លោកបណ្ឌិត អ៉ិន ចាន់នី ប្រធានអគ្គនាយកធនាគារអេស៊ីលីដា ភីអិលស៊ី បានចាត់ទុកថា បច្ចុប្បន្ននេះទាំងអតិថិជន និងប្រជាពលរដ្ឋខ្មែរកាន់តែមានការយល់ដឹងច្បាស់លាស់ ពីវិស័យហិរញ្ញវត្ថុហើយស្ថាប័នឲ្យខ្ចីមានកាតព្វកិច្ចពន្យល់និងផ្សព្វផ្សាយពីការ ប្រើប្រាស់សេវាធនាគារ និងហរិញ្ញវត្ថុដែលម្នាក់ៗមានការប្រុងប្រយ័ត្នរៀងៗខ្លួនមុនផ្តល់ ឥណទានទៅអតិថិជនរួមទាំងធនាគារជាតិនៃកម្ពុជាជាអាជ្ញាព្យាបាលផងដែរ។
លោកបណ្ឌិតបានមានប្រសាសន៍ថា«ចំពោះការបារម្ភពីស្ថាប័នអន្តរជាតិមើលពីក្រៅគឺត្រឹមត្រូវពីហានិភ័យ ប៉ុន្តែចំពោះកម្ពុជាយើងវិញជាក់ស្តែងកាលពីឆ្នាំ២០១៧ អត្រាកំ ណើនឥណទានមានជាង២០% ប៉ុណ្ណោះប្រចាំឆ្នាំ និងឆ្នាំ២០១៨ វិស័យធនាការលូត លាស់មានត្រឹម១៨%ទេ ។ ដូច្នោះ ហានិភ័យគឺមានតិចតួចប៉ុណ្ណោះ តែបើយើងសង្កេត មើលប្រវត្តិវស័យហិរញ្ញវត្ថុកម្ពុជាតាំងពីឆ្នាំ១៩៩៩ រហូតមកដល់ពេលនេះមិនដែលមានបញ្ហាអ្វីកើតឡើងទេ ពោល គុណភាពក៏ល្អ និងការលូតលាស់មានអត្រា ខ្ពស់ ប៉ុន្តែអាច គ្រប់ក្រងបាន ហើយអ្វីគេបារម្ភខ្លាំងពេលវិស័យនេះ លូតលាស់ខ្លាំងលើសពី២០%ទៅ»។
លើសពីនេះលោកបណ្ឌិតថា ចំពោះស្ថាប័នហិរញ្ញវត្ថុអ្នកឲ្យខ្ចី និងអាជ្ញាធរអ្នកគ្រប់ គ្រង វិញគេមានការប្រុងប្រយ័ត្នមិនមែនចេះតែឲ្យខ្ចីលើសពីតម្រូវការនោះទេ ហើយរឿង សំ ខាន់កម្ពុជាមានការិយាល័យឥណទានកម្ពុជាសម្រាប់ចុះរាល់ព័ត៌មានដែលអតិថិជនខ្ចីនិង អ្នកសងយឺតឬខកខានមិនបានសង់វិញ ហើយអត្រាសងឥណទានមិនតាម កាល កំណត់មានតែជាង ២%ទេ ដែលជាតួលេខ១ ល្អចំពោះគុណភាពឥណទាននៅកម្ពុជា។
សម្រាប់លោកបណ្ឌិត អ៉ិន ចាន់នី លើកឡើងថា តាមការប៉ានប្រមាណរបស់លោកក្នុងនាមធនាគារអេស៊ីលីដានោះនៅឆ្នាំ២០១៩នេះ វិស័យហិរញ្ញវត្ថុមានភាពវិជ្ជមាន នៅឡើយ ដោយសារតែប្រទេសកម្ពុជានៅតែស្ថិតក្នុងចំណោមប្រទេសដែលមានការលូតលាស់ខ្ពស់ ក្នុងតំបន់អាស៊ាន និងពិភពលោកដែលសេដ្ឋកិច្ចជាតិមានកំណើនជា មធ្យមនៅរយៈពេល២ ទស្សវត្តនេះរង្វង់ ៧%ប្រចាំឆ្នាំ។
លោកបណ្ឌិតបានបន្ថែមថា នៅពាក់កណ្តាលឆ្នាំ២០១៩នេះ តម្រូវការឥណទានបន្ត មានការរីកលូតលាស់ទាំងឥណទាន សម្រាប់SME និងប្រាក់បញ្ញើសន្សំ ដោយ សារតែ ប្រជាពលរដ្ឋនិងអតិថិជនមានការយល់ដឹងច្បាស់ពីវិស័យនេះ ហើយវិស័យនេះមិនមានអ្វីដែលគួរឲ្យព្រួយបារម្ភនោះទេ។
កន្លងទៅថ្មីៗនេះធនាគារពិផពលោកបានបង្ហាញថា កំណើនឥណទាននៅកម្ពុជាបាន ថមថយមកត្រឹម ១៨,២%នៅពាក់កណ្តាលឆ្នាំ២០១៧ បើធៀបនិងឆ្នាំមុនក្នុងរយៈពេល ដូចគ្នាពីអត្រា២៥,៨%ក្នុងឆ្នាំ២០១៦។
សម្រាប់កំណើនប្រាក់បញ្ញើនៅរក្សាភាពរឹងមាំដែលមានការកើនឡើងពី២០% បើធៀបឆ្នាំមុនរយៈពេលដូចគ្នាជាការឆ្លុះបញ្ចាំងពីស្ថានភាពល្អប្រសើរនៃលំហូរមូលធន។ ការ កើនឡើងនៅប្រាក់បញ្ញើជារូបិយប័ណ្ណបរទេសរួមចំណែកធ្វើឲ្យមានការពង្រឹងរូបិយវត្ថុទូទៅដែលបានកើនឡើងដល់១៩,៧% នៅពាក់កណ្តាលឆ្នាំ២០១៧ និងធៀបរយៈពេល ដូចគ្នាកាលពីឆ្នាំមុនមាន ១៧,៩%៕
