Author: user03

(ភ្នំពេញ)៖ បន្ទាប់ពីលោក គឹម វិញ្ញូរិទ្ធ ជាមេធាវីរបស់លោកឧកញ៉ា នួន អក អគ្គនាយកក្រុមហ៊ុន BLUE BAY LAND DEVELOPMENT CO.,LTD ចេញលិខិតគំរាមប្ដឹងអ្នកកាសែតណាដែលហ៊ានផ្សាយរឿងកូនក្ដីរបស់ខ្លួនលក់ដីខ្យល់នៅខេត្តកំពត បោកប្រាស់អតិថិជនជាងមួយម៉ឺនដុល្លារ ដើម្បីបំភ័យអ្នកកាសែតមិនបានសម្រេច នៅល្ងាចថ្ងៃទី០៦ ខែវិច្ឆិកា ឆ្នាំ២០២១ លោកឧកញ៉ា បានចេញវីដេអូ សុំទោស និងលួងលោមអ្នកកាសែត ឱ្យលុបព័ត៌មានចេញវិញម្ដង។ នៅក្នុងវីដេអូផ្សាយផ្ទាល់លើបណ្ដាញសង្គម Facebook រយៈពេល២៣នាទី និង១៥វិនាទី លោកឧកញ៉ា នួន អក ដែលគេស្គាល់ថា ជាគ្រូបង្រៀនឲ្យមនុស្សក្នុងប្រទេសកម្ពុជាឲ្យជោគជ័យ បានលើកដៃសំពះសុំទោសអ្នកកាសែតទាំងអស់ និងសុំឲ្យលុបព័ត៌មាន ដែលបានផ្សាយរឿងអតិថិជនប្ដឹងលោកចេញវិញ។ ក្នុងការសម្ដែងធ្វើទឹកមុខស្រពាប់ស្រពោនហាក់ដូចជានិយាយចេញពីចិត្តមែនទែន លោកឧកញ៉ា នួន អក បានលើកឡើងថា៖ ថ្ងៃមិញនេះ មេធាវីរបស់ខ្ញុំបានចេញលិខិតមួយធ្វើឲ្យបងប្អូនអ្នកសារព័ត៌មានមួយ...

(ភ្នំពេញ)៖ ក្រោយពីជនរងគ្រោះដាក់ពាក្យប្ដឹងលោកឧកញ៉ា នួន អក អគ្គនាយកក្រុមហ៊ុន BLUE BAY LAND DEVELOPMENT CO.,LTD រឿងឆបោកប្រាក់ចំនួន១១,៧២០ដុល្លារ ក្នុងការទិញលក់ដីឡូតិ៍ F1 នៃគម្រោង ឌឺសាគូរ៉ាផាក ស្ថិតនៅស្រុកទឹកឈូ ខេត្តកំពត និងមានការចុះផ្សាយតាមបណ្ដាញសារព័ត៌មានក្នុងស្រុក ឥឡូវនេះមេធាវីរបស់លោកឧកញ៉ា នួន អក បានចេញលិខិតបំភ្លឺ និងគំរាមអ្នកកាសែតដែលហ៊ានផ្សាយការពិតឲ្យលុបរឿងអាស្រូវនោះជាកំហិត។ លិខិតចុះថ្ងៃទី០៦ ខែវិច្ឆិកា ឆ្នាំ២០២១ លោក គឹម វិញ្ញូរិទ្ធ ជាមេធាវីរបស់លោកឧកញ៉ា នួន អក បានចាត់ទុកថា ការចុះផ្សាយអត្ថបទរឿងអ្នកទិញដីឈ្មោះ ឡុង សុភ័ក្រ្ត ភេទស្រី អាយុ៣៧ឆ្នាំ កាលពីម្សិលមិញ បានដាក់ពាក្យប្ដឹងឧកញ៉ា នួន អក ទៅកាន់លោក ម៉ៅ ធនិន អភិបាលខេត្តកំពត ករណីឆបោកប្រាក់ជាងមួយម៉ឺនដុល្លារក្នុងការលក់ដីខ្យល់ នៅខេត្តកំពតនោះ ជារឿងមិនពិតនោះទេ។ មេធាវី គឹម វិញ្ញូរិទ្ធ បានចាត់ទុកការផ្សាយរបស់អ្នកកាសែតរឿងលោកឧកញ៉ា នួន អក  ត្រូវអតិថិជនប្ដឹង...

