លោកឧកញ៉ា ហ៊ួត ជា ដែលគេស្គាល់ថាជាអ្នកជំនួញលេចធ្លោ និងជាអគ្គនាយកក្រុមហ៊ុន ផ្គត់ផ្គង់គ្រឿងសំណង់គ្រប់ប្រភេទដ៏ល្បីឈ្មោះនៅក្នុងប្រទេសកម្ពុជានោះបានប្រកាសថា លោករួមចំណែកមនុស្សធម៌ចែកម៉ាសដល់បងប្អូនប្រជាពលរដ្ឋដោយមិនគិតថ្លៃរហូតទៅដល់១០០០០ ម៉ាសចាប់ពីថ្ងៃទី២៨ ខែមករា ឆ្នាំ២០២០ តទៅ រហូតគ្រប់ចំនួន។
លោកឧកញ៉ាមានប្រសាសន៍ទៀតថា«យើងខ្ញុំបានត្រៀមម៉ាសចំនួន១០០០០ ម៉ាស់ សម្រាប់ចែកជូនបងប្អូនដែលមិនទាន់មានម៉ាស់ ដូចរូបខាងក្រោម៖ អាចcall 087806010 រឺឆាតមកខ្ញុំ រឺខំមិនខាងក្រោមនេះដើម្បីក្រុមការងារប្រាប់ទីតាំង ខ្ញុំចែកជូនដោយឥឥគិតថ្លៃ Free Free Free»។
លោកឧកញ៉ាបានបញ្ជាក់ថា« ក្នុងម្នាក់ចែកបានតែ5ម៉ាសទេ យើងចែកគ្នាប្រើសិនទៅណា ព្រោះក៏ពិបាករកទិញដែរ ម៉ាស់ប្រភេទណាក៏ អាចពាក់បានដែរ មិនថាម៉ាស់3M រឺ ម៉ាស់ពេទ្យទេ បើម៉ាស់3Mថ្លៃយើងពាក់ម៉ាស់ពេទ្យទៅ ចាំបាច់អីត្រូវចំណាយថវិកាលើសពីសមត្ថភាពខ្លួនធ្វើអី ? ពេលនេះគេបានផ្សាយហើយថាជំងឺកូរូណា មិនមែនឆ្លងតាមខ្យល់បរិយាកាសទេ គឺឆ្លងតាមទឹកមាត់ ចឹងហើយ យើងពាក់ម៉ាស់ពេទ្យក៏អាចការពារបានដែរ សំខាន់អោយតែខ្លួនយើងប្រកាន់ភ្ជាប់នូវ3 ចំណុចគឺ ៖ បរិភោគស្អាត គេងស្អាត រស់នៅស្អាត គឺគ្រប់គ្រាន់»។
