សារព័ត៌មានដេលីខ្មែរ

(ឡុងដ៍)៖ លោក ជែន ស្តូលតិនបឺក (Jens Stoltenberg) អគ្គលេខាធិការរបស់អង្គការសន្ធិសញ្ញាអាត្លង់ទិកខាងជើង (North Atlantic Treaty Organization) ហៅកាត់ថា អង្គការណាតូ (NATO) បាននិយាយក្រើនរំឭកដល់ប្រទេសទាំង២៩ប្រទេសជាសមាជិករបស់ខ្លួនថា អង្គការនេះត្រូវប្រឈមមុខជាមួយនឹងមហាអំណាចថ្មីមួយទៀត គឺប្រទេសចិនលើគ្រប់វិស័យ ទាំងយោធា សេដ្ឋកិច្ច នយោបាយ និងបច្ចេកវិទ្យា។ លោក ជែន ស្តូលតិនបឺក បានបន្ថែមថា មហាអំណាចថ្មីចិន កំពុងបង្កើនសមត្ថភាពគ្រប់យ៉ាងនៅលើពិភពលោក ដែលជាកាគំរាមកំហែងថ្មី និងមានឥទ្ធិពលបំផុតដល់អង្គការណាតូ ក្រោយពីអង្គការមួយនេះបានប្រឈមមុខជាមួយមហាអំណាចចាស់គឺអតីតសហភាពសូវៀត អស់រយៈពេលជាងកន្លះសតវត្សរ៍ និងបានផ្តួលរំលំអតីតសហភាពសូវៀត កាលពីឆ្នាំ១៩៩១។ សូមរំឭកថា កាលពីថ្ងៃពុធ ទី០៤ ខែធ្នូ ឆ្នាំ២០១៩នេះ អង្គការណាតូបានបើកកិច្ចប្រជុំប្រចាំឆ្នាំ លើកទី៧០ឆ្នាំ នៅចក្រភពអង់គ្លេសដោយមានមេដឹកនាំមកពីប្រទេសទាំង២៩ប្រទេស និងស្ថាប័នដៃគូនានាបា...

លោកអេង ជាសាន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយករដ្ឋបាលជលផលនៃក្រសួងកសិកម្មរុក្ខាប្រមាញ់និងនេសាទបានជូនដំណឹងមួយ ដោយបានធ្វើការអំពាវនាវឲ្យប្រជាពលរដ្ឋមកធ្វើប្រហុកផ្អកទុកបរិភោគទាន់រដូវត្រីត្រូវចាប់ពីថ្ងៃទី៥ រហូតដល់ថ្ងៃទី៩ ខែធ្នូ ឆ្នាំ២០១៩។ ក្នុងរដូវនេសាទឆ្នាំ២០១៩-២០២០នេះ បន្ទាប់ពីបានធ្វើការសង្កេត តាមដានលើកម្ពស់ទឹកដែលហូរចេញពីបឹងទន្លេសាបឃើញថា ទឹកបានស្រកចុះយ៉ាងលឿន ដែលមិនធ្លាប់ជួបប្រទះក្នុងរយៈកាលកន្លងមក។ ទឹកដែលហូរចេញពីបឹងទន្លេសាបស្រកចុះយ៉ាងលឿនបែបនេះធ្វើឲ្យគន្លងដាយនៅតាមដងទន្លេសាប ក្នុងភូមិសាស្ត្ររាជធានីភ្នំពេញ និងខេត្តកណ្តាលអាចនេសាទត្រីបានច្រើន ក្នុងខែមិគសិរនេះ គឺចាប់ពីថ្ងៃ៩កើតដល់ថ្ងៃ១៣កើតត្រូវនឹងថ្ងៃទី៥ រហូតដល់ថ្ងៃទី៩ ខែធ្នូ ឆ្នាំ២០១៩ ខាងមុខនេះ ប្រសិនបើផ្ទៃមេឃស្រឡះល្អ និងគ្មានភ្លៀងកក់ខែ។ រដ្ឋបាលជលផលស្នើសុំអញ្ជើញបងប្អូនប្រជាពលរដ្ឋ ដែលមានបំណងធ្វើប្រហុក ផ្អក ត្រីឆ្អើរ  សម...

