សារព័ត៌មានដេលីខ្មែរ

កំពង់ស្ពឺ៖ រដ្ឋមន្ត្រីក្រសួងរ៉ែ និងថាមពល លោក កែវ រតនៈ បានលើកឡើងថា ក្រសួងមិនបន្តចេញអាជ្ញាប័ណ្ណ ឬច្បាប់ថ្មីដល់ការដ្ឋានវាយនិងកិនថ្មទៀតទេសម្រាប់រាជរដ្ឋាភិបាលនីតិកាលទី៧ នេះ ដោយរក្សាទីតាំង និងការដ្ឋានចាស់ឱ្យនៅដដែល។ ការលេីកឡេីងដូចនេះក្នុងពេចុះជួប និងផ្សព្វផ្សាយដល់កម្មករនិយោជិតរ៉ែដែលកំពុងបំពេញការងារក្នុងការដ្ឋានរ៉ែផ្ទាល់ ដើម្បីប្រមូលធាតុចូលឱ្យបានគ្រប់ជ្រុងជ្រោយ និងអាចអនុវត្តបានពីគ្រប់ភាគីពាក់ព័ន្ធ នៅថ្ងៃទី១៣ ខែមីនា ឆ្នាំ២០២៤។ លោក កែវ រតនៈ បានបញ្ជាក់ថា ការដែលក្រសួងមិនអនុញ្ញាតឱ្យមានការដ្ឋានថ្មី ដោយសារតែការផ្គត់ផ្គង់ថ្មសំណង់នៅទូទាំងប្រទេស គ្រប់គ្រាន់ហើយ។ ដូចនេះក្រសួងចង់រៀបចំតំបន់ឱ្យបានត្រឹមត្រូវ ល្អជាងមុន ដោយមិនឱ្យមានការវាយភ្នំយកថ្មកញ្ឆេតកញ្ឆូតគ្រប់កន្លែងទៀតទេ។ លោករដ្ឋមន្ត្រីក្រសួង បានលើកឡើងថា ទោះបីការដ្ឋានថ្មីមិនត្រូវបានអនុញ្ញាត ប៉ុន្តែក្រសួងធានាថា មិនខ្វះថ្មសំណង់ទេនៅទូទាំងប្រទេស ហើយក៏ធានាមិនឱ្យ...

(ភ្នំពេញ)៖ លោក វ៉ា រុតសាន រដ្ឋលេខាធិការក្រសួងពាណិ ជ្ជកម្ម និងលោក យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់និងនេសាទ និងជាប្រធានក្រុមការងារសម្របសម្រួលខ្សែច្រវាក់តម្លៃផលិតផលកសិកម្មកាលពីព្រឹកថ្ងៃពុធ ទី១៣ ខែមីនា ឆ្នាំ២០២៤នេះ នៅទីស្តីការក្រសួងពាណិជ្ជកម្មដឹកនាំកិច្ចប្រជុំពិភាក្សាអំពីស្ថានភាពតម្លៃស្វាយចន្ទីនាពេលបច្ចុប្បន្ននិងរកវិធានការណ៍ដោះស្រោយ។ កម្មវិធី ដោយមានការអញ្ជើញចូលរួមពី លោក លោកស្រី ដែលជាតំណាងក្រសួង-ស្ថាប័នពាក់ព័ន្ធរដ្ឋបាលខេត្តពាក់ព័ន្ធសហព័ន្ធស្វាយចន្ទីកម្ពុជា សមាគមស្វាយចន្ទីកម្ពុជា ក្រុមហ៊ុនកែច្នៃនិងក្រុមហ៊ុននាំចេញស្វាយចន្ទី។ កិច្ចប្រជុំនេះ រៀបចំឡើងក្នុងគោលបំណងដើម្បីសិក្សាពីបញ្ហាជុំវិញការធ្លាក់ថ្លៃស្វាយចន្ទីកម្ពុជា និងពិភាក្សារកវិធានការណ៍ឆ្លើយតបឱ្យបានទាន់ពេលវេលា។...