ភ្នំពេញ៖ បន្ទាប់ពីភាគីក្រុមហ៊ុន CBS របស់អ្នកឧកញ៉ា គិត ម៉េង មិនព្រមទទួលការស្នើជួបរបស់មេធាវីសហជីពការងារ តំណាងឲ្យអតីតបុគ្គលិកចំនួនប្រាំបួននាក់ ដែលបានទៅពឹងពាក់ឲ្យយជួយដោះស្រាយវិវាទអំពីការគិតប្រាក់អត្ថប្រយោជន៍ផ្សេងៗ ក្រោយក្រុមហ៊ុនបញ្ឈប់ពីការងារ មានអ្នកមួយចំនួនហួសចិត្ត និងសុខចិត្តព្រោះមានវិបត្តិហិរញ្ញវត្ថុគ្រួសារ។ អតីតបុគ្គលិក បានលើកឡើងទៀតថា ដោយសារការតវ៉ាត្រូវអូសបន្លាយពេលយូរផង ព្រោះក្រុមហ៊ុនមិនយល់ព្រម ក៏សុខចិត្តចុះហត្ថលេខាតាមការបញ្ចប់កិច្ចសន្យាការងារ និងទទួលយកប្រាក់អត្ថប្រយោជន៍តិចតួច តាមកម្រិតក្រុមហ៊ុនគិតឲ្យ រីឯបុគ្គលិកខ្លះ ដែលកំពុងបំពេញការងារក៏បានដាក់ពាក្យសូមឈប់ព្រោះសំពាធការងារផងដែរ។ សម្រាប់ការបដិសេធមិនព្រមជួបមេធាវីសហជីពការងារតំណាងឲ្យអតីតបុគ្គលិក កាលពីដើមសប្តាហ៍នេះ ភាគីក្រុមមិនប្រាប់ហេតុផលទេ ខណៈមុនការសុំជួបចរចាររបស់មេធាវី ភាគីក្រុមហ៊ុនបានចេញសេចក្ដីបំភ្លឺមួយ ដោយនៅក្នុងខ្លឹមសារខាងក្រោមនៃលិខិ...

ភ្នំពេញ៖ នាវេលាម៉ោង៩យប់ ថ្ងៃទី២១ ខែឧសភា ឆ្នាំ២០២០ លោក ថូ ប៊ុនឡុង អាយុ៤២ឆ្នាំ បាននាំភរិយារបស់ខ្លួន ចូលពិនិត្យជំងឺនៅក្លីនិកឯកជនឈ្មោះ មន្ទីរពហុព្យាបាល និងសម្ភព វិសាលសុខ ក្នុងរាជធានីភ្នំពេញ ដោយសារភរិយាលោកមានអាការៈមិនស្រួលខ្លួន ចំណែកក្រុមគ្រូពេទ្យវិញ បានអះអាងប្រាប់លោកម្តងហើយម្តងទៀតថា «អ្នកជំងឺគ្មានបញ្ហាអ្វីទេ អ្នកជំងឺមិនអីទេ និងគ្មានអាការៈធ្ងន់ធ្ងរទេ»។ អ្នកជំងឺឈ្មោះ កន ស្រីនាង បានស្លាប់នៅថ្ងៃបន្ទាប់ ក្នុងជន្មាយុ៣៧ឆ្នាំ បន្ទាប់បែកពពុះមាត់ និងសន្លប់បាត់ស្មារតី នៅក្នុងមន្ទីរពេទ្យឯកជនខាងលើនេះ ដែលស្ថិតនៅផ្ទះលេខ៨០ មហាវិថីព្រះមុនីរ៉េត សង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ ដោយបន្សល់ទុកកូនបីនាក់តូចៗ  កំព្រាម្តាយ។ ក្រុមគ្រួសារសពអ្នកស្រី កន ស្រីនាង បានប្តឹងចោទប្រកាន់ និងទារសំណងជំងឺចិត្តពីម្ចាស់ពហុព្យាបាល វិសាលសុខ និងក្រុមគ្រូពេទ្យបម្រើការទីនោះ ដោយដាក់កំហុសថា មិនគោរពក្រមសីលធម៌វិជ្ជាជីវៈ និង...

