ព័ត៌មានជាតិ

ក្រសួងពាណិជ្ជកម្មរបស់សហរដ្ឋអាមេរិក បានចេញសេចក្តីប្រកាសមួយ កាលពីថ្ងៃព្រហស្បតិ៍ ទី១៦ ខែកក្កដានេះ ស្តីពីកំណើននៃការលក់រាយនៅក្នុងប្រទេសនេះ ដែលបានកើនឡើង៧.៥% កាលពីខែមិថុនា ដែលជាកំណើននៃការលក់រាយខ្ពស់ចាប់តាំងពីមានការផ្ទុះរាលដាលវីរុសCovid-19 ដែលនេះបើតាមការចុះផ្សាយរបស់ NHK។ ប្រភពដដែលបានបន្តថា កំណើននៃការលក់រាយ៧.៥% គឺស្មើនឹងទឹកប្រាក់ប្រមាណជាង៥២៤.៣ពាន់លានដុល្លារ ដែលជាកំណើននៃការលក់រាយខ្ពស់ ខណៈដែលរដ្ឋមួយចំនួននៅក្នុងប្រទេសនេះ បានបន្ធូរបន្ថយវិធានការបិទប្រទេស និងបើកសេដ្ឋកិច្ចជាបណ្តើរៗ ដែលជាវិធានការទប់ស្កាត់ការឆ្លងរាលដាលវីរុសCovid-19។ ចំណែកការលក់រាយរថយន្ត និងគ្រឿងបន្លាស់រថយន្តគ្រប់ប្រភេទ បានកើនឡើងដល់៨.២% ប៉ុន្តែការលក់ទំនិញតាមប្រព័ន្ធអនឡាញបានធ្លាក់ចុះ២.៤% ទោះបីជារដ្ឋាភិបាលបានបន្ធូរបន្ថយវិធានការរឹតត្បិតប្រទេសក៏ដោយ៕...

ភ្នំពេញ៖ បន្ទាប់ពីចាប់ផ្តើមដំណើរការ បើកការដ្ឋានសាងសង់កាលពីឆ្នាំ២០១៧ និងដាក់ឱ្យដំណើរការសាកល្បងកាលពីថ្ងៃទី១៨ ខែតុលា ឆ្នាំ២០១៩រួចមកនៅខែកក្កដា នេះលោក ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្កន៍ អមដំណើរដោយថ្នាក់ដឹកនាំ និងមន្ត្រីជំនាញរបស់ក្រសួង និងតំណាងរដ្ឋាករទឹកស្វយ័តក្រុងភ្នំ ពេញ និងលោកស្រី Ophélie Bourhis ប្រធានទី ភ្នាក់ងា របារាំងសម្រាប់ការអភិវឌ្ឍន៍(AFD)ប្រចាំកម្ពុជា បានអញ្ជើញចុះ ពិនិត្យជាក់ស្តែងការ ដាក់ឱ្យដំ ណើរការសាកល្បងនៃគម្រោងពង្រីកសមត្ថភាពរោងចក្រប្រព្រឹត្តិកម្មទឹកស្អាតចំការមន ដែលមានទីតាំងស្ថិតនៅ សង្កា ត់ ទន្លេបាសាក់ ខ័ណ្ឌចំការមន រាជធានីភ្នំពេញ។ នេះបើតាមផេកក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្កន៍ គម្រោងសាងសង់ពង្រីកសមត្ថភាពរោងចក្រប្រព្រឹត្តិកម្មទឹកស្អាត ចំការមន គឺជាគម្រោងដែលបានកំណត់ក្នុងផែនការមេទី៣ របស់អង្គភាពរដ្ឋាករ...