(ភ្នំពេញ)៖ លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅរសៀលថ្ងៃអង្គារ ទី១២ ខែមីនាឆ្នាំ២០២៤ បានជំរុញឱ្យក្រុមហ៊ុនប៊ូយ៉ុង(Boo Young)ដែលជាក្រុមហ៊ុនដ៏ធំរបស់កូរ៉េខាងត្បូង ឱ្យទទួលយកនិស្សិត និងសិក្ខាកាមរបស់កម្ពុជាឱ្យចុះកម្មសិក្សា និងការហ្វឹកហ្វឺន ដើម្បីដកស្រង់បទពិសោធន៍ការងារ និងពង្រឹងសមត្ថភាពបច្ចេកទេសក្នុងក្រុមហ៊ុនស្តង់ដាអន្តរជាតិមួយនេះ។ ការជំរុញដូចនេះ គឺក្នុងពេលដែលឯកឧត្តមរដ្ឋមន្ត្រី បានអនុញ្ញាតឱ្យលោក យ៉ុងមេន លី(Yong Man Lee)ប្រធានក្រុមហ៊ុនប៊ូយ៉ុង(Boo Young)ប្រចាំនៅព្រះរាជាណាចក្រកម្ពុជា ចូលជួបសំដែងការគួសម និងពិភាក្សាការងារនៅទីស្តីការក្រសួង។ លោករដ្ឋមន្ត្រីបានគូសបញ្ជាក់ពីចំណុចសំខាន់នៃការផ្តល់ឱកាសកម្មសិក្សាដែលក្រុមហ៊ុនអាចទទួលយកនិស្សិត សិស្ស និងសិក្ខាកាមពីគ្រប់កម្រិតតាំងពីថ្នាក់ជំនាញបច្ចេកទេស កម្រិតការងាររដ្ឋបាល រហូតដល់កម្រិតគ្រប់គ្រងដើម្បីជួយកសាងសមត្ថភាពចំណេះជំនាញដល់យុវជនកម្ព...

(ភ្នំពេញ)៖លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃចន្ទ ទី១១ ខែមីនា ឆ្នាំ២០២៤នេះ បានអំពាវនាវឱ្យដៃគូអន្តរជាតិ ផ្តោតលើការពង្រឹងការបណ្តុះបណ្តាលសមត្ថភាពដល់ជនមានពិការភាពនៅកម្ពុជាដើម្បីផ្តល់ឱកាសការងារឱ្យកាន់តែទូលំទូលាយ និងមានជម្រើសកាន់តែច្រើន។ ការអំពាវនាវបែបនេះ គឺធ្វើឡើងក្នុងពេលដែលលោករដ្ឋមន្ត្រីបានអញ្ជើញចូលរួមក្នុងវេទិកាជាតិស្ដីពី «បរិយាបន្នពិការភាព និងការងារសមរម្យនៅប្រទេសកម្ពុជា» ដែលមានដៃគូអភិវឌ្ឍអន្តរជាតិនានា បានចូលរួម។ លោករដ្ឋមន្ត្រី បានគូសបញ្ជាក់ថា ការពង្រឹងសមត្ថភាពនឹងក្លាយជាកត្តាមួយដ៏សំខាន់ក្នុងការបង្កើតឱកាសដល់ជនមានពិការភាពឱ្យទទួលបានការអភិវឌ្ឍខ្លួនឱ្យស្របទៅតាមតម្រូវការទីផ្សារការងារដែលមានភាពបត់បែននិងសម្របសម្រួលខ្ពស់។ បើតាមលោករដ្ឋមន្ត្រី ការផ្តោតលើការអភិវឌ្ឍនិងពង្រឹងសមត្ថភាព រួមទាំងការបង្កលទ្ធភាពជូនជនមានពិការភាព គឺជាការចូលរួមជាមួយរាជរដ្ឋាភិបាលកម្ពុជា សម្រ...

