយកដ្ឋានកសិ-ឧស្សាហកម្ម នៃក្រសួងកសិកម្ម រុក្ខាប្រមាញ់ និងនេសាទ និងជាលេខាធិការដ្ឋាន នៃគណៈកម្មាធិការសម្របសម្រួលកិច្ចសន្យាផលិតកម្មកសិកម្ម នៅ​​ថ្ងៃទី១១ ខែមីនា ឆ្នាំ២០២៣បានសហការជាមួយសហភាពសហគមន៍បន្លែសុវត្ថិភាពកម្ពុជា បានរៀបចំពិធីចុះកិច្ចសន្យាទិញ-លក់ចំណិតដំឡូងមីស្ងួត រវាងសហភាពសហគមន៍បន្លែសុវត្ថិភាពកម្ពុជា និងក្រុមហ៊ុន Global Ecological Rice (Cambodia) Co., Ltd. របស់ភាគីចិន។ ពិធីនេះ ចូលរួមដោយ​លោក​​ ប៉ក់ សម័យសុនីតិ អនុរដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទនៅសណ្ឋាគារសុខាភ្នំពេញ ដែល ពិធីចុះកិច្ចសន្យាផលិតកម្មកសិកម្មនេះមានគោលបំណងដើម្បីជំរុញការនាំចេញដំឡូងមី ដោយត្រង់ទៅកាន់ទីផ្សារប្រទេសចិន ក្នុងបរិមាណសរុប ៥០០ ០០០តោន ក្នុង១ឆ្នាំ ដោយយកខេត្តបាត់ដំបងជាទីតាំងគោល។ លោក​​ ប៉ក់ សម័យសុនីតិ អនុរដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទ បានលើកឡើងថានៅក្នុងអនុក្រឹត្យលេខ៣៦ អនក្រ.បក ចុះថ...

ពោធី៍សាត់៖ បន្ទាប់ពីបានសំណេះសំណាលជាមួយប្រជាពលរដ្ឋដែលរងផលប៉ះពាល់នៃគម្រោងសាងសង់វារីអគ្គិសនីសឹងពោធិ៍សាត់១រួចហើយនោះសម្ដេច​តេជោ ហ៊ុន សែន ក៏នៅព្រឹកថ្ងៃអង្គារទី១៤ ខែមីនាឆ្នាំ២០២៣នេះបានអញ្ជើញ​ធ្វើដំណើរមកកាន់កន្លែងសាងសង់វារីអគ្គិសនីស្ទឹងពោធិ៍សាត់១ ដើម្បីពិនិត្យមើលវឌ្ឍនភាពនៃការសាងសង់ និងជួបកម្មករ កម្មការិនី ដែលកំពុងបម្រើការងារនៅការដ្ឋាននេះផងដែរ។ សូមជម្រាបថា វារីអគ្គិសនីស្ទឹងពោធិ៍សាត់១ មានអានុភាពប្រមាណ ៨០មេហ្កាវ៉ាត់ មានទីតាំងស្ថិតនៅតាមដងស្ទឹងពោធិ៍សាត់ ក្នុងឃុំប្រមោយ ស្រុកវាលវែង ខេត្តពោធិ៍សាត់។ រាជរដ្ឋាភិបាលកម្ពុជា បានអនុញ្ញាតឱ្យក្រុមហ៊ុន SPHP (Cambodia) Co., Ltd. សាងសង់កាលពីថ្ងៃទី០៥ ខែមេសា ឆ្នាំ២០១៩។ បន្ទាប់ពីទទួលបានសិទ្ធិក្នុងការសាងសង់ និងវិនិយោគរួចមក ក្រុមហ៊ុនបានខិតខំ​ស្វែង​រក​ប្រភពទុនវិនិយោគ និងក្រុមហ៊ុនដៃគូសាងសង់ដែលមានបទពិសោធន៍​ខ្ពស់ ដោយបានជ្រើសយកក្រុមហ៊ុន Power China មកពីប្រទេស​ចិន ដែលធ្លាប់មា...