ព្រះសីហនុ៖ សាលាដំបូងខេត្តព្រះសីហនុ នៅវេលាថ្ងៃត្រង់ ថ្ងៃទី២៧ ខែតុលា ឆ្នាំ២០២១នេះ បានបញ្ចប់សវនាការសួរដេញដោលលើអង្គហេតុ ដែលឈ្មួញដីម្នាក់ចាប់មនុស្សដុតទាំងរស់ កាលពីដើមឆ្នាំ២០១៩ ក្នុងវិវាទដីធ្លី នៅក្នុងខេត្ត។ សវនាការជំនុំជម្រះក្តីនេះ គឺលើសំណុំរឿងចាប់ដុតមនុស្សទាំងរស់ ក្នុងវិវាទដីធ្លីមួយ កាលពីបីឆ្នាំមុន ដែលបង្កឲ្យបុរសម្នាក់រលាកពេញខ្លួន និងរងអំពើអយុត្តិធម៌រហូតមកដល់ពេលនេះ។ លោកចៅក្រម ឆែ វិវឌ្ឍនៈ ប្រធានក្រុមប្រឹក្សា បានចាប់ផ្តើមដំណើរការសវនាការ ពីម៉ោង៩ព្រឹក រហូតដល់ម៉ោងជិត១២ថ្ងៃត្រង់ទើបសម្រេចបិទការសួរដេញដោល អំពីសកម្មភាពប៉ុនប៉ងមនុស្សឃាត ប្រព្រឹត្តឡើងដោយជនត្រូវចោទឈ្មោះ លី ស្រេង អាយុ៥០ឆ្នាំ ដេលបានចាក់សាំងដុតជនរងគ្រោះឈ្មោះ ស៊ុយ ប៊ុនថាន់ អាយុ៣៨ឆ្នាំ ដែលជាអ្នកបើកបរគ្រឿងចក្រឈូសឆាយដី។ លោកប្រធានក្រុមប្រឹក្សា ដែលមានលោកចៅក្រម កើត សាំង និងលោកចៅក្រម សុខ លី ជាសមាជិក ចំណែកលោក ពេញ ពិសិដ្ឋ ជាតំណាងអយ្យការ បានសួរជ...

ព្រះសីហនុ៖ សាលាដំបូងខេត្តព្រះសីហនុ នៅព្រឹកទី២៧ ខែតុលា ឆ្នាំ២០២១នេះ នឹងបើកសវនាការជំនុំជម្រះក្តីលើសំណុំរឿងចាប់ដុតមនុស្សទាំងរស់ ក្នុងវិវាទដីធ្លីមួយ តាំងពីដើមឆ្នាំ២០១៩ ដែលបង្កឲ្យបុរសម្នាក់រលាកពេញខ្លួន និងរងអំពើអយុត្តិធម៌រហូតមកដល់ពេលនេះ។ យោងតាមដីកាកោះឲ្យចូលរួមសវនាការ ចុះថ្ងៃទី២០ ខែកញា ឆ្នាំ២០២១ បានឲ្យដឹងថា ការជំនុំជម្រះក្តីសំណុំរឿងព្រហ្មទណ្ឌនេះ គឺលោកចៅក្រម ឆែ វិវឌ្ឍនៈ ជាប្រធានក្រុមប្រឹក្សា និងលោកចៅក្រម កើត សាំង លោកចៅក្រម សុខ លី ជាសមាជិក។ ចំណែកលោក ពេញ ពិសិដ្ឋ ជាតំណាងអយ្យការ។ បុរសរងគ្រោះឈ្មោះ ស៊ុយ ប៊ុនថាន អាយុ៣៦ឆ្នាំ រស់នៅក្នុងភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ បានប្តឹងឈ្មោះ លី ស្រេង អាយុ៤៨ឆ្នាំ មានទីលំនៅភូមិ២ សង្កាត់លេខ២ ក្រុងព្រះសីហនុ ខេត្តព្រះសីហនុ ពីបទប៉ុនប៉ងមនុស្សឃាតដោយចេតនា ប្រព្រឹត្តឡើង កាលពីថ្ងៃទី២១ ខែមករា ឆ្នាំ២០១៩។ ដោយសារអំពើយុត្តិធមឥនេះ​ បុរសម្នាក់រងគ្រោះរបួសខ្លួ...