ព័ត៌មានទាន់ហេតុការណ៍

លោក រ៉ូបឺត ឡាយធីស័រ (Robert Lightizer) តំណាងផ្នែកពាណិជ្ជកម្មរបស់សហរដ្ឋអាមេរិក បានថ្លែងកាលពីថ្ងៃអាទិត្យ ទី១៥ ខែធ្នូនេះថា សហរដ្ឋអាមេរិកអាចនាំចេញទំនិញគ្រប់ប្រភេទទៅកាន់ទីផ្សាររបស់ប្រទេសចិន ក្នុងបរិមាណច្រើនជាងពីរដង បើប្រៀបធៀបនឹងឆ្នាំ២០១៩នេះ ចាប់ពីឆ្នាំ២០២០ ខាងមុខ តទៅ ។ នេះបើតាមការចុះផ្សាយរបស់ Reuters ។ លោក រ៉ូបឺត ឡាយធីស័រ បានបន្តថា កំណើនពីរដងនៃបរិមាណទំនិញអាមេរិក ដែលនឹងនាំចេញទៅកាន់ទីផ្សារចិន គឺភាគច្រើនជាងផលិតផលកសិកម្ម មានសណ្តែងសៀង សាច់គោ សាច់ជ្រូក និងផលិត ផល កសិកម្មជាច្រើនមុខផ្សេងទៀត ដែលអាចជួយពង្រីកទីផ្សាររបស់ប្រជាកសិករអាមេរិកបានយ៉ាងច្រើន ។ សូមបញ្ជាក់ថា នៅចុងឆ្នាំ២០១៩នេះ ស្ថានភាពសង្គ្រាមពាណិជ្ជកម្ម រវាងប្រទេសចិន និងសហរដ្ឋអា មេរិក ហាក់ដូចជាធូរស្រាលបន្តិច ក្រោយពីប្រទេសមហាអំណាចសេដ្ឋកិច្ចលំដាប់លេខ១ និងលេខ២លើពិភពលោក បានផ្តល់សម្បទានឲ្យគ្នាទៅវិញទៅមក ដោយចិនបានសម្រេចទទួលទិញផលិតផលកសិកម្ម ពីប្រជាកសិក...

ទីភ្នាក់ងារព័ត៌មាន RIA បានចុះផ្សាយថា រុស្ស៊ីបានបង្ហាញក្តីបារម្ភយ៉ាងខ្លាំងនៅថ្ងៃសុក្រ ទី១៣ ខែធ្នូនេះ ចំពោះការបាញ់ សាកល្បងមីស៊ីលបាលីស្ទិក ថ្មីរបស់សហរដ្ឋអាមេរិក ដែលត្រូវបានហាមឃាត់ដោយសន្ធិសញ្ញានុយក្លេអ៊ែរកម្លាំងមធ្យម (Intermediat-range nuclear Forces Treaty) ដែលហៅកាត់ថា INF រវាងរុស្ស៊ី និងអាមេរិក ។ លោក វ៉្លាឌីមៀរ អឺម៉ាកូ (Vladimir Ermakov) ប្រធានផ្នែកគ្រប់គ្រង និងមិនសាយភាយអាវុធរបស់ក្រសួងការបរទេសរុស្ស៊ី បាននិយាយថា រុស្ស៊ីមានការភ្ញាក់ផ្អើលយ៉ាងខ្លាំងចំពោះការសាកល្បងមីស៊ីលប្រភេទថ្មីនេះ ហើយលោកនឹងកត់ត្រាទុកនូវសកម្មភាពបំពាន់កសន្ធិសញ្ញា INF ពីសហរដ្ឋអាមេរិក ។ រុស្ស៊ីបានបង្ហាញក្តីបារម្ភ ក្រោយពីអាមេរិកបានបាញ់សាកល្បងមីស៊ីលបាលីស្ទិកថ្មី កាលពីថ្ងៃព្រហស្បតិ៍ ទី១២ ខែធ្នូដដែល ដែលជាការរំលោភបំពានយ៉ាងធ្ងន់ធ្ងរដល់សន្ធិសញ្ញា INF ដែលត្រូវបានចុះហត្ថលេខាដោយអាមេរិក និងអតីតសហភាពសូវៀត កាលពីឆ្នាំ១៩៨៧កន្លងទៅ ៕ ...

យោងតាមការចុះផ្សាយរបស់ Reuters បានឲ្យដឹងថា មន្ត្រីសេតវិមានសហរដ្ឋអាមេរិក បានចេញសេចក្តីប្រកាសមួយកាលពីថ្ងៃព្រហស្បតិ៍ ទី១២ ខែធ្នូនេះ ស្តីពីប្រទេសចិន ដែលបានសម្រេចទទួលទិញផលិតផលកសិកម្មពីប្រជាកសិករសហរដ្ឋអាមេរិកក្នុងតម្លៃទឹកប្រាក់ប្រមាណ៥០ពាន់លានដុល្លារបន្ថែមទៀត ចាប់ផ្តើមពីឆ្នាំ២០២០ខាងមុខនេះទៅ ។ មន្ត្រីសេតវិមានដដែលបានបន្តថា អាមេរិកក៏បានយល់ព្រមផងដែរ ក្នុងការផ្អាកការដំឡើងតម្លៃពន្ធនាំចូលពីប្រទេសចិនក្នុងតម្លៃទឹកប្រាក់ប្រមាណ១៦០ពាន់លានដុល្លារ ដែលអាមេរិកនឹងដាក់ឲ្យចូលជាធរមាននៅថ្ងៃទី១៥ ខែធ្នូ ឆ្នាំ២០១៩នេះ ។ មន្ត្រីកសិកម្មរបស់សហរដ្ឋអាមេរិកបាននិយាយថា កាលពីឆ្នាំ២០១៧កន្លងទៅ ចិនបានទិញផលិតផលកសិកម្ម ពីប្រជាកសិករអាមេរិក ត្រឹមតែតម្លៃទឹកប្រាក់ប្រមាណ ២៤ពាន់លានដុល្លារប៉ុណ្ណោះ ហើយនៅ ពេលនេះ ចិនបានសម្រេចទិញបន្ថែមទៀតក្នុងតម្លៃទឹកប្រាក់៥០ពាន់លានដុល្លារ ដែលនេះជាសញ្ញាធូរស្រាលមួយក្នុងសង្គ្រាមពាណិជ្ជកម្មរវាងប្រទេសមហាអំណាចសេ...

ក្រុមអ្នកជំនាញផ្នែកសេដ្ឋកិច្ចរបស់សហរដ្ឋអាមេរិកបានបង្ហាញថា កំណើនសេដ្ឋកិច្ចរបស់ប្រទេសមហាអំណាចមួយនេះ ក្នុងរដ្ឋការរបស់លោកប្រធានាធិបតី ដូណាល់ ត្រាំ គឺមានលក្ខណៈល្អប្រសើរជាងក្នុងរដ្ឋ ការរបស់អតីតប្រធានាធិបតី បារ៉ាក់ អូបាម៉ា  ។ នេះបើយោងតាមការចុះផ្សាយរបស់ប្រព័ន្ធផ្សព្វផ្សាយ Yahoo Finance ។ ក្រុមអ្នកជំនាញដដែលបានបន្តបង្ហាញថា ក្នុងរយៈពេលជិត១២ខែ នៃឆ្នាំ២០១៩នេះ អត្រាប្រជាពលរដ្ឋអាមេរិកគ្មានការងារធ្វើ បានធ្លាក់ទៅក្នុងកម្រិតទាបបំផុតត្រឹមតែ៣.៧% ប៉ុណ្ណោះ ដែលជាអត្រាគ្មានការងារធ្វើកម្រិតទាប គិតចាប់តាំងពីរយៈពេលជាងកន្លះទសវត្សរ៍កន្លងមកនេះ ។ ចំពោះស្ថិរភាពតម្លៃហិរញ្ញវត្ថុ និងអតិផរណា តម្លៃទំនិញនៅលើទីផ្សារ មានការប្រែប្រួលតិចតួចដែរ ក្នុង រយៈពេលជិតពេញមួយអាណត្តិដែលលោក ត្រាំ បានកាន់តំណែងជាប្រធានាធិបតី ហើយការនាំចេញក៏មានការកើនឡើងដែរ ក្រោយពីលោក ត្រាំ បានតម្រូវឲ្យប្រទេសដៃគូពាណិជ្ជកម្មជាមួយអាមេរិក បើក ចំហរទីផ្សារបន្ថែម ៕...

ប្រធានាធិបតី និងមន្ត្រីរដ្ឋាភិបាលរបស់សហរដ្ឋអាមេរិករហូតដល់៣ជំនាន់ គឺជំនាន់លោកប្រធានា ធិបតី ចច ដាប់ប៊ែលយូ ប៊ូស (George W.Bush) លោក បារ៉ាក់ អូបាម៉ា (Barack Obama) និងលោកប្រធានាធិបតី ដូណាល់ ត្រាំ (Donald Trump) បានបន្តកុហកបោកប្រាស់ និងបំភាន់មតិប្រជាពលរដ្ឋរបស់ខ្លួនឯងមិនទាន់បញ្ចប់នៅឡើយពាក់ព័ន្ធនឹងបរាជ័យរបស់អាមេរិកក្នុងសង្គ្រាមនៅប្រទេសអាហ្វ ហ្កានិស្ថាន។ នេះបើតាមការចុះផ្សាយរបស់ប្រព័ន្ធផ្សព្វផ្សាយ Washington Post ។ Washington Post បានចុះផ្សាយបែបនេះ ដោយផ្អែកទៅលើឯកសារសម្ងាត់របស់រដ្ឋាភិបាលអាមេរិកប្រមាណជាង២០០០ច្បាប់ស្តីពីសង្គ្រាមនៅប្រទេសអាហ្វហ្កានិស្ថាន ដែលបានបែកធ្លាយ និងត្រូវបានចុះផ្សាយដោយប្រព័ន្ធផ្សព្វផ្សាយមួយនេះ ។ ឯកសារសម្ងាត់ទាំងជាង២០០០ច្បាប់នោះបានបង្ហាញថា សហរដ្ឋអាមេរិកបានទទួលបរាជ័យទាំងស្រុងក្នុងសង្គ្រាម នៅប្រទេសអាហ្វហ្កានិស្ថាន ដោយសារតែសង្គ្រាមនេះ បានចាប់ផ្ទុះឡើងចាប់តាំងពីឆ្នាំ ២០០១  ដោយអតីត...

ភ្នំពេញ៖ លោកប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានជួបគណៈប្រតិភូនៃសមាគមជប៉ុន-កម្ពុជា (Japan-Cambodia Association) ដឹកនាំដោយ លោក តាកាហាឈី ហ្វូមីអាគី (Takahashi Fumiaki) កាលពីថ្ងៃទី១១ ខែធ្នូ ឆ្នាំ២០១៩ នេះ ។ លោករដ្ឋមន្ត្រី ប៉ាន សូរស័ក្ដិ បានថ្លែងថា ប្រទេសជប៉ុន តែងតែជួយគាំទ្រដល់ប្រទេសកម្ពុជា ហើយបានរួមចំណែកដល់ការអភិវឌ្ឍប្រទេសកម្ពុជាឲ្យមានការរីកចំរើនឡើង។ ធ្វើឲ្យកម្ពុជាទទួលបាននូវអត្រាកំណើនសេដ្ឋកិច្ចជាមធ្យម ៧% ក្នុងរយៈពេល ២ ទសវត្សចុងក្រោយ ហើយបានប្រែក្លាយប្រទេសកម្ពុជាពីប្រទេសទទួលបានចំណូលទាប មកជាប្រទេសទទួលបានចំណូលមធ្យមកម្រិតទាបនៅឆ្នាំ២០១៥។ ការវិនិយោគដោយក្រុមហ៊ុនជប៉ុន ជាវិនិយោគិនឈានមុខគេនៅកម្ពុជា ប្រកបដោយគុណភាពដូចជាផ្សារទំនើបអ៊ីអន ក្រុមហ៊ុនមីនីប៊ែរ-មីតស៊ូមី និងមន្ទីរពេទ្យសាន់រ៉ាយ បានរួមចំណែកជាមួយ នឹងក្រុមហ៊ុនជប៉ុនជាច្រើនទៀត ។ ដូចជាការផលិតគ្រឿងបង្គុំ អគ្គិសនី និងអេឡិច ត្រូនិក គ្រឿងបង្...