ប្រព័ន្ធផ្សព្វផ្សាយ Eyewitness News បានចុះផ្សាយនៅថ្ងៃសៅរ៍ ទី០៧ ខែធ្នូនេះថា ចាប់តាំងពីរដូវរងារចូលមកដល់ កំណើននៃអ្នកជម្ងឺផ្តាសាយនៅសហរដ្ឋអាមេរិកបានកើនឡើងយ៉ាងខ្លាំង រហូតដល់ជាង ១លាន៧សែននាក់នៅទូទាំងប្រទេស ដែលជាកំណើនខ្ពស់គួរឲ្យបារម្ភ ។ លោក ស្កុត អេភើសិន (Scott Epperson) មន្ត្រីវេជ្ជសាស្ត្រនៅមជ្ឈមណ្ឌលគ្រប់គ្រង និងការពារជម្ងឺរបស់សហរដ្ឋអាមេរិក (U.S. Center for Disease Control and Protection) បាននិយាយថា បច្ចុប្បន្ននេះ មានអ្នកជម្ងឺផ្តាសាយជាង១លាន៧សែននាក់ ដោយអ្នកជម្ងឺជាង១៦០០០នាក់បានសម្រាកព្យាបាលនៅមន្ទីរពេទ្យ និងអ្នកជម្ងឺប្រមាណជាង៩០០នាក់ផ្សេងទៀតបានបាត់បង់ជីវិតពាក់ព័ន្ធនឹងជម្ងឺផ្តាសាយនៅទូទាំងប្រទេស ។ លោក ស្កុត អេភើសិន បានបន្ថែមថា កាលពីឆ្នាំ២០១៧ និង២០១៨កន្លងទៅ ជម្ងឺផ្តាសាយនៅរដូវរងារដូចគ្នានេះ បានឆ្លងរាលដាលទៅកាន់មនុស្សប្រមាណជាង៨១០០០០នាក់ ដែលចូលសម្រាកព្យាបាលនៅមន្ទីរពេទ្យ និងអ្នកជម្ងឺផ្តាសាយប្រមាណ៦១០០០នា...

ប្រព័ន្ធផ្សព្វផ្សាយ Reuters បានចុះផ្សាយថា ក្រសួងរតនាគាររបស់សហរដ្ឋអាមេរិកបានសម្រេចដាក់ក្នុងបញ្ជីខ្មៅ កាលពីថ្ងៃសុក្រ ទី០៦ ខែធ្នូនេះ នូវមេដឹកនាំយោធា របស់ប្រទេសអ៊ីរ៉ាក់ចំនួន៣នាក់ ពីបទទទួល ការគាំទ្រដោយប្រទេសអ៊ីរ៉ង់ និងបានសម្លាប់ក្រុមបាតុករប្រឆាំងរដ្ឋាភិបាលអ៊ីរ៉ាក់ ។ ការដាក់មេដឹកនាំយោធាអ៊ីរ៉ាក់ទាំង៣នាក់ក្នុងបញ្ជីខ្មៅរបស់អាមេរិក គឺមានគោលដៅទប់ទល់នឹងឥទ្ធិពលរបស់អ៊ីរ៉ង់ ដែលមេដឹកនាំអាមេរិកបានចោទប្រកាន់មេដឹកនាំយោធាទាំង៣នាក់នេះ ពីបទស្ថិតក្រោមឥទ្ធិពលអ៊ីរ៉ង់ និងរុញច្រានអោយមានអំពើហិង្សាលើក្រុមបាតុករ ។ មេដឹកនាំយោធាអ៊ីរ៉ាក់ទាំង៣នាក់នោះ គឺលោក Qais al-Khazali លោក Asaib Ahl al-Haq និងលោក Laith la-Khazali  ដែលជាមេបញ្ជាការ កងកម្លាំងទាហានប៉ារ៉ាអ៊ីរ៉ាក់ និងជាកងកម្លាំងគាំទ្រដោយប្រទេសអ៊ីរ៉ង់នៅក្នុងប្រទេសអ៊ីរ៉ាក់ ៕...

  ភ្នំពេញ៖  យោងតាមរយៈ Facebook ផ្លូវការរបស់សម្តេចតេជោ​ បានឲ្យដឹងថា ចំណូលដែលសប្បុរសជនចូលរួម ដើម្បីធ្វើទំនើបកម្មមន្ទីរពេទ្យកាល់ម៉ែត រហូតព្រឹកថ្ងៃទី៦ ខែធ្នូ ឆ្នាំ២០១៩នេះ មានចំនួន 70,191,994ដុល្លារ និងប្រាក់រៀលចំនួន32,110000រៀល។ បើគិតទាំងថវិការ៣០លានដុល្លាររបស់រាជរដ្ឋាភិបាលផងនោះ ចំនួនទឹកប្រាក់ឡើងដល់ជាង១០០លានដុល្លារ។ សម្តេចបានសរសេររៀបរាប់ឲ្យដឹងតាមរយៈ Facebook ផ្លូវការរបស់សម្តេចដោយបញ្ជាក់ថា «សូមជម្រាប ជូនបងប្អូនជនរួមជាតិ ជាទីគោរព ស្រឡាញ់ ថាចំណូលដែលសប្បុរសជនចូលរួមដើម្បីធ្វើទំនើបកម្មមន្ទីរពេទ្យកាល់ម៉ែត រហូតព្រឹកថ្ងៃទី៦ខែធ្នូឆ្នាំ២០១៩នេះ មានចំនួន 70,191,994 ដុល្លារ និងប្រាក់រៀលចំនួន 32,110000រៀល។ បើគិតទាំងថវិការ៣០លានដុល្លារ របស់រាជរដ្ឋាភិបាលផងចំនួនទឹកប្រាក់ឡើងដល់ជាង១០០លានដុល្លារ ដែលធ្វើឱ្យយើងមានលទ្ធភាពរៀបចំមន្ទីរពេទ្យកាល់ម៉ែត ឱ្យក្លាយទៅជាមជ្ឈមណ្ឌលពហុបច្ចេកទេសសម្រាប់ការពិនិត្យព្យាបាលជូនប្រ...

