ព័ត៌មានទាន់ហេតុការណ៍

ភ្នំពេញ​៖ ​ថ្ងៃ​ចន្ទ ទី​០២ ខែកញ្ញា ឆ្នាំ​២០១៩ លោក មហា​ធា មហាម៉ាត់ បាន​ដឹកនាំ​គណៈប្រតិភូ​ជាន់ខ្ពស់​ម៉ាឡេស៊ី  មកដល់​អាកាសយានដ្ឋាន​អន្តរជាតិ​ភ្នំពេញ ដើម្បី​បំពេញ​ទស្សនកិច្ច​ផ្លូវការ រយៈពេល ០៣​ថ្ងៃ នៅ​កម្ពុជា ចាប់ពី​ថ្ងៃទី​០២-០៤ ខែកញ្ញា ឆ្នាំ​២០១៩​។​   លោក​បណ្ឌិត មហា​ធា មហាម៉ាត់ នឹង​ជួបប្រជុំ​ទ្វេភាគី​ជាមួយ​សម្តេច​តេ​ជោ​នាយករដ្ឋមន្ត្រី ហ៊ុន សែន ដែល​នៅក្នុង​ឱកាស​នោះ នាយករដ្ឋមន្ត្រី​ទាំងពីរ នឹង​ពិភាក្សា​លើ​ទិដ្ឋភាព​ផ្សេងៗ​នៃ​កិច្ចសហប្រតិបត្តិការ​ទ្វេភាគី​។ នាយករដ្ឋមន្ត្រី​ទាំងពីរ ក៏​នឹង​ផ្លាស់ប្តូរ​ទស្សនៈ​គ្នា​លើ​បញ្ហា​តំបន់ និង​អន្តរជាតិ​ដែលមាន​ផលប្រយោជន៍​រួម​ផងដែរ​។ បន្ទាប់មក នាយករដ្ឋមន្ត្រី​ទាំងពីរ នឹង​អញ្ជើញ​ជា​អធិបតី​ក្នុង​ពិធី​ចុះហត្ថលេខា​លើ​ឯកសារ​មួយចំនួន និង​ធ្វើការ​ប្រកាស​ព័ត៌មាន​រួមគ្នា​។​ ​ក្នុង​ក្នុងអំឡុង​ទស្សនកិច្ច​នេះលោក​នាយករដ្ឋមន្ត្រី​ម៉ា​ឡា​ស៊ី នឹង​ជួប​សំដែង​ការគួរ...

ភ្នំពេញ៖ លោក ហម ម៉េងសែ ប្រធានក្រុមប្រឹក្សាចៅក្រមជំនុំជម្រះ  សាលាដំបូងរាជធានីភ្នំពេញ នៅព្រឹកថ្ងៃទី០២ ខែកញ្ញា ឆ្នាំ២០១៩នេះ បានប្រកាសសាលក្រមផ្តទន្ទាទោសលោក ឡាយ វណ្ណៈ អតីតអភិបាលខេត្តតាកែវ ដាក់ពន្ធនាគាររយៈពេល ១៣ឆ្នាំក្នុងសំណុំរឿង ឃាតកម្ម លើលោកស្រី ចេវ សុវឌ្ឍនា។ សាលក្រមនេះសម្រេចផ្តន្ទាទោស លោក ឡាយ ណារិទ្ធ អតីតតស្នងការរងនគរបាលខេត្តតាកែវ និងជាបងប្រុសបង្កើតរបស់លោក ឡាយ វណ្ណៈ ដាក់ពន្ធនាគារកំណត់រយៈពេល ១០ឆ្នាំ។ ចំណែកជនជាប់ចោទឈ្មោះ ម៉េន សាម៉ៃ ជាតៃកុងឡានរបស់ លោក ឡាយ វណ្ណ: និងឈ្មោះ ជឹម វុធ ហៅថូត ជាអ្នកបម្រើនៅផ្ទះរបស់លោកស្រី ចែវ សុវឌ្ឍនា ត្រូវតុលាការផ្តន្ទាទោសដាក់ពន្ធនាគារក្នុងម្នាក់ៗ កំណត់រយៈពេល ២ឆ្នាំ។ ទោះជាយ៉ាងណា សាលក្រមរបស់តុលាការបានបើកសិទ្ធិជូនជនជាប់ចោទ ដើម្បីប្តឹងឧទ្ធរណ៍តាមកំណត់ច្បាប់។ សូមបញ្ជាក់ថា តុលាការបានចោទប្រកាន់លើជនជាប់ចោទ ឈ្មោះ ឡាយ វណ្ណៈ ភេទប្រុស អាយុ ៤៥ឆ្នាំ អតីតអភិបាលខេត្តតាកែវ និ...