ភ្នំពេញ៖ លោក មួង សុភ័ក្រ្ក ប្រធានក្រុមអ្នកស្រាវជ្រាវវ័យ​ក្មេង បាន​ប្រតិកម្ម ចំពោះវិទ្យុអាសុីសេរី​ ដែលយកជំនួយបរទេសបន្តការផ្សព្វផ្សាយបំបែកបំបាក់ខ្មែរ​ ជាពិសេសយុវជនជំនាន់ក្រោយដោយចេញជាសំណេរតាមMedia ដែលឆ្លុះបញ្ជាំពីភាពញុះញុង់បំបែកបំបាក់ខ្មែរ​ នឹងខ្មែរ​ យុវជននឹងយុវជន​ មិនអោយធ្វេីការរួមគ្នាបាន​។​ ការប្រតិកម្ម​នេះ ធ្វើ ឡើង បន្ទាប់ពី វិទ្យុអាសុីសេរី​ បានសរសេរ និងគូររូបថ្លុកចោទប្រកាន់​មក​លើ​យុវជន​ដែលការពារធនធានធម្មជាតិ ដោយសរសេរថា ​ការងារ​សកម្មជន​«បក្ស»រិស្ថាន​សម័យ​តេជោ៖ អូសទាញ និង​បំបែកបំបាក់​យុវជន​ដើម្បី​សម្រេច​ផែនការ​ផ្ទេរ​អំណាច​តពូជ​​ត្រកូល «ហ៊ុន»។ លោក មួង សុភ័ក្រ្ក អតីតស្ថាបនិកអង្គការមាតាធម្មជាតិ បានលើកឡើងថា  ក្នុងនាមខ្ញុំយុវជនសង្គមសុីវិលសុំសម្ដែងការសោកស្ដាយចំពោះវិទ្យុអាសុីសេរី​ ដែលយកជំនួយបរទេសបន្តការផ្សព្វផ្សាយបំបែកបំបាក់ខ្មែរ​ ជាពិសេសយុវជនជំនាន់ក្រោយដោយចេញជាសំណេរតាមMedia ដែលឆ្លុះបញ្ជ...

(ភ្នំពេញ)៖នៅថ្ងៃអាទិត្យ ទី១២ ខែមីនា ឆ្នាំ២០២៣នេះ មានពិធីប្រគល់-ទទួល ទឹកបរិសុទ្ធ អរុណា ចំនួន១ពាន់កេស និងថវិកាចំនួន១០០,០០០,០០០រៀល (មួយរយលានរៀល) ផ្ដល់ជូនមជ្ឈមណ្ឌលគាំពារមាតា និងទារក នៃមន្ទីរពេទ្យជប៉ុន។ ពិធីនេះមានការអញ្ជើញចូលរួមដោយ លោកស្រី  សុខា គងពិសី នាយិកាប្រតិបត្តិ ក្រុមហ៊ុន អរុណាកូ CO.LTD អមដំណើរដោយលោកជំទាវ ហ៊ុន ម៉ាណា។ ក្នុងឱកាសនោះ លោកស្រី​​ ហ៊ុន ម៉ាណា បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចកាលសម្តេចទាំងទ្វេរតែងតែគិតគូរពីសុខទុក្ខ និងក្តីនឹករលឹក អាណិតស្រឡាញ់ចំពោះប្រជាពលរដ្ឋទាំងអស់ ជាពិសេសគិតគូរពីសុខុមាលភាពរបស់ស្ត្រីជាមាតា និងទារកទាំងអស់​។ លោកស្រីក៏បានថ្លែងអំណរគុណចំពោះ មជ្ឈមណ្ឌលគាំពារមាតា និងទារក នៃមន្ទីរពេទ្យជប៉ុន ព្រមទាំងក្រុមគ្រូពេទ្យទាំងអស់ដែលផ្តល់សេវាសុខាភិបាលនៅទីនេះ។ នាឱកាសនោះ បន្ថែមលើថវិការពីក្រុមហ៊ុ...