Author: daily-khmer

ប្រធានាធិបតីរបស់ប្រទេសចិន លោក ស៊ី ជីនពីង បាននិយាយតាមទូរស័ព្ទជាមួយព្រះមហាក្សត្រនៃប្រទេសអារ៉ាប៊ី សាអូឌីត នៅថ្ងៃសុក្រ ទី០៧ ខែកុម្ភៈនេះថា ចិនអាចគ្រប់គ្រងការឆ្លងរាលដាលនៃវីរុសផ្លូវដង្ហើមកូរ៉ូណាបានដោយក្រុមអ្នកជំនាញចិនអាចដឹងពីមនុស្សដែលផ្ទុកវីរុសផ្លូវដង្ហើមួយនេះ ទោះបីមិនទាន់ចេញរោគសញ្ញាក៏ដោយ ។នេះបើតាមការចុះផ្សាយរបស់ South China Morning Post ។ គិតត្រឹមថ្ងៃសុក្រនេះ ចំនួនមនុស្សស្លាប់បានកើនឡើងចំនួន ៧៣ នាក់បន្ថែមទៀតពីថ្ងៃព្រសហស្បតិ៍ដល់ថ្ងៃសុក្រនេះដោយវីរុសផ្លូវដង្ហើមកូរ៉ូណា ដែលរុញច្រានកំណើនមនុស្សស្លាប់សរុបអោយកើនឡើងដល់ចំនួន ៦៣៨ នាក់ហើយ ដែលក្នុងចំណោមមនុស្សស្លាប់ទាំង ៦៣៨ នាក់នោះ គឺមនុស្សស្លាប់ចំនួន ៦៣៦ នាក់នៅប្រទេសចិន និងម្នាក់នៅប្រទេសហ្វីលីពីន និងម្នាក់ទៀតនៅទីក្រុងហុងកុង ។ ចំណែកចំនួនមនុស្សដែលឆ្លងវីរុសផ្លូវដង្ហើមមួយនេះ ក៏បានកើនឡើងថ្មីចំនួន ៣១៤៣ នាក់ផងដែរ ដែលរុញច្រានកំណើនមនុស្សឆ្លងវីរុសនេះឲ្យកើនឡើងដល់ ៣...

មន្ត្រីសេវាកម្មបន្ទាន់របស់ប្រទេសអ៊ីតាលី (Emergency Services) បាននិយាយថា រត់ភ្លើងល្បឿនលឿនមួយខ្សែបានរត់ខុសផ្លូវនៅថ្ងៃព្រហស្បតិ៍ ទី០៦ ខែកុម្ភៈនេះ នៅខេត្ត ឡូឌី (Lodi) ភាគខាងជើងនៃប្រទេសអ៊ីតាលី បណ្តាលឲ្យមនុស្សចំនួនពីរនាក់បានបាត់បង់ជីវិត និងមនុស្សចំនួនពីរនាក់ផ្សេងទៀតបានរងរបួសធ្ងន់ ។​ នេះបើ យោងតាមការផ្សព្វផ្សាយរបស់ Reuters ។ មន្ត្រីដដែលបានបន្តថា មនុស្សដែលបានបាត់បង់ជីវិតទាំងពីរនាក់នោះគឺជាបុគ្គលិកផ្នែកបើកបរ និងមនុស្សចំនួន២៧នាក់ផ្សេងទៀតបានរងរបួសស្រាល ។ ប៉ុន្តែមន្ត្រីរូបនេះមិនបានបង្ហាញពីមនុស្សសរុបនៅលើរថភ្លើងល្បឿនលឿននេះទេ ។ ចំណែកមូលហេតុដែលនាំឲ្យរត់ភ្លើងនោះរត់ខុសផ្លូវនៅមិនទាន់ត្រូវបានបង្ហាញនោះទេ ដោយក្រុមមន្ត្រីជំនាញអ៊ីតាលីនឹងបើកការស៊ើបអង្កេតរកមូលហេតុច្បាស់លាស់សិន ៕...

ក្រុមអាជ្ញាធររបស់ប្រទេសចិនបានប្រកាសថា ចំនួនមនុស្សស្លាប់ដោយវីរុសផ្លូវដង្ហើមកូរ៉ូណាបានកើនឡើងបន្ថែមទៀតចំនួន ៧៣ នាក់ក្នុងចន្លោះពីថ្ងៃពុធដល់ថ្ងៃព្រហស្បតិ៍ ទី០៦ ខែកុម្ភៈនេះ បានរុញច្រានឲ្យកំណើននៃមនុស្សស្លាប់សរុបបានកើនឡើងដល់ ៥៦៥ នាក់ហើយ ដែលជាកំណើនក្នុងល្បឿនលឿនគួរឲ្យព្រួយបារម្ភ ដែលនេះបើតាម Google News ។ ក្រុមអាជ្ញាធរចិនបានបន្តថា ចំនួនមនុស្សដែលបានឆ្លងវីរុសផ្លូវដង្ហើមួយនេះ ក៏បានកើនឡើងក្នុងល្បឿនណាស់ដែរ ដោយមនុស្សចំនួន ៣១៥៦ នាក់បានឆ្លងបន្ថែម ដែលរុញច្រានកំណើនសរុបនៃមនុស្សឆ្លងវីរុសផ្លូវដង្ហើមមួយនេះឲ្យកើនឡើងដល់ ២៨២៦១ នាក់ហើយ ។ សូមបញ្ជាក់ថា ទាំងកំណើននៃចំនួនមនុស្សស្លាប់ និងទាំងកំណើននៃមនុស្សឆ្លងវីរុសផ្លូវដង្ហើមកូរ៉ូណានេះ គីភាគច្រើនបំផុតនៅក្នុងប្រទេសចិនផ្ទាល់តែម្តងជាទីដែលវីរុសនេះបានផ្ទុះឡើង ដោយប្រទេសផ្សេងក្រៅពីចិន គឺមានមនុស្សតែពីរនាក់ប៉ុណ្ណោះ ៕...