(ភ្នំពេញ)៖លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានថ្លែងថា ការអភិវឌ្ឍជំនាញបច្ចេកទេសវិជ្ជាជីវៈ គឺជាគន្លឹះដ៏សំខាន់ក្នុងការកសាងសមត្ថភាពពលរដ្ឋកម្ពុជាឱ្យក្លាយជាកម្លាំងពលកម្មជំនាញដែលមានផលិតភាពខ្ពស់សម្រាប់ទាក់ទាញការវិនិយោគបន្ថែម និងជាចន្ទល់ដ៏រឹងមាំសម្រាប់កម្ពុជាប្រែក្លាយជាប្រទេសរីកចម្រើននាពេលខាងមុខ។ លោករដ្ឋមន្ត្រីបានលើកឡើងបែបនេះក្នុងពិធីប្រកាសដាក់ឱ្យអនុវត្ត “កម្មវិធីអភិវឌ្ឍន៍ជំនាញសម្រាប់សេដ្ឋកិច្ចនាពេលអនាគត”ដែលធ្វើឡើងនារសៀលថ្ងៃចន្ទ ទី១១ ខែមីនា ឆ្នាំ២០២៤ នាទីស្តីការក្រសួង។ នៅចំពោះមុខដៃគូអន្តរជាតិដូចជាធនាគារអភិវឌ្ឍន៍អាស៊ី(ADB) និងទីភ្នាក់ងារបារាំងសម្រាប់អភិវឌ្ឍន៍(AFD)លោករដ្ឋមន្ត្រីបានពន្យល់ថា ការបណ្តុះបណ្តាលជំនាញនេះ នឹងធ្វើឱ្យកម្ពុជាក្លាយទៅជាប្រទេសដែលសម្បូរដោយកម្លាំងពលកម្មជំនាញប្រកបដោយភាពទាក់ទាញសម្រាប់វិនិយោគបរទេសដែលកំពុងបង្វែរការបោះទុនមកកាន់តំបន់អាស៊ីអាគេ្នយ៍ ហើយតាមរ...

ភ្នំពេញ: ក្លិបអ្នកកាសែតកម្ពុជា (ក.អ.ក) កាលពីព្រឹកថ្ងៃទី១១ ខែមីនា ឆ្នាំ២០២៤ នេះ បានរៀបចំវេទិកាពិភាក្សាស្តីពី «ស្ថានភាពសេដ្ឋកិច្ច និងអចលនទ្រព្យនៅឆ្នាំ២០២៤» ដោយមានការអញ្ជើញចូលរួមពី ឧកញ៉ា តែ តាំងប៉ ប្រធានសមាគមសហគ្រាសធុនតូច និងមធ្យមកម្ពុជា, បណ្ឌិត គី សេរីវឌ្ឍន៍ អ្នកជំនាញសេដ្ឋកិច្ច, លោក ស៊ន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា និងលោក ពុយ គា ប្រធានក្លិបអ្នកកាសែតកម្ពុជា ព្រមទាំងអ្នកសារព័ត៌មានប្រមាណជាង៧០នាក់ និងពី៥៤ស្ថាប័ន។ ក្លិបអ្នកកាសែតកម្ពុជា (ក.អ.ក)បានកត់សម្គាល់ថា ស្ថានភាពសេដ្ឋកិច្ចលើពិភពលោក ក៏ដូចជាកម្ពុជាបាន និងកំពុងរងផលប៉ះពាល់ពីវិបត្តិសកល ជាពិសេសវិស័យអចលនទ្រព្យ ដែលពាក់ព័ន្ធដោយផ្ទាល់នឹងជីវភាពប្រជាពលរដ្ឋកំពុងជាប់គាំង ឬអាចនិយាយថារងនូវការប្រឈមធ្ងន់ធ្ងរគួរឲ្យព្រួយបារម្ភ។ ដោយសារតែបញ្ហាខាងលើជាបញ្ហារួម ហើយព័ត៌មានទាក់ទងវិស័យសេដ្ឋកិច្ច និងវិស័យអចលនទ្រព្យមានសារសំខាន់សម្រាប់អ្នក...

ភ្នំពេញ: សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជានៅថ្ងៃទី១១ ខែមីនាឆ្នាំ២០២៤នេះបានអញ្ជើញជាអធិបតី​ដ៏ខ្ពង់ខ្ពស់បើកវេទិការដ្ឋាភិបាលឌីជីថលលើក ទី១ឆ្នាំ២០២៤និងពិពណ៌បច្ចេកវិទ្យាឌីជីថ លដែលវេទិកានេះរៀបចំដោយក្រសួងប្រៃសនីយ៍ និងទូរគមនាគមន៍ នៅមជ្ឈមណ្ឌលសន្និបាត និងពិព័រណ៍កោះពេជ្រ។ បច្ចេកវិទ្យាឌីជីថល គឺជាវិស័យដ៏មានសារៈសំខាន់ក្នុងយុគសម័យបរិវត្តកម្មឌីជីថលនេះ ដើម្បីជំរុញដល់​កិច្ចអភិវឌ្ឍសេដ្ឋកិច្ច និងសង្គម។ រាជរដ្ឋាភិបាលកម្ពុជា បានដាក់ចេញគោលនយោ​បាយសេដ្ឋកិច្ច និង​សង្គមឌីជីថលតាំងពីពេលសម្តេចតេជោ ហ៊ុន សែន​ ដឹកនាំប្រទេសមកម្ល៉េះ។ ក្នុងនីតិកាលថ្មីដឹកនាំដោយ​សម្តេចធិបតី ហ៊ុន ម៉ាណែត បានសម្រួចមុំការងាររបស់រាជរដ្ឋាភិបាលលើឌីជីថលកាន់តែច្បាស់លាស់ ក្នុងយុទ្ធសាស្ត្របញ្ចកោណដំណាក់កាលទី១។ ក្នុងនោះបញ្ចកោណទី៥ បានផ្តោតលើការអភិវឌ្ឍ​សេដ្ឋ​កិច្ច និងសង្គមឌីជីថល។ វេទិកានេះ ធ្វើឡើងក្នុងគោលបំណងចែករំលែក​បទ...

ភ្នំពេញ៖ទាំងដើមបណ្តឹងនិងមតិមហាជ នមួយចំនួន បានដាក់ការសង្ស័យជាបន្តបន្ទាប់ថា តើមានអ្វីនៅពីក្រោយនៃការប្រែ ប្រួល លើសំណុំរឿងព្រហ្មទណ្ឌដែលមានដើមបណ្តឹង លោក ព្រំ ឡុងនី និងឧត្តមសេនីយ៍ឯក សេង គង់ ជាជនជាប់ចោទត្រឹមតែមួយភ្លេតសោះដំណើរការនីតិវិធីនៅតុលាការមានការប្រែប្រួលលឿនស្ទើរនឹកស្មានមិនដល់រហូតឥឡូវនេះ តុលាការក្រុងភ្នំពេញបានសម្រេចលើកលែងបទចោទរំលោភលើទំនុកចិត្តឲ្យ ឧត្តមសេនីយ៍ឯកសេងនៅក្រៅឃុំ ។ លោក ព្រំ ឡុងនី ដើមបណ្តឹង ក្នុងសំណុំរឿងព្រហ្មទណ្ឌ បានសម្តែងការខកចិត្តជាខ្លាំង បន្ទាប់ពីមានសេចក្តីសម្រេចរបស់ចៅក្រុមស៊ើបសួររួចមកលោកបានចាត់ទុកសេចក្តីសម្រេចរបស់ចៅក្រមស៊ើបសួរ ដែលបានសម្រេចលើកលែងការចោទប្រកាន់លើជនត្រូវ ចោទឈ្មោះ សេង គង់ ពីបទរំលោភលើទំនុកចិត្ត គឺជាសេចក្តីសម្រេចដែលមិនត្រឹមត្រូវតាមអង្គហេតុនិងអង្គច្បាប់ពីព្រោះមានភស្តុតាងពិតប្រាកដដែលបញ្ជាក់ថាឧតត្តមសេនីយ៍ឯក សេង គង់ ពិតជាបានបំបាត់ទ្រព្យសម្បត្តិរបស់លោកពិតមែន។ ដោយ...

(សាធារណរដ្ឋកូរ៉េ)៖ លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី០៨ ខែមីនា ឆ្នាំ២០២៤ បានអញ្ជើញជួបពិភាក្សាការងារជាមួយឯកឧត្តម Lee Jung Sik (លី ចង់ស៊ីក) រដ្ឋមន្ត្រីក្រសួងមុខរបរ និងការងារ នៃសាធារណរដ្ឋកូរ៉េ លើកិច្ចសហប្រតិបត្តិការវិស័យការងារ និងបណ្ដុះបណ្ដាលវិជ្ជាជីវៈ។ ក្នុងជំនួបពិភាក្សានោះ លោក ហេង សួរ បានថ្លែងអំណរគុណដល់ឯកឧត្តម Lee Jung Sik ចំពោះការជួបពិភាក្សាការងារលើកិច្ចសហប្រតិបត្តិការវិស័យការងារ និងបណ្ដុះបណ្ដាលវិជ្ជាជីវៈ ពិសេសចំពោះកិច្ចសហប្រតិបត្តិការលើការទទួលពលករតាមប្រព័ន្ធអនុញ្ញាតមុខរបរ ដែលបានចាប់ផ្តើមតាំងពីឆ្នាំ២០០៦មក។ លោករដ្ឋមន្ត្រី​ បានបន្ថែមថា តាមរយៈប្រព័ន្ធនេះ ពលករកម្ពុជាអាចទទួលបានប្រាក់ចំណូលខ្ពស់ ដែលអាចជួយទ្រទ្រង់ជីវភាពគ្រួសារទាំងមូលរបស់ពួកគាត់បាន។ ទន្ទឹមនឹងនេះ ពលករកម្ពុជាអាចទទួលបានបទពិសោធន៍ និងចំណេះជំនាញលើវិស័យសំខាន់ៗ ដើម្បីត្រឡប់មកជួយពង្រឹង និងអភិ...

(សាធារណរដ្ឋកូរ៉េ)៖ តបតាមការអញ្ជើញ ពីសំណាក់ឯកឧត្ដម Lee Cheol Woo (លី ឆល់វូ)អភិបាលខេត្តក្យង់សាំងប៊ូកដូ នៃសាធារណរដ្ឋកូរ៉េ លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី០៦ ខែមីនា ឆ្នាំ២០២៤ បានអញ្ជើញជួបពិភាក្សាការងារជាមួយនឹងឯកឧត្តម Lee Cheol Woo ដើម្បីពិភាក្សាលើវិស័យការងាររវាងប្រទេសទាំងពីរ និងការគាំពារពលករកម្ពុជា។ ក្នុងជំនួបពិភាក្សានោះ លោករដ្ឋមន្រ្តី ហេង សួរ បានថ្លែងអំណរគុណដល់ឯកឧត្តមអភិបាលខេត្តចំពោះកិច្ចសហប្រតិបត្តិការលើវិស័យការងារ​​ រួមទាំងការទទួលយកពលករកម្ពុជាតាមប្រព័ន្ធអនុញ្ញាតមុខរបរ​ និងតាមកម្មវិធីពលកររដូវកាល ពិសេសការគាំពារពលករកម្ពុជា​ដែលកំពុងស្នាក់នៅ​ និងធ្វេីការនៅក្នុងខេត្តក្យង់សាំងប៊ូកដូ។ ទន្ទឹមនឹងនោះ លោកអភិបាលខេត្ត បានថ្លែងអំណរគុណចំពោះឯកឧត្តមរដ្ឋមន្ត្រីសម្រាប់ការអញ្ជេីញទស្សនកិច្ច និងបង្កេីនកិច្ចសហប្រតិបត្តិការនាពេលនេះ​ ដែល អភិបាលខេត្ត​សង្ឃឹមថា ភាគីទាំង...