នាយករដ្ឋមន្ត្រីរបស់ប្រទេសជប៉ុន លោក ស៊ីហ្សូ អាបេ បានសម្រេចបោះទុន ក្នុងទ្រង់ ទ្រាយធំជាទឹកប្រាក់ប្រមាណ១៣០០០ពាន់លានយ៉េន ស្មើនឹងជាង១២២ពាន់លានដុល្លារអាមេរិក កាលពីថ្ងៃព្រហស្បតិ៍ ទី០៥ ខែធ្នូនេះ ក្នុងគម្រោងផ្តល់សន្ទុះកំណើនសេដ្ឋកិច្ចជាតិនៅឆ្នាំ២០២០ខាងមុខនេះ ។ នេះបើយោងតាមការចុះផ្សាយរបស់ប្រព័ន្ធផ្សព្វផ្សាយ The Telegram ។ លោក អាបេ បានថ្លែងថា កញ្ចប់ថវិកានេះ នឹងត្រូវបានចំណាយទៅលើការជួសជុលហេដ្ឋារចនាសម្ព័ន្ធដែលទ្រុឌទ្រោម ដោយគ្រោះមហន្តរាយធម្មជាតិរយៈពេលកន្លងមក និងការត្រៀមខ្លួនធ្វើជាម្ចាស់ផ្ទះក្នុងព្រឹត្តិការណ៍កីឡាអូឡាំពិកនៅឆ្នាំ២០២០ខាងមុខនេះ ។ លោក អាបេ បានបន្តថា កញ្ចប់ថវិកានេះ ក៏ត្រូវបានចំណាយផងដែរទៅលើយុទ្ធសាស្ត្រផ្តល់សន្ទុះកំណើនសេដ្ឋកិច្ចជាតិ និងការកាត់បន្ថយហានិភ័យនានាផ្នែកសេដ្ឋកិច្ច ខណៈដែលស្ថានភាពសេដ្ឋកិច្ចពិភព លោកមិនសូវរឹងមាំនៅពេលបច្ចុប្បន្ន និងទៅអនាគត ៕  ...

នាវាដឹកប្រេងធុនធំមួយគ្រឿង ឈ្មោះ Nave Constellation ដឹកប្រេងឥន្ធនៈប្រមាណជាង២លានបារ៉ែល ដោតទង់ជាតិទីក្រុងហុងកុង និងជានាវាដឹកប្រេងរបស់ក្រុមហ៊ុន Navios Tankers Management នៃប្រទេសក្រិក ត្រូវបានក្រុមចោរសមុទ្រចាប់ជំរិតនៅសមុទ្រនៃប្រទេសនីហ៊្សេរីយ៉ា ដែលនេះបើយោងតាម Reuters។ មន្ត្រីរដ្ឋាភិបាលរបស់ប្រទេសនីហ៊្សេរីយ៉ា និងបុគ្គលិកនាវាដឹកប្រេង បាននិយាយនៅថ្ងៃព្រហស្បតិ៍ ទី០៥ ខែធ្នូនេះ ថា ក្រុមចោរសមុទ្រមួយក្រុម បានចាប់ជំរិតបុគ្គលិកចំនួន១៩នាក់នៅលើនាវាដឹកប្រេងមួយគ្រឿង នៅចម្ងាយ៧៧ម៉ាយពីកោះ Bonny នៃប្រទេសនីហ៊្សេរីយ៉ា ខណៈដែលនាវាដឹកប្រេងនោះកំពុងធ្វើដំណើរទៅកាន់អាហ្វ្រិកខាងលិច។ មន្ត្រីដដែលបានបន្តថា បុគ្គលិកទាំង១៩នាក់នៅលើនាវាដឹកប្រេងនោះ គឺមានជនជាតិឥណ្ឌាចំនួន១៨នាក់ និងជនជាតិទួរគីម្នាក់ ដោយក្រុមចោរសមុទ្របានបន្សល់ទុកបុគ្គលិកចំនួន៧នាក់ផ្សេងទៀតនៅលើនាវាដឹកប្រេងនោះដែរ ដោយមិនចាប់ជំរិតទេ៕  ...