ប្រព័ន្ធផ្សព្វផ្សាយ Aljazeera បានចុះផ្សាយថា ក្រុមបាតុករគាំទ្រប្រជាធិបតេយ្យ បានចេញធ្វើបាតុកម្មរំខានដល់សេវាកម្មធ្វើដំណើរនានានៅទីក្រុងហុងកុង មានសេវាកម្មផ្លូវរថយន្តភ្លើង រថយន្តក្រុង និងសេវាកម្មតាមផ្លូវអាកាស នៅថ្ងៃចន្ទ ទី០២ ខែកញ្ញានេះ ។ ក្រុមអាជ្ញាធរហុងក្រុង បានប្រកាសផ្អាកសេវាកម្មដឹកជញ្ជូនតាមរថភ្លើង តាមរថយន្តក្រុង ទៅកាន់អាកាសយានដ្ឋាន និងទីកាន់តំបន់មួយចំនួន ខណៈដែលក្រុងបាតុករបានធ្វើបាតុកម្មនៅអាកាសយានដ្ឋាន ។ នៅថ្ងៃចន្ទនេះ ភាពតានតឹង និងការប្រឈមមុខដាក់គ្នារវាងក្រុមបាតុករ និងកងកម្លាំងប៉ូលីសនៅទីក្រុងហុងកុង បានឡើងកំដៅកាន់តែខ្លាំង ខណៈដែលក្រុមបាតុករបានចេញធ្វើបាតុកម្មកាន់តែច្រើនប្រឆាំងមេដឹកនាំទីក្រុងនេះ ៕...

ប្រធានអង្គការសុខភាពពិភពលោក WHO ប្រចាំនៅសាធារណរដ្ឋប្រជាធិបតេយ្យ កុងហ្គោ បានបង្ហាញរបាយការណ៍មួយ នៅថ្ងៃអាទិត្យ ទី០១ ខែកញ្ញានេះ អំពីការឆ្លងរាលដាលនៃជម្ងឺអេបូឡានៅក្នុងប្រទេសមួយនេះ ទៅកាន់មនុស្សប្រមាណជាង៣០០០នាក់ ដែលក្នុងចំណោមអ្នកជម្ងឺអេបូឡាទាំជាង៣០០០នាក់នេះ អ្នកជម្ងឺចំនួន ១៨៩៣ នាក់បានបាត់បង់ជីវិត និង៩០០នាក់ត្រូវបានជួយសង្គ្រោះ ។ ការបង្ហាញរបាយការណ៍របស់អង្គការ WHO អំពីជម្ងឺអេបូឡា ត្រូវបានធ្វើឡើងនៅថ្ងៃដដែលនេះ អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គោតេរ៉េស (Antonio Guterres) បានធ្វើដំណើរទស្សនកិច្ចទៅកាន់ទីក្រុង ហ្គោម៉ា (Goma) ភាគខាងកើតនៃសាធារណរដ្ឋប្រជាធិបតេយ្យ កុងហ្គោ ក្នុងយុទ្ធនាការប្រយុទ្ធប្រឆាំងជម្ងឺអេបូឡា ។ របាយការណ៍របស់អង្គការ WHO បានបង្ហាញបន្ថែមថា អង្គការនេះបានចាក់វ៉ាក់សាំងបង្ការជម្ងឺអេបូឡាដល់ប្រជាពលរដ្ឋកុងហ្គោប្រមាណជាង២០ម៉ឺននាក់ ប៉ុន្តែជម្ងឺនេះនៅតែឆ្លងរាលដាលពីមនុស្សម្នាក់ទៅកាន់មនុ...

ភ្នំពេញ​៖ ក្រសួងការបរទេស និងសហប្រតិបត្តិការណ៍អន្តរជាតិ ​នៅ​ថ្ងៃទី​៣០​សីហា​នេះ​បានប្រកាសថា ​តប​តាម​ការអញ្ជើញ​របស់​​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​​ព្រះរាជាណាចក្រ​កម្ពុជា លោក​បណ្ឌិត មហា​ធា មហាម៉ាត់ នាយករដ្ឋមន្ត្រី​ម៉ាឡេស៊ី និង​ភរិយា  នឹង​ដឹកនាំ​គណៈប្រតិភូ​ជាន់ខ្ពស់​អញ្ជើញ​មក​បំពេញ​ទស្សនកិច្ច​ផ្លូវការ នៅ​ព្រះរាជាណាចក្រ​កម្ពុជា ពីថ្ងៃ​ទី ០២-០៤ ខែកញ្ញា ឆ្នាំ​២០១៩ ។​ ក្រសួងការបរទេស បញ្ជាក់ថា «​ដំណើរ​ទស្សនកិច្ច​ផ្លូវការ​របស់​លោក​បណ្ឌិត​មហា​ធា មហាម៉ាត់ នៅ​កម្ពុជា នឹង​​រួម​ចំណែក​​កាន់តែ​ប្រសើរ​ក្នុងការ​ពង្រឹង និង​ធ្វើ​ឲ្យ​កាន់តែ​ស៊ីជម្រៅ​បន្ថែមទៀត នូវ​ចំណង​មិត្តភាព​និង​កិច្ចសហប្រតិបត្តិការ​ជិតស្និទ្ធ​ដ៏​ល្អ​រវាង​កម្ពុជា​និង​ម៉ាឡេស៊ី ទាំង​នៅក្នុង​ក្របខ័ណ្ឌ​ទ្វេភាគី តំបន់ និង​អន្តរជាតិ​» សេចក្តីប្រកាស បានបញ្ជាក់ថា ក្នុងអំឡុង​ទស្សនកិច្ច​នេះលោកនាយករដ្ឋមន្ត្រី​ម៉ា​ឡា​ស៊ី ន...

កងទ័ពរំដោះប្រជាជនចិន (PLA) ដែលជាកងទ័ពប្តូរវេនប្រចាំទីក្រុងហុងកុង នឹងមិននៅស្ងៀមទេចំពោះអំពើហិង្សានៅទីក្រុងនេះ ពីសំណាក់ក្រុមបាតុករ ដែលប្រើអំពើហិង្សាក្នុងក្បូនបាតុកម្មរបស់ខ្លួននោះ ។​នេះយោងបើតាមការចុះផ្សាររបស់កាសែត China Daily ដែលបានចុះផ្សាយនៅថ្ងៃសុក្រ ទី៣០ ខែសីហានេះ ។ កាសែត China Daily បានចុះផ្សាយបែបនេះក្រោយពីកងកម្លាំងយោធាប្តូរវេនរបស់រដ្ឋាភិបាលចិននៅទីក្រុងនេះ បានចល័តវេនថ្មី រួមទាំងបញ្ជូនគ្រឿងយុទ្ធោបករណ៍បន្ថែមទៅកាន់ទីក្រុងហុងកុង ខណៈកងអាវុធហត្ថជាច្រើនកងទៀត នៅប្រចាំការនៅជិតព្រំដែនហុងកុង ។ ក្បួនបាតុកម្មរបស់ប្រជាបាតុករនៅហុងកុង បានអូសបន្លាយអស់រយៈពេល១២សប្តាហ៍កន្លងមកហើយ ហើយក្បួនបាតុកម្មនេះ បានធ្វើឲ្យប៉ះពាល់យ៉ាងខ្លាំងដល់ស្ថិរភាពសន្តិសុខ និងសេដ្ឋកិច្ចនៅទីក្រុងនេះ ដែលធ្លាប់ទទួលបានកិត្តនាមថា ជាមជ្ឈមណ្ឌលហិរញ្ញវត្ថុអាស៊ី និងពិភពលោក ៕...

ទីភ្នាក់ងារព័ត៌មាន Xinhua បានចុះផ្សាយថា ប្រធានាធិបតីរបស់ប្រទេសចិន លោក ស៊ី ជីនពីង (Xi Jinping) បានទទួលជួបប្រធានាធិបតីរបស់ប្រទេសហ្វីលីពីន លោក រ៉ូឌ្រីហ្គោ ឌូទែរតេ (Rodrigo Duterte) នៅទីក្រុងប៉េកាំងប្រទេសចិន កាលពីថ្ងៃព្រហស្បតិ៍ ទី២៩ ខែសីហានេះ ។ ក្នុងជំនួបនោះ លោក ស៊ី ជីនពីង បានឲ្យដឹងថា ចិន និងហ្វីលីពីន អាចបោះជំហានដ៏ធំមួយក្នុងការចូលរួមអភិវឌ្ឍន៍ធនធានប្រេង និងឧស្ម័ននៅសមុទ្រចិនខាងត្បូង ដែលនឹងផ្តល់ផលប្រយោជន៍យ៉ាងច្រើនដល់ប្រទេសទាំងពីរ ។ សូមបញ្ជាក់ថា ហ្វីលីពីនគឺជាប្រទេសសម្ព័ន្ធមិត្តចាក់ទឹកមិនលិចជាមួយសហរដ្ឋអាមេរិក ប៉ុន្តែក្នុងរដ្ឋការរបស់លោកប្រធានាធិបតី ឌូទែរតេ ហ្វីលីពីនហាក់ដូចជាងាកទៅជិតស្និទ្ធយ៉ាងខ្លាំងជាមួយប្រទេសចិន ដោយទុកអាមេរិកឲ្យនៅមួយឡែក ៕...