ក្រសួងការបរទេសរបស់សហរដ្ឋអាមេរិក បានចេញសេចក្តីថ្លែងការណ៍មួយ កាលពីថ្ងៃចន្ទ ទី១៣ ខែកក្កដានេះ ដោយចោទប្រកាន់ប្រទេសចិន ពីបទរំលោភបំពានយកដែនទឹកនៅសមុទ្រចិនខាងត្បូងដោយខុសច្បាប់អន្តរជាតិ ដែលនេះបើតាមការចុះផ្សាយរបស់ Xinhua។ នៅថ្ងៃដដែលនោះ អ្នកនាំពាក្យស្ថានទូតរបស់ប្រទេសចិនប្រចាំនៅទីក្រុងវ៉ាស៊ីតោន សហរដ្ឋអាមេរិក បានប្រកាសច្រានចោលនូវការចោទប្រកាន់របស់អាមេរិក ដោយបានលើកឡើងថា ការអះអាងកម្មសិទ្ធិនៅដែនទឹកក្នុងសមុទ្រខាងត្បូង គឺជាការអះអាងដោយស្របច្បាប់ ដែលអាមេរិកវិញទេជាអ្នករំលោភបំពានលើដែនទឹករបស់ចិន។ សូមបញ្ជាក់ជូនថា នេះមិនមែនជាលើកដំបូងទេសម្រាប់សហរដ្ឋអាមេរិក និងប្រទេសចិន ដែលបានប៉ះពាក្យសម្តីគ្នាពាក់ព័ន្ធនឹងបញ្ហានៅសមុទ្រចិនខាងត្បូង ដែលសហរដ្ឋអាមេរិក បានបញ្ជូននាវាចម្បាំងទៅកាន់ទីនោះជាញឹកញាប់ក្នុងគោលដៅធានានាវាចរណ៍នៅលើដែនទឹកអន្តរជាតិ ប៉ុន្តែចិនតែងតែបញ្ជូននាវាចម្បាំងទៅឃ្លាំមើលជានិច្ច និងចោទប្រកាន់អាមេរិកពីបទរំលោភដែនទឹករប...

កំពត៖ ដោយមើលឃើញថា ការសាងសង់ផ្លូវបេតុងលើកំណាត់ផ្លូវជាតិលេខ៣ ចាប់ពី ចំណុចផ្លូវរថភ្លើងក្រុងកំពត មកដល់ភ្លើងស្តុបផ្សារសាមគ្គីទីរួមខេត្តកំពត មានការយឺតយ៉ាវ បង្កឲ្យមានការកកស្ទះពិបាកធ្វើដំណើរ និងប៉ះពាល់ដល់ការប្រកបមុខរបស់រកស៊ីទទួល ទានរបស់ពលរដ្ឋរស់នៅជាប់ដងផ្លូវ អភិបាលខេត្តកំពត បានចុះទៅជំរុញដល់ ក្រុមហ៊ុនជាលើកទី២ ឲ្យពន្លឿនការសាងសង់ឲ្យរួចរាល់យ៉ាងឆាប់រហ័សបំផុត ហើយប្រកបដោយស្តង់ដាបច្ចេកទេសត្រឹមត្រូវ។ មានប្រសាសន៍នៅក្នុងដំណើរចុះត្រួតពិនិត្យការដ្ឋានស្ថាបនាសាងសង់ផ្លូវជាតិលេខប៣ ចាប់ពីចំណុច ផ្លូវរថភ្លើងក្នុងក្រុងកំពតមកដល់ចំណុចស្តុបផ្សារសាមគ្គីទីរួមខេត្តកំពត នៅល្ងាចថ្ងៃទី១៤ ខែកក្កដា ឆ្នាំ២០២០ លោក ជាវ តាយ អភិបាលខេត្តកំពត បានលើកឡើងថា គម្រោងស្ថាបនាផ្លូវជាតិ លេខ៣ចាប់ពីភ្លើងស្តុបផ្លូវបំបែកផ្សារសាមគ្គីទីរួមខេត្តកំពត ទៅដល់ផ្លូវរថភ្លើង គឺជាគម្រោងផ្លូវបេតុងសរសៃដែក មានប្រវែង ១១០០ម៉ែត្រ ទទឹង១២,៨ម៉ែត្រ កម្រាស់ ២,៤តឹក